4 ทพ้าง เฌ๊ทาง ลู่ง ทไค้ะซ๊า พ้า, เกม๊า เอะ โพล้งโต้โพล้งล้อง อเว๊ เก โพล้ง พี่ โอ ดี๊ อบลึ้อบลาง, ท ย๊างเซิงย๊างซ้ะ, ดี๊ ทแบกแช่แยว้อซ้ะ
ฌ้อง น ทโอม๊า มโฌ่งมพ้าง, ฌี้เละ ทอช๊าอโท่ ลู่ง มื่งเทิง แค๊ ทไค้ะ นอ, ม เก บี่ซุ้ดี๊ ทอช๊าอโท่ ลู่ง โฌ้โค๊
น ต้ะเซ๊ง น ซ้ะ ม แม้ เท่อ พี่ ล เม้ง เล้ นอ, ท ล เม้ง นอ ม ฌ้องทางเกทาง บี่ซุ้ดี๊ น แบซ้ะ นอ ล้อ ดี๊ ม โอ ดี๊ ทโฌ่งทพ้าง พ้าง แบ เอะ น เกล้
พี่ กแช่แยว้ อ ทโฌ่งทพ้าง พ้างล้าง แบ จ คูด้าง ดี๊ แย้ จ ลี้ ด้างฆ้าง ทไค้ะ พ้า ดี๊ กแช่แยว้ อ ทโฌ่งทพ้าง
อางปฆ้าทาง กแช่ยาเว เกม๊า ไจ้ะบลึ้ไจ้ะบลาง กแช่ยาเว, เมะเว๊ กแช่แยว้ ฌี้ทึแอว้ทึ เมะเว๊ กแช่แยว้ อ ทเอทกวี้ง โอเฌิ่งโอค๊า ล้างชู้ล้างแกย
กแช่ยาเว โอ ดี๊ อโก้งอโบ้ง ดี๊ ทแบอซ้ะ เฆ้อ ก กแช่แยว้ โอ ดี๊ ท ย๊างเซิงย๊างซ้ะ
กแช่ยาเว อฌี้อแอว้ ลู่ง อเกล้อพ้า กุ้เม้ง ดี๊ ย๊างเซิงย๊างซ้ะ เท่อ, ลู่ง อ ทไพ้ะทแม้ พ้า เลาพะ
กแช่แยว้ ม เกม๊า น ทแบกแช่แยว้อซ้ะ นอ, โพลทาง ด้องซุ้ ทโฌ่งทพ้าง ดี๊ เกม๊า น ทอเกิ้งอแบ นอ, โพลทาง ด้องซุ้ ลู่ง มื่งเทิงแค๊
ทโฌ่งทพ้าง, แบ ทฆวีงล้าง เอะ โพล้ง ลู่ง ทแบกแช่แยว้อซ้ะ ดี๊ ทเซิงฆวี๊งซ้ะโย้, แบ ทฆวีงล้าง เอะ โพล้ง เซิงโต้ซ้ะโต้
โพล้ง พี่ อ โพะ ทแบกแช่แยว้อซ้ะ, ดี๊ ท ย๊างเซิงย๊างซ้ะ อ ไค๊ นอ ม แด ทม๊า, ทแบกแช่แยว้อซ้ะ, ดี๊ ทฆี๊งทแล้
โพล้ง พี่ แฌ้ เล้ ลู่ง น ซื๊ง แกล้, พี่ อ ยางแบซ้ะเม กแช่ยาเว ดี๊ คุ้ช๊องแน กแช่แยว้ อ เพล่ อ ลู่ง? โพล้ง พี่ อ โอม๊า ลู่ง ทไค้ะ แกล้ ดี๊ ทโฌ่งทพ้าง ล โอ แบ แบเด้าะ อางกีล้าง อ ซ้ะ ดี๊ กแช่ยาเว อเม้งอแซ ดี๊ เปิ่ง อ กแช่แยว้
ดี๊ น เมะ ญ่องล้าง น ซ้ะ, ลู่ง โพล้ง ซู๊อางซ้ะ เท่อ อ ฌ่าง ดี๊ ดึ้ เกม๊า โพล้ง แบ ทแคแน อ ซ้ะ, นี่ บลิ้อางบลิ้โอ้ นอ ฌ้อง ทโฌ่งทพ้าง ม โพลทาง เอะ แน้ ลู่ง ทไค้ะซ๊า พ้า ดี๊ น ท ไค้ะเซยา ม เก บี่ซุ้ดี๊ มื่งเทิง แค๊
ฌ้อง ทโฌ่งทพ้าง ม ซยุ้ทาง เอะ แน้, บี่ซุ้ดี๊ ทพ้าง โฌ้โค๊ ดี๊ ทแม้ ก้องแย่ น พ้าล่าง นอ, ม โอทาง เพล เพล้าเด้า น ทแบกแช่แยว้อซ้ะ ม ไจ ลี้วี่ง น เมะแซ พ้า ดี๊ กแช่ยาเว อโฌ่งอพ้าง ม ปโล่ ทะ น ล่างไค๊
แบเด้าะ โพล้ง พี่ ดู้งแบยางแบ กเม้งกแซ ซีง ลแพ อ ฌ่าง นอ, มื่ง ลู่ง ทแบกแช่แยว้อซ้ะ, พี่ โอ ดี๊ อ ได้ะ แม้ก้องแย่ ทเจ้าทแช๊ ซี นอ, ม โพลทาง เว๊, ฌ้อง น ม พื๊งซยุ้ เฌ้เทิงลี่ง ไจทาง บี่ซุ้ดี๊ งู้ พู ไจทางไฆวะ อ พ้อง พ้า
ย๊างซ้ะ แบ โพล้ง กุ้ อ แฌ้, บี่ ซุ้ น แพ่ แยว้ ย๊างซ้ะ แบ เว๊
จ เฌ๊ ล้าง ลู่ง ฌางคู โคล๊ง คู ด้อง ซุ้ ท พ้าง, บี่ ซุ้ กเย่ โพล้ง ลู่ง อ ชู่ง แย้ นะ แย้ นอ, ล โอ ลู่ง ท ไค้ะ แกล้ ล้า แบ
แบเด้าะ แบ โอ ดี๊ ท ย๊างเซิง ย๊างซ้ะ ดี๊ ท เซิงช้า ซ้ะช้า โละ ซ้ะ, ทื๊ง นี่ นะ นี่ โละ ซ้ะ ล ฌี้, บี่ ซุ้ กแช่ แยว้ ล ทื๊ง นี่ นะ นี่ น ซื๊ง แบ ปะ ลู่ง กแช่ เยซู คริ้ อ กย้อง นอ ล้อ
ท บี่ นอ, พี่ น ซื๊ง แม้ ซ้ะ บี่ จะ เล้ นอ ปโล่ ล้าง น ซ้ะ, แม้ ซ้ะ บี่ ซุ้ โพล้ง ล ซีงแฌ๊ เท่อ แบ นอ ล ฌี้, แบเด้าะ แม้ ซ้ะ บี่ ซุ้ โพล้ง พี่ อ โอ ดี๊ ท โกง ท มอง นอ ไช้ะ
อ ไฌ่ บี่ อี้ง, ท พ้าง อี้ง เกม๊า โพล้ง แม้ ท กุ้ อ เม้ง ลู่ง อ ฌี้ อ แอว้ อ เกิ้ง อ แบ อ โต้ อ ล้อง
น ซื๊ง ซีงแฌ๊-อ้ะ กแช่ เยซู คริ้ นอ,แม้ เท่อ ลู่ง อ แบ กแช่ แยว้ อ ซ้ะ, ท บี่ นอ เกิ้ง น ซีงแฌ๊-อ้ะ, โพล้ง กุ้ อ แฌ้ พี่ แม้ เท่อ ลู่ง อ แบ กแช่ แยว้ อ ซ้ะ นอ,เก กแช่ แยว้ อ พู อ ลี้ง นอ ล้อ
โพล้ง เล้ เก กแช่ แยว้ อ พู, ดี๊ โพล้ง เล้ เก ม้างโค้ไล่ อ พู นอ ก แด-อ้ะ ซี บี่ อี้ง, เมะ เว๊ โพล้ง พี่ ล แม้ ท อ ฌี้ อ แบ แบ, ดี๊ ล เอ อ ด๊างพื่งวี่ แบ นอ ล เก กแช่ แยว้ อ พู อ ลี้ง แบ
จ พู ซีง-เอ้อ เกม๊า โพล้ง อางโล๊ นี่ น ซื๊ง น่าง แฌ้ ล ฌี้, โพล้ง พี่ แม้ ท อ ฌี้ อ แบ นอ แบ กแช่ แยว้ อ ซ้ะ, บี่ ซุ้ กแช่ เยซู คริ้ แบ กแช่ แยว้ อ ซ้ะ นอ ปะ ล้อ
