12 ลู่ง กแช่แยว้ อ ฌ่าง นอ, ทึเมะ ทไค้ะ ฌี้ นอ ล ไค้ะ แบ มแน้แค๊ นอ อ พ้าง ด้องซุ้ มแช๊แค๊ ทไค้ะ เก ด้องซุ้ ทพ้าง ล้อ
พลื่งค่าง โอโบลง ลู่ง กแช่แยว้ อ เมะแซ พ้า ดี๊ ลู่ง ทเซงทื่งเฌ๊ฌ้อง อ ล่าง พ้า นอ, แบย มี๊งลึ้ ล โอ แบ
ทล่าง ไค้ะเซยา ละฌี้, ทล่าง ไค้ะซ๊าโญ๊ง ฌี้ นอ, ล โอ แบ พี่ โพล้งอ้าโพล้งซ๊าง ม โอคุ้ซูง อ ซ้ะ ซี
เมะเว๊ เฌ๊ โอ ลู่ง ซึ้พู อีไย้ะ น๊างมู๊ง, ดี๊ ซึ้พู อีซลาเอง น๊างมู๊ง อ เบ้าช้า, ทเอิง ดี๊ ทไค้ะ โอ นุ้ทะ เว๊, ทอช๊าอโท่ มแน้ แค๊ พ้องไฆวะ, ดึ้ เกม๊า อ ซื๊งเว๊ คี๊ง โค๊ นอ ลี้ฆ้าง เบ้า โละอซ้ะ ล ซี แบ ซ๊างแน้คล้อง
โพล้งเฌงพูฆ๊างพู ลแพ นอ ชี๊เทิง ลู่ง อ ไย้, เมะ โมเซ นอ ลี้ฆ้าง เบ้า ดี๊ ทไค้ะ ซ๊าโญ๊ง พี่ กแช่แยว้ โอ เว๊ นอ
กแช่แยว้ โล้ ล้างที๊ง ท พี่ อ โยะคิ้ ดี๊ คิ้ซูงคิ้บีง กแช่แยว้ ซีงแฌ๊ ท พี่ อ โอ ทไค้ะซ๊า พ้า ดี๊ ทโฌ่งทพ้าง นอ โอ ดี๊ กแช่แยว้
ท ล โอ น่าง เม้ง แบ, พี่ ม อางกี ซูง ไฆวะ อ ซ้ะ ดี๊ กแช่ แยว้ ซี, แบเด้าะ ท กุ้ อ เม้ง พี่ กแช่ แยว้ ไต้ ล้าง เว๊ นอ, โพล ทาง เติ้งต้าง ลู่ง อ เมะแซ พ้า, ดี๊ อ เว๊ ล้อ พี่ เฆ้อ กุ้ แฌ้ ก แบ โล้ ล้าง ซ้ะ ดี๊-อ้ะ
