12 อเว๊ เก บี่ซุ้ดี๊ คี๊ยื่ง, พี่ อ ซู๊ ไอซย๊าง ซ้ะ เท่อ บี่ซุ้ดี๊ คี๊ยื่ง แพ๊, พี่ โอคุ้ล้าง แม้อ้าแม้ซ๊าง เท่อ, โอ ลู่ง ทล่าง โอคุ้ซูง เท่อ อ พ้า
อเว๊ โอคุ้ซูง ลู่ง ทกดื้ง พ้า, บี่ซุ้ดี๊ คี๊ยื่ง โอ ทเค พ้า อเว๊ โอคุ้ซูง บี่ซุ้ ม พอง โพล้งซยางโพล้งน้ะ อเว๊ พอง โพล้งซยางโพล้งน้ะ, ฌ้อง ทวี่งเละ เว๊ เฌ๊ นึฆ้าง ทฆี พ้า
ดีงแด้ ซีงลแพ อ้างทาง อ นุ้ พ้ะเล่ ดี๊ แย้ ด้องซุ้ คี๊ยื่ง, พี่ อ ไอ ซย๊าง เท่อ, ดี๊ กุ้ซย้ะ เท่อ อ แค๊ นอ
ไค๊ไก้ะ อเว๊ ม ซย๊าง แย้ ด้องซุ้ คี๊ยื่ง ดี๊ ไท้ ทวี่งเละ แย้, พี่ โพล้ง ล โอ แม้ช้า แย้ ซี น่างแฌ้ แบ
แบเด้าะ กแช่ เยซู คริ้ แม้ช้า แย้, ดี๊ เกม๊า จ โอ ดี๊ จ ไฌ่ จ แบ้, ลู่ง จ โล้ ล้างกแช่แยว้ อ ลู่ง อ แท๊ ซี เมาน่าง, บี่ ซุ้ เกม๊า โพล้ง ล เมะ เก ยู แบ แอ แฌ้ แน่ฌ๊า เว๊, ท บี่ นอ, จ พ้อง พลิ้ ไฆวะ ดี๊ คี๊ยื่ง อ นุ้
แด้ เว้ น ซื๊ง ซ้ะ ไช้ะ, ปโล่ ล้าง น ซื๊ง ซ้ะ เมะ ฌี้, อ ไฌ่ บี่ อี้ง, ม้างโค้ไล่ พี่ อ แช๊เมะ ไฌ๊ซ้ะ ดี๊ น ซื๊ง นอ, ไจ เว้งว้าง เคิ่ง เท่อ แบ ด้อง คี๊ยื่ง, โอ แคว่ ฌูง โพล้ง บี่ ซุ้ ม ซย่าง อาง เว๊ นอ ล้อ
