11 เมะเว๊ ซีโฮง, โพล้ง อาโมไร อ กจุ้แฆว้ ดี๊ โอะ, กจุ้แฆว้ ลู่ง บาชาง เลา ดี๊ บ้างมื่ง กุ้จองกุ้ไจ้, ลู่ง คานาอาง นอ ล้อ
ดี๊ แอเละ อ นอ ได้ะ, กแช่แยว้ อางกีล้าง บ้างมื่ง ดี๊ โพล้ง กุ้ที๊งกุ้ค่าง เอะ-อ้ะ, ดี๊ อางน้าง เอะ-อ้ะ บี่ซุ้ดี๊ ค่างช๊า โอ นอ, อ เว๊ ยึนี่ ก้ะ ซีโฮง กจุ้แฆว้ เว่ง เฮโบง อ ที๊งล่างค่างพ้า, ดี๊ โอะ กจุ้แฆว้ เว่ง บาชาง อ ที๊งล่างค่างพ้า
แบเด้าะ ซีโฮง, กจุ้แฆว้ เฮโบง นอ, ล ญ่อง เกม๊า ก ลี้ แพ๊ฆ้าง อ ค่างช๊า แบ, เมะเว๊ กแช่ยาเว น กแช่แยว้ ดึ้ เกม๊า ซีโฮง อ ซ้ะ ล้างเล๊เก้, ดี๊ แม้ชอง อ ซ้ะ, บี่ซุ้ ม อางกีล้าง-อ้ะ, ลู่ง น จูง พ้า, ด้องซุ้ พี่ ท เกทาง อ ซ้ะ กุ้ มื่งนี้ง อี้ง ล้อ
ดี๊ พี่ น เฌ๊ ท้อง พี่ อี้ง นอ, กจุ้แฆว้ ซีโฮง ลู่ง เว่ง เฮโบง ดี๊ กจุ้แฆว้ โอะ ลู่ง เว่ง บาชาง นอ, ไจทาง เฌ๊ ดึ้ซึ้ โละซ้ะ ดี๊ เฆ้อ, แบเด้าะ ก แม้น้าแม้ฆ่าง-อ้ะ ล้อ
จ เจ่ เทิ่งดี้ น๊างมู๊ง ลี้ วี่ง ลู่ง น เมะแซ พ้า เกม๊า อ โฌ๊ไจไฆวะ โพล้ง อาโมไร อ กจุ้แฆว้ คี๊ง แฌ้ นอ ลู่ง น ซื๊ง เมะแซ พ้า, พี่ ทแม้ อ ซ้ะ บี่อี้ง นอ ล เมะ ลู่ง น น้ะ ดี๊ น คลีง อ กย้อง แบ
