5 จ นี่ กุ้ทาง กแช่ยาเว ลู่ง ท ก้ะเซิงก้ะซ้ะ พ้า กแช่ยาเว ไคล้ช๊า แย้, ลู่ง ทเกล๊าง เอะ แย้, จ ซ้ะ ล้างคล๊าง ทาง
ยาคุ้ โอ ดี๊ ท ซ้ะเม, ดี๊ น้ะเซิงน้ะซ้ะ น้ะ มะ, อ เว๊ เกม๊า โพล้ง อางน้างพ้ะ โพล้ง พี่ อ เฌ๊ ดี๊-อ้ะ ลแพ นอ, ดี๊ แมะ, แกะ, งู้, ดี๊ เอ้า น๊างมู๊ง โอเจ คี๊ง โป้ง
พี่ โอ ดี๊ ทน้ะทโน๊ง นอ, อซื๊งเว๊ ซีงลแพ นี่ กุ้ทาง เท่อ โล้แบ กแช่ยาเว ฌ้อง นอ กแช่แยว้ แม้ช้า อเว๊, เกม๊า พ้องไฆวะ ดี๊ ทน้ะเซิงน้ะซ้ะ
พี่ โอ ดี๊ ทน้ะทโน๊ง นอ, อซื๊งเว๊ ซีงลแพ นี่ กุ้ทาง เท่อ โล้แบ กแช่ยาเว ฌ้อง นอ กแช่แยว้ แม้ช้า-อ้ะ, เกม๊า พ้องไฆวะ ดี๊ ทน้ะเซิงน้ะซ้ะ
พี่ ทน้ะ แบ จ ซ้ะ นอ, จ นี่ กุ้ทาง กแช่ยาเว ดี๊ กแช่แยว้ ไคล้ช๊า แย้
กแช่แยว้ ไจทางฌ้า แย้, เฌ๊ ลู่ง ทล่าง พี่ อ เล่ อ โท๊ พ้า ดี๊ แม้พ้องพลิ้ แย้, เมะเว๊ กแช่แยว้ แบอซ้ะ ดี๊ แย้
กแช่ยาเว เกล๊าง เอะ แย้ รางวาง, บี่ซุ้ดี๊ จ ทแบกแช่แยว้อซ้ะ กแช่แยว้ ม๊าแกไท้ แย้, เมะเว๊ จ เก โพล้ง พี่ อ จูง เช๊งเกล้ง
พี่ โอ ดี๊ ทน้ะทโน๊ง นอ, จ กุ้ทาง เท่อ โล้แบ กแช่ยาเว จ อางท่างนี่ ทแม้ช้า ดี๊ จ กแช่แยว้ ลู่ง กแช่แยว้ อ เว่งฮ๊าง พ้า, กแช่แยว้ คุ้ช๊องแน จ ลู่ง ดี๊ จ ลู่ง กุ้ทาง เท่อ นอ, แน่ฌ๊า ลี้ท้อง ลู่ง กแช่แยว้ อ แน่
ดี๊ ล อางกีล้าง แย้, ลู่ง จดีงจแด้ อ จูงพ้า แบ กแช่แยว้ อางกีล้าง จ คาง, ลู่ง ทล่าง พ้ะเล่ พ้า
ลู่ง มื่ง ล นี้ง แย๊ พี่ ทน้ะ แบ จ ซ้ะ แค๊ นอ, จ อางฆื๊งนี่ ทอดูทึโท๊ทึ กแช่แยว้ ลู่ง มแน้แค๊, จ จูง เยาทาง อ ซ้ะ ล โอโท๊ แบ จเซิงจซ้ะ ล ฮะนี่ ทไคล้ อางเลว๊ แบ
