8 จ ไฌ่เลาแบ้เลา, ดี๊ แบ ทพลีทท่าง ท้อง ลู่ง อ ล้าง ป้ะเป้ จ ฌางอื้งฌางโทะ, ลู่ง ทน้ะเซิงน้ะซ้ะ อกย้อง
เมะเว๊ จ ทแซวี๊งแซซยู เฌ๊ เท่งก้ะ ทอางทโอ้ ดี๊ จ ทฌางอื้งฌางโทะ แบ ทลู๊งล้างไฆวะ-อ้ะ, บี่ซุ้ดี๊ ที๊ง
จเซิงจซ้ะ เติ้งทางเติ้งล้าง, ล โอ กโช้ แบ เฆาะ มื่ง นี้ง ลู่ง ทน้ะเซิงน้ะซ้ะ เฌ๊ ต้องนอง แด แย้
จ ทางโฌ้ทางซ๊า, ล เมะ ดี๊ มื่งต้องแช๊ชิ้ อกย้อง แบ จ ชี๊เทิงทาง ลู่ง โพล้ง น๊างมู๊ง อ แกล้, ดี๊ จ อางท่างนี่ ทแม้ช้า
พี่ จ ล โล้ล้าง จ ทเด้บ้ะ แบ นอ จเค่งจฌ้าง ล้างฆวี่ล้างบ้าง ดี๊ จ ทฌางล้างย้าล้าง เซ๊งนี้งคล้อง ทไค้ะ
ก ซื๊งเว๊ กุ้แฌ้ ฌางล้างย้าล้าง บี่ซุ้ดี๊ ทซู๊ง ก ฌางอื้งฌางโทะ บี่ซุ้ดี๊ ทูลี่ง แอว้ ก มื้งแล่ ท อเกิ้งอแบ, แบเด้าะ ล โอ แบ เฆาะ มื้งแล่ ทพ้องทพลิ้, แบเด้าะ นอ, อ โอ ช้างชื้ง ไย้ ดี๊ เฆ้อ ล้อ
