4 จ ล นี่ ชี๊น้าง โอ ดี๊ โพล้ง อางโล๊ไละ เท่อ แบ ลก้ะได้ะแบ นอ, จ ล กื้อ โละซ้ะ ดี๊ โพล้ง อ ซ้ะไก เท่อ แบ
“จ เมะ ไจ ลี้ฆึ ดี๊ ทลเมะลโต้ แบ ดี๊ จ คาง ปชื่ง ลี้ ลู่ง ทอางโล๊ไละ พ้า นอ
โพล้ง พี่ โอมึโอพ้า นอ, เมะเว๊ โพล้ง พี่ ล โพะ โพล้งอ้าโพล้งซ๊าง, อ ท โล้ฌ้าละฌ้า อ ไค๊ แบ ล ชี๊เทิง โอ ลู่ง โพล้ง ทเด้บ้ะ อ เกล้ พ้า แบ ดี๊ ล ชี๊น้าง โอ ลู่ง โพล้ง แม้ไฌ๊ซ้ะ เท่อ อ ล่างชี๊น้าง คู แบ
จ ม โอ ช้างชื้ง ไย้, ดี๊ โพล้ง เซิงไกซ้ะคู้ง จ ล แม้ แบฆ้ะ ล้าง จ ซ้ะ, ดี๊ ทอ้าทซ๊าง แบ เฆาะ
นอ เซ้อ, แน้ โพล้ง แม้ ท อ้า ท ซ๊าง, เกม๊า น ไจ แด ไฆวะ แย้ ไวะ บี่ ซุ้ จ ม แฌแซ กต้าง จ กแช่แยว้ อ ท ซองทซ๊าง
แย้ จ เก ฌุ้พาง โละซ้ะ ดี๊ โพล้ง กุ้แฌ้, พี่ อ ดู้งแบยางแบ กแช่แยว้ ดี๊ โพล้ง พี่ แม้โพะ กแช่แยว้ อ ท อางกีล้าง อ ไค๊
โพล้ง พี่ เท๊ อ กแช่ อ ไชะ นอ, ม โอ ดี๊ ทอาง ลู่ง อล๊าอฆวี้ แบเด้าะ โพล้ง พี่ โพะ ท อลื่งอฆวี้ ลโอแบ อ ไค๊ นอ, ล โอ ดี๊ ทซีงแฌ๊ล้างซ้ะ แบ
โพล้ง พี่ โพะโละไค๊ ดี๊ โพล้ง โอ ดี๊ ทโกงซีมองแบ นอ, ม เกทางก้ะ โพล้ง โอ ดี๊ ทโกงซีมองแบ แบเด้าะ โพล้งเซ๊กูเฌ๊ฌ้อง อ ฌุ้พาง นอ, ม แบ ทแม้เฌ๊ฌ้อง ล้อ
เกม๊า ญ๊องไฆวะ ทซีงแฌ๊แน่ฌ๊า แซย้ นอ, ดี๊ โอม๊าโอว้ะ-อ้ะ โอม๊า ลู่ง ทซีงแฌ๊แน่ฌ๊า กุ้เม้ง อ เกล้ นอ ไช้ะ”
จ ล นี่ ชี๊น้าง โอ ลู่ง โพล้ง พี่ อ โละกวี้โละแบ โละซ้ะ มึ อ โป้ง พ้า แบ ดี๊ จ ล นี่ ซ้ะอวีงซ้ะโทะ เท่อ แบ จ ชี๊น้าง โอ ล แฌ้ เฆาะ ล้อ, เมะเว๊ กแช่แยว้ อ จูง โอ ลู่ง จ คูด้าง อไฌ่บี่อี้ง, กแช่แยว้ เกม๊า จ โอ ฆวี้ ดี๊ ท ซ้ะทาง พ้ะดู
อางโล๊ ล้าง น ซื๊ง ซ้ะ ล ฌี้, ท ไคล้ โอ บี่ อี้ง, “น เมะ แม้ ซกุ้ โละ ซ้ะ ดี๊ โพล้ง ล ฌี้ ล แอว้ แบ นอ, อ เว๊ ม แม้ เฌ๊ฌ้อง แน้ ล้อ”
ท บี่ นอ, กแช่ แยว้ ไจ้ะ เว๊ “น แบ ไจ ทาง ไฆวะ ลู่ง โพล้ง ล แพ นอ อ แกล้ ดี๊ ไจ พ้ะ แด ไฆวะ อซื๊งเว๊ แม้ แบฆ้ะ ล้าง น ซ้ะ ดี๊ ท ล เช๊ง ล เกล้ง แบ นอ ล ฌี้ ฌ้อง จ ม ฮะ นี่ น ซื๊ง