3 จซ้ะ คู่เล้า, โอ ลู่ง แย๊โค๊ พี่ จ ช๊องมองที๊งดุ้ เท่อ นอ, มี เค้ทาง จ โล้แบ เท่อ ดี๊ จ พลี้ บี่อี้ง
จ เมะ ไจ้ะ บี่อี้ง, “จ ล เฆว้ง แบ เท่อ ท้อง กแช่แยว้ แบ ฌี้ โล้ เท่อ ลู่ง กแช่แยว้ อ เม้ง ล้า แบ ฌี้ นอ” ท โอ ลู่ง จ ซ้ะ พ้า บี่ซุ้ดี๊ มี อาง เท่อ ไซ้ะเท้ง อ ซ้ะ โอ ลู่ง จฆีงจเกว้ พ้า ดี๊ จ ล้างเพาล้างแช่ พี่ จ แบ อางกีท๊าง-อ้ะ ดี๊ จ อางกีท๊าง-อ้ะ ล เก แบ
ฌ้อง นอ วีงฌี้แล้แอว้ โชะทาง แย้, ดี๊ ลี้ฌ้า แย้, ยี๊แด จ ลี้ ดี๊ ท ซ้ะ เฌ๊ฌ้อง น้ะ มะ, จวีงจแล้ ซ้ะทาง พ้ะดู, ดี๊ กแช่ยาเว อ จูง นอ อไฌ่อแบ้ โอ จ ล้อง
อซื๊งเว๊ โล้ โละ อ ซ้ะ บี่ อี้ง, “พี่ อ เว๊ ก้างแก้ เท่อ ดี๊ เฆ้อ ลู่ง เกล้, อางโล๊ไท้ ฌ้า เอะ เฆ้อ ไละ ฌี้ ไละ แอว้ นอ, ก เซิง มึ ซ้ะ มึ ซ้ะอวีง ซ้ะโทะ ดู มะ, ล เมะ แบ-อ้า”
