ทอางปฆ้า 17:3 - Northern Pwo Karen Thai Bible

³ พี่ กแช่แยว้ แม้แคว่ดุ้ จ ซ้ะ, ดี๊ เฌ๊ ไจ จ โอ ลู่ง มแน้แค๊ ท่อง แม้แคว่ดุ้ แย้ เย้า นอ, กแช่แยว้ ล แด ทอ้าทซ๊าง ดี๊ แย้ แบ เฆาะ จ นุ้ ล ลือค๊างพะ เท่อ แบ

ทอางปฆ้า 17:3 교차 참조

1​ทกวิ้ไน 28:9

“เมะ แน้, จ พู ซาโลโม-เอ้อ, ม๊า น ซีงแฌ๊ แพ่ อ กแช่แยว้, ดี๊ แม้ เอะ อ เท่อ เลาเซิงเลาซ้ะ น๊างโพลง แย๊, ดี๊ ทซ้ะมึ, เมะเว๊ กแช่ยาเว นอ แคว่ดุ้ ซ้ะ เลาพะ, ดี๊ แน ซี ทแม้ อ ไฌ่, ดี๊ ทช๊องมอง กุ้เม้ง, น เมะ อางฆื๊งนี่-อ้ะ นอ, น ม แด-อ้ะ ล้อ, แบเด้าะ น เมะ ญ๊องไฆวะ-อ้ะ นอ, อ เว๊ ม ญ๊องไฆวะ แน้ ล้างชู้ ล้อ

1​ทกวิ้ไน 29:17

จ กแช่แยว้-เอ้อ, แย้ จ ซีงแฌ๊-อ้ะ, แน้ น กว้ะแคว่ดุ้ เซิงซ้ะ, ดี๊ แบ น ซ้ะ ดี๊ ทอโต้อล้อง, เมะ แย้ นอ จ เทว๊ ทลแพ อี้ง เลาพะ ดี๊ จ ทซ้ะ โอ, ทเซิงเท่งซ้ะโต้, ดี๊ ค๊องเนงอี้ง นอ, จ เซิงมึซ้ะมึ พี่ จ แด แบ น พู น ลี้ง พี่ อ โอ พี่ อี้ง, อ ซื๊งเว๊ อ ซ้ะ โอ, พี่ ม เทว๊ เท่อ ดี๊ ทเซิงฆวี๊งซ้ะโย้ เอะ แน้

โยบา 23:10

แบเด้าะ กแช่แยว้ ซีงแฌ๊ เกล้, พี่ จ ลี้ โพะ-อ้ะ นอ ท่อง กแช่แยว้ แม้แคว่ดุ้ แย้ ฌ้อง นอ, แย้ จ ม เก แบด้องซุ้ ท๊อง

โยบา 24:14

โพล้ง แม้ซี๊ง เท่อ นอ, เฌ้เทิงทาง ลู่ง โฌ้ ล คึ อ เว๊ แม้ซี๊ง โพล้งซยางโพล้งน้ะ, ดี๊ โพล้งไว้ะโพล้งว๊าง ดี๊ ลู่ง มแน้แค๊ นอ, อ เว๊ เก บี่ซุ้ดี๊ โพล้งอางฌูงเท่อ

ทอางปฆ้า 11:5

กแช่ยาเว แม้แคว่ดุ้ โพล้ง ทแบกแช่แยว้อซ้ะ, ดี๊ โพล้งอ้าโพล้งซ๊าง ซ้ะ ดี๊ กแช่แยว้ แช๊เมะไฌ๊ซ้ะ ดี๊ โพล้ง, พี่ อ เอ ทอชองอจุ้

ทอางปฆ้า 119:106

จ อืงล้าง เท่อ ดี๊ โล้ ล้างเท่งล้างชิ้ เท่อ บี่อี้ง ม แม้โพะ กแช่แยว้ อ ท อางกีล้าง, พี่ อฌี้อแอว้ อ ไค๊

ทอางปฆ้า 139:1

จ กแช่ยาเว-เอ้อ, น แคว่ที๊งแคว่โต้ แย้ ดี๊ น ซีงแฌ๊ แย้

ทอางปฆ้า 139:23

จ กแช่ยาเว-เอ้อ, เกม๊าเต้ คู๊ แคว่ที๊งแคว่โต้ แย้, ดี๊ ซีงแฌ๊ จเซิงจซ้ะ เกม๊าเต้ ลองแม้แคว่ดุ้ แย้, ดี๊ ซีงแฌ๊ จ ท ช๊องมองช๊องม้ะ

ทอางปฆ้า 16:7

จ เทว๊ ท อางปฆ้าทาง เอะ กแช่ยาเว, พี่ อ เกล๊าง ทเนฌ้าโล้ฌ้า เอะ แย้ เอ้อ, ลู่ง มแน้แค๊ นอ, จเซิงจซ้ะ โล้แย้ ซองแย้

ทอางปฆ้า 26:2

จ กแช่ยาเว-เอ้อ, เกม๊าเต้ แคว่ที๊ง แย้, เกม๊าเต้ ลองดุ้ แย้ แม้แคว่ดุ้ จวีงจแล้, ดี๊ จ ซ้ะ แดเทา

ทอางปฆ้า 39:1

ยี๊แด นอ จ ไจ้ะ บี่อี้ง, “จ ม ปโล่ปด้างล้าง จเกล้จพ้า บี่ซุ้ จ ล แม้ ทเด้บ้ะ ดี๊ จ พลี้ แบ จ ม จ้าทาง กื่อ ลู่ง จ นุ้ ล้อง พี่ โพล้งอ้าโพล้งซ๊าง โอ ลู่ง จ เมะแซ พ้า อ แค๊ นอ”

ทอางปฆ้า 66:10

จ กแช่แยว้-เอ้อ, เมะเว๊ น แม้แคว่ดุ้ เฆ้อ ซีงลแพ ก ซ้ะ กแช่แยว้ ฆู่ง เฆ้อ ซีงลแพ, ด้องซุ้ ฆู่ง จี้

ทอางปฆ้า 7:4

จ เมะ แม้ทอ้าทซ๊าง แบ จ ซกุ้ฌุ้พาง-อ้า จ เมะ ตมละ โพล้ง โอเว้งโอก๊าง ดี๊ แย้, พี่ อไฌ่อกย้อง ล โอ น่างเม้ง แบ-อ้า นอ

ทอางด้อง 13:3

โพล้ง พี่ ปโล่ล้าง อ นุ้ นอ, แฌแซกต้าง อ กแช่ อ ทโอม๊า แบเด้าะ โพล้ง พี่ อุ้พ้ะ อ นุ้เฌะ เล่ นอ, เฌ๊ท้อง ทเซงทื่งเฌ๊ฌ้อง ล้อ

เยเรมี 12:3

จ กแช่ยาเว-เอ้อ, แบเด้าะ น ซีงแฌ๊ แย้ ล้อ น แด แย้, ดี๊ น ลองดุ้ แม้แคว่ดุ้ จ ท ช๊องมอง, พี่ โอ ดี๊ แน้ อวีงซ้ะชู้ พอง ม้องทาง-อ้ะ, บี่ซุ้ดี๊ แกะ ลู่ง ท แม้ซี๊ง อ ฌ่าง ดี๊ อางกีเจไฆวะ-อ้ะ, ลู่ง มื่งนี้ง แม้ซี๊ง อ ฌ่าง

เยเรมี 50:20

กแช่ยาเว ไจ้ะเว๊, มื่งนี้ง พ้า ลแพ นอ, ดี๊ อช๊าอโท่ พ้า นอ, ม อางฆื๊ง ทไพ้ะทแม ทเด้บ้ะ ลู่ง อีซลาเอง พ้า ล แด แบ เฆาะ, ม อางฆื๊ง ทเด้บ้ะ ลู่ง ยูดา พ้า นอ, ม ล แด แบ เฆาะ, เมะเว๊ ก ม แพล่ไฆวะ เอะ โพล้ง ลแพ นอ, พี่ ก เกม๊า อ ล้างลื๊อ โอก้ะ นอ ล้อ”

โฮเชยา 7:6

อ เว๊ เฌ๊ฆ้าง เบ้า ดี๊ ทโกงทแกย, อเซิงอซ้ะ คู่ ด้องซุ้ มีอ้า อ ล่าง ฆู่งเม๊ง เท่อ ซ๊างแน้คล้อง นอ, ท ซ้ะทาง เฌ๊ทาง รื้งๆ ท่อง ทพ้างทาง โฌ้โค๊ นอ, ซยุ้ทาง ด้องซุ้ ดี๊ มีแล เค้

มีคา 2:1

ท เซงทื่งเฌ๊ฌ้อง แบ โพล้ง พี่ อ ช๊องมองเว้ ท แม้อ้าแม้ซ๊าง ดี๊ ช๊องมอง แม้ ทอ้าทซ๊าง โอ ลู่ง อ ล่างมี๊ง คู ท่อง ทพ้างทาง โฌ้โค๊ นอ, อ ซื๊งเว๊ ลี้ แม้ เว๊ เมะเว๊ ท อดู้งอยาง โอ ลู่ง อ จูง พ้า พี่ แม้ เว๊ ซี

เซคารียา 13:9

ซ๊าโทะ อี้ง ก ม แม้นี่ ล โทะ พลึ้ล้าง มีอ้า พ้า ดี๊ ฆู่งพลี่ง-อ้ะ, บี่ซุ้ดี๊ ฆู่งพลี่ง จี้ ดี๊ ลองแม้แคว่ดุ้-อ้ะ, บี่ซุ้ดี๊ ลองแม้แคว่ดุ้ ท๊องบ้าง อ เว๊ ม กุ้ทาง กเม้งกแซ ดี๊ ก ม ไคล้ช๊า-อ้ะ ก ม ไจ้ะ บี่อี้ง, ‘อ ซื๊งเว๊ ซีง ลแพ, เก กพูกลี้ง’ ดี๊ อ เว๊ ม ไจ้ะ บี่อี้ง, ‘กแช่ยาเว เมะเว๊ จ กแช่แยว้ ล้อ’,”

มาลาคี 3:2

แบเด้าะ โพล้งเล้ ม โท่ง โอ เก, ลู่ง มื่งนี้ง พี่ อ เว๊ เฌ๊ นอ?, ดี๊ โพล้งเล้ ม ชี๊เทิง โอ เฌิ่งเพิ่ง ซี, พี่ อ เว๊ เนโพลทาง อ ซ้ะ นอ? “อไฌ่บี่อี้ง, อ เว๊ เก ด้องซุ้ มี ฆู่ง เฮ๊, ดี๊ ด้องซุ้ ซแล้ อางชืง เท่อ อ ซ้ะแปย้

ท​แม้ 11:23

ท่อง บานาบา ลี้ ท้อง แด เว๊ โพล้ง ล มู๊ง นอ, นี่ แบ กแช่ แยว้ อ โก้ง อ โบ้ง อ บลึ้ อ บลาง ฌี้ มะ, ต้ะ อ เว๊ ซ้ะอวีง ซ้ะโทะ ดู มะ, ฌ้อง โล้ แบ อซื๊งเว๊ เกม๊า อ ทื๊ง กแช่ เยซู เมะ ที๊ง เมะ โต้ เมะ เฌิ่ง เมะ ค๊า ล้อ

ท​แม้ 16:9

ล แน้ แย๊ นอ เปาโล แด ท แด เว้, เมะ เว๊ แด โพล้ง ค่าง มาซีโดเนีย ล แฌ้, อ เท่อ อวีงซ้ะชู้-อ้ะ ไจ้ะ เว๊, “แคว๊ โจ้-เอ้อ เฌ๊ แม้ช้า เฆ้อ ลู่ง มาซีโดเนีย อ ค่าง พ้า อี้ง ไช้ะ”

1​โคเรง 4:4

แย้ จ ซีงแฌ๊ ล้าง จ ซ้ะ จ ท ไพ้ะ ท แม ล โอ น่าง เม้ง แบ, ล เมะ จ ไจ้ะ ล้าง จ ซ้ะ จ ฌี้ จ แอว้ แบ, กแช่ แยว้ ล แฌ้ ล้อ ต้ะเซ๊ง แย้ ซี

2​โคเรง 1:12

ก ซ้ะ มึ ล เม้ง ดี๊ ก ซีงแฌ๊ ล้าง ก ซ้ะ เต้ๆ, เมะ เว๊ ก แม้ ก ซ้ะ เมาน่าง ครึๆ, เมะ ดี๊ น ซื๊ง นอ, ก แม้-อ้ะ เมาน่าง แอ ล ปี๊ ลู่ง ท เซิง ฌี้ ซ้ะ แอว้ ดี๊ ท เซิง โต้ ซ้ะ โต้, พี่ อ แบ กแช่ แยว้ อ ซ้ะ, ล เมะ โพล้ง ฌางคู โคล๊ง คู อ ท โกง ท มอง เกม๊า ก แม้ แบ, แบเด้าะ กแช่ แยว้ อ โก้ง อ โบ้ง อ บลึ้ อ บลาง เกม๊า ก แม้ ล้อ

ยาเก้า 3:2

ก เว๊ แด กุ้ อ แฌ้ โย้ นอ, ก แม้ เท่อ ล แบๆ, แอ เม้ง แอ มยู๊ ล้อ, โพล้ง พี่ อ ไคล้ เท่อ ลู่ง อ แบ กุ้ พ๊า นอ, เมะ โพล้ง ลู่ง อ ฌี้ อ แอว้ เมาน่าง, อ เว๊ แคแน ล้าง อ กแช่ อ ซ้ะ เก เลา ปะ นอ ล้อ

1เปโต 1:7

ท น้ะ ท โน๊ง ล แพ อี้ง นอ, เก ทาง บี่ ซุ้ ม ลองดุ้ น ท ชู่ง ท นะ, ฌ้อง ม แม้ โพล ทาง เว๊ ลู่ง อ ล้างเท่ง ล้างชิ้ เต้ๆ, ทึ เมะ ท๊อง พี่ อ แบ ท แม้ เฌ๊ฌ้อง-อ้ะ ซี นอ ฌี้ๆ, ม แบ ท ลองดุ้-อ้ะ ดี๊ มี อ้า, บี่ ซุ้ ดี๊ นอ, น ซื๊ง ท ชู่ง ท นะ พี่ อ ฌี้ นี่ ท๊อง ได้ะ นอ, แบ ท ลองดุ้-อ้ะ ปะ, บี่ ซุ้ ม โอ เฌิ่ง โอ ค๊า, ฌ้อง กแช่ แยว้ ม อางปฆ้า ดี๊ ม แม้ ฆี๊ง เมะ ฆี๊ง แน๊ น ซื๊ง, เกม๊า น โอ ดี๊ ท อ ฆี๊ง อ แล้ อ โฌ่ง อ พ้าง ลู่ง ล นี้ง แย๊, พี่ กแช่ เยซู คริ้ ม เฌ๊ เนโพล ทาง อ ซ้ะ โคะ

1ซามูเอง 24:10

แคว่เซ้อ, ล นี้ง แย๊ อี้ง น แด ล้างที๊ง-อ้ะ เย้า, กแช่ยาเว อางกีล้าง แน้ ลู่ง จ จูง พ้า, ลู่ง ไล๊ พ้า นอ, ดี๊ โพล้ง แบ ล แฌ้ๆ, อางท่าง แย้, เกม๊า จ แม้ซี๊ง ไฆวะ แน้, แบเด้าะ ยี๊แด จ อางกี ม๊า แน้, จ ไจ้ะ บี่อี้ง, ‘จ ล เยาฆ้าง จ จูง แม้อ้าแม้ซ๊าง จ เซงคู แบ, เมะเว๊ อ เว๊ เก โพล้ง พี่ กแช่ยาเว เท้าไน เว๊’

1ซามูเอง 24:12

เกม๊า กแช่ยาเว ต้ะเซ๊ง แน้ ดี๊ แย้, เกม๊า กแช่ยาเว แม้แกไท้ แน้ เท่งก้ะ แย้, แบเด้าะ เมะ แย้ จ จูง นอ, ล แม้ แน้ น่าง เม้ง แบ

1ซามูเอง 26:11

เกม๊า กแช่ยาเว ด้างทะ แย้, เกม๊า จ เยาฆ้าง จ จูง ดึ้ซึ้ โพล้ง พี่ กแช่ยาเว เท้าไน เว๊ นอ ล ฌี้, ค๊องเนงอี้ง, เกม๊า แม้นี่ พ้าง พี่ โอ ฆ้าง ดี๊ ซาอู อ คูไท้ะ ดี๊ ที๊งลื้งเบ้า, ฌ้อง นอ เกม๊า ก ไท้ แดเทา”

1ซามูเอง 26:23

กแช่ยาเว แม้ช๊าไท้ เอะ โพล้ง กุ้ แฌ้, บี่ซุ้ ดี๊ อ ทแบแยว้อซ้ะ, ดี๊ อ ทโต้ทล้อง, เมะเว๊ ล นี้ง แย๊ อี้ง, กแช่ยาเว อางกีล้าง แน้ ลู่ง จ จูง พ้า เย้า, แบเด้าะ จ ล แบซ้ะ เยา ฆ้าง จ จูง ดึ้ซึ้ โพล้ง, พี่ กแช่ยาเว เท้าไน เว๊ เย้า นอ แบ