ทอางปฆ้า 139:1 - Northern Pwo Karen Thai Bible

¹ จ กแช่ยาเว-เอ้อ, น แคว่ที๊งแคว่โต้ แย้ ดี๊ น ซีงแฌ๊ แย้

ทอางปฆ้า 139:1 교차 참조

2​ซามูเอง 7:20

ดาเว ม ไคล้ เท่อ ดี๊ แน้ ซี โอ เม้งๆ, ได้ะ-ว้า?, ทอดูทึโท๊ทึ จ กแช่ยาเว-เอ้อ, แน้ น ซีงแฌ๊ น เพล่ แด เว๊ ล้อ

1​กจุ้แฆว้ 8:39

อ นอ, เกม๊าเต้ น ช๊องแน-อ้ะ, ลู่ง มุ้คู พี่ เก น ล่าง โอ-อ้ะ นอ, ดี๊ เกม๊า น ทื๊งนี่นะนี่-อ้ะ ล ฌี้, เกม๊าเต้ ลู่ง น แม้ เอะ-อ้ะ, ดี๊ ดึ้ เกล๊าง เอะ-อ้ะ ท๊อง ล แฌ้ๆ, อ ทแม้ กุ้เม้ง, พี่ แน้ นอ น ซีงแฌ๊ อ เซิง อ ซ้ะ, (เมะเว๊ แน้ ล แฌ้ ล้อ, น ซีงแฌ๊ กโพล้ง กุ้ แฌ้ อ เซิง อ ซ้ะ)

2​กจุ้แฆว้ 19:27

‘แบเด้าะ จ ซีงแฌ๊ เท่อ พี่ น ชี๊น้าง เท่อ พี่ น ไจทาง, ดี๊ เท่อ พี่ น นึฆ้าง ดี๊ เท่อ พี่ น ซ้ะทาง พ้ะดู ดี๊ แย้

1​ทกวิ้ไน 17:18

ดาเว ม ไคล้ ดี๊ แน้ แบฆ้ะ ดี๊ ทฆี๊งทแล้ ม ซีก้ะ บี่จะเล้ เด้าะ?, พี่ น เกล๊าง เอะ น เพล่ อี้ง, เมะเว๊ แน้ นอ น ซีงแฌ๊ น เพล่

1​ทกวิ้ไน 28:9

“เมะ แน้, จ พู ซาโลโม-เอ้อ, ม๊า น ซีงแฌ๊ แพ่ อ กแช่แยว้, ดี๊ แม้ เอะ อ เท่อ เลาเซิงเลาซ้ะ น๊างโพลง แย๊, ดี๊ ทซ้ะมึ, เมะเว๊ กแช่ยาเว นอ แคว่ดุ้ ซ้ะ เลาพะ, ดี๊ แน ซี ทแม้ อ ไฌ่, ดี๊ ทช๊องมอง กุ้เม้ง, น เมะ อางฆื๊งนี่-อ้ะ นอ, น ม แด-อ้ะ ล้อ, แบเด้าะ น เมะ ญ๊องไฆวะ-อ้ะ นอ, อ เว๊ ม ญ๊องไฆวะ แน้ ล้างชู้ ล้อ

ทอางปฆ้า 139:23

จ กแช่ยาเว-เอ้อ, เกม๊าเต้ คู๊ แคว่ที๊งแคว่โต้ แย้, ดี๊ ซีงแฌ๊ จเซิงจซ้ะ เกม๊าเต้ ลองแม้แคว่ดุ้ แย้, ดี๊ ซีงแฌ๊ จ ท ช๊องมองช๊องม้ะ

ทอางปฆ้า 17:3

พี่ กแช่แยว้ แม้แคว่ดุ้ จ ซ้ะ, ดี๊ เฌ๊ ไจ จ โอ ลู่ง มแน้แค๊ ท่อง แม้แคว่ดุ้ แย้ เย้า นอ, กแช่แยว้ ล แด ทอ้าทซ๊าง ดี๊ แย้ แบ เฆาะ จ นุ้ ล ลือค๊างพะ เท่อ แบ

ทอางปฆ้า 44:21

กแช่แยว้ ม ล ซีงแฌ๊ เว๊ แบ-อ้า? เมะเว๊ กแช่แยว้ ซีงแฌ๊ ซ้ะ อ ท คุ้ซูงคุ้บีง

เยเรมี 12:3

จ กแช่ยาเว-เอ้อ, แบเด้าะ น ซีงแฌ๊ แย้ ล้อ น แด แย้, ดี๊ น ลองดุ้ แม้แคว่ดุ้ จ ท ช๊องมอง, พี่ โอ ดี๊ แน้ อวีงซ้ะชู้ พอง ม้องทาง-อ้ะ, บี่ซุ้ดี๊ แกะ ลู่ง ท แม้ซี๊ง อ ฌ่าง ดี๊ อางกีเจไฆวะ-อ้ะ, ลู่ง มื่งนี้ง แม้ซี๊ง อ ฌ่าง

โยฮาง 21:17

กแช่ เยซู อางจ้ะ เด้าะ ซ๊า พ๊า ล พ๊า ไจ้ะ เว๊, “ซีโมง โยฮาง อ พูแคว๊-เอ้อ, เมะ น เอ แย้-อ้า” ลู่ง กแช่ เยซู อางจ้ะ แบ อ เว๊ แด, “เมะ น เอ แย้-อ้า”, ซ๊า พ๊า ล พ๊า อ กย้อง นอ เปโต อ ซ้ะ ล มึ แบ, ต้ะ โล้ แบ กแช่ เยซู ไจ้ะ เว๊, “กแช่-เอ้อ, น ซีงแฌ๊ ท กุ้ อ เม้ง ล้อ, น ซีงแฌ๊ จ เอ แน้ ล้อ” กแช่ เยซู โล้ แบ อ เว๊ แด ไจ้ะ เว๊, “ลื่ง เอะ จ แกะ ล มู๊ง นอ ไช้ะ

ฮีบรู 4:13

ท ล โอ น่าง เม้ง แบ, พี่ ม อางกี ซูง ไฆวะ อ ซ้ะ ดี๊ กแช่ แยว้ ซี, แบเด้าะ ท กุ้ อ เม้ง พี่ กแช่ แยว้ ไต้ ล้าง เว๊ นอ, โพล ทาง เติ้งต้าง ลู่ง อ เมะแซ พ้า, ดี๊ อ เว๊ ล้อ พี่ เฆ้อ กุ้ แฌ้ ก แบ โล้ ล้าง ซ้ะ ดี๊-อ้ะ

ท​เน​โพล​ทาง 2:18

กวิ้ เอะ ท มุ้คู พู พี่ อ โอ ลู่ง โพล้ง ทื๊ง ซยอง เท่อ เว่ง ทียาทีรา อ ไละ บี่ อี้ง กแช่ แยว้ อ พูแคว๊ พี่ อ เมะคลี๊ง พ้าง แบ ด้อง มี เค้, ดี๊ อ คาง แบ ด้อง ท่องบ้าง ล แฌ้ นอ ไจ้ะ เว๊ บี่ อี้ง

ท​เน​โพล​ทาง 2:23

กมืง ล แฌ้ อี้ง อ พู อ ลี้ง นอ จ ม แม้ ซี๊ง ไฆวะ-อ้ะ กุ้ อ แฌ้, ฌ้อง โพล้ง ทื๊ง ซยอง เท่อ กุ้ อ จอง นอ, ม ซีงแฌ๊ แบ เว๊ แย้ จ เก โพล้ง พี่ อ ซีงแฌ๊ ท ช๊องมอง, ดี๊ ท ซ้ะกวี้ง ล๊องก้อง ลู่ง กโพล้ง อ ซ้ะ พ้า, จ ม เกล๊าง เอะ น คางเล้ง ท๊อง ล แฌ้ๆ, เกิ้ง ดี๊ น ท ไพ้ะ ท แม้ นอ ล้อ