6 กแช่แยว้ ม ลู๊งล้าง ดุ้ โพล้งอ้าโพล้งซ๊าง, ดี๊ มีอีอ้า ดี๊ มีอ้าแพลแช๊ ลี้งเฌ๊ พี่ อ อาง เท่อ นอ, ม เก อเว๊ อ ทนี่แบ ล น้าง
ฌ้อง นอ กแช่ยาเว ดึ้ เกม๊า มีอ้าแพลแช๊ ดี๊ มี, เฌ๊นี่ ดี๊ กแช่ยาเว, โอนี่ ลู่ง มุ้คู, ล้างเทะ แบ เว่ง โซโดง ดี๊ เว่ง โกโมรา นอ ล้อ
ฌ้อง ทอาง พี่ โอ โยซิ้ อ เมะแซ พ้า นอ, แบ ท โซ๊ง เอะ อ พื่ง อ วี่ง ลแพ นอ ล้อ, แบเด้าะ ท พี่ อ เกล๊าง เอะ เบงยามีง นอ, แอเละ อ โจ้ ซีง ลแพ เว๊ เย่ โทะ, อซื๊งเว๊ อาง ซกุ้ โอ้ ซกุ้ เท่อ ดี๊ โยซิ้ นอ ล้อ
พลี้งคว้าง พ้า โอคุ้ซูง ลู่ง ฌางคู พ้า คุ้ ดุ้นี่-อ้ะ ทดุ้ล้าง เท่อ โอ ลู่ง เกล้ คุ้ ดุ้นี่-อ้ะ
น ม เปิ่งโอเปิ่งช๊อง ลู่ง อ เว๊ อ เด้ พ้า, เมะเว๊ ล เก อ เท่อ ล้าแบ มีอ้าแพแช๊ โอ ลี่งแล่ อ ซ้ะ ลู่ง อ ล่างโอ เช๊คู
บี่ซุ้ ม บ้องล้าง เท่อ, ท่อง ฆวี้ อ ฌู่โพ๊ง พ้า กแช่แยว้ ม โซ๊งล้าง อ ทซ้ะทาง พ้ะดู เฌ๊ฌูง-อ้ะ ดี๊ แยว้ล้าง แบ ลู่ง อล้องอย่าง, เกม๊า อ เก อ ทอางทโอ้
กแช่แยว้, เกล๊าง มื่งแซ เอะ อซื๊งเว๊, เท่งก้ะ ทเฌ๊ช้า ดี๊ เกม๊า ล๊างพล้ะ เท่อ, ลู่ง อซื๊งเว๊ อ ที๊งล่างค่างพ้า
กแช่ยาเว เก คองแซย้ ลู่ง จ ฌ่าง พ้า, ดี๊ เก จ โล๊งเจาะ กแช่แยว้ แฌแซกต้างทะ จคองจแซย้
กแช่ยาเว เคิ่ง เท่อ, เซ๊ล้างลื่ง ลู่ง ทมุ้คู พ้า ดี๊ กแช่แยว้ พี่ อ ดูทึโท๊ทึ นอ, แม้เซ๊ทาง อ ลู่ง เก มื่งแซ, ดี๊ แซวท่อง เค้
โพล้งอ้าโพล้งซ๊าง นอ, อ ทน้ะทโน๊ง โอ แอ แบเด้าะ ทเอทกวี้ง ลู่ง อเฌิ่งอค๊า นอ, ม พ้องวะทะ โพล้ง พี่ อางกีล้าง อ ซ้ะ ดี๊ กแช่ยาเว
เมะเว๊ ลู่ง กแช่ยาเว อ จูง พ้า นอ, โอ ดี๊ โล๊งเจาะ ล เบง โอ ดี๊ ไซ้ะซไบ้ะแซ ที๊ง เก อ ซเบว้, แกย้ฆึ อ ซ้ะ ฌี้มะ กแช่แยว้ ลู๊งล้างนี่ เท่อ ลู่ง โล๊งเจาะ พ้า นอ ดี๊ ฌางคูโคล๊งคู อ โพล้งอ้าโพล้งซ๊าง เลาพะ นอ ม โอ้ เว๊ เลา ฆึ ดี๊ อ ไค๊ดืงไค๊ด้ะ เต้ๆ, ล้อ
เกม๊า แม้ชองทาง น กแช่ อ ซ้ะ, เกม๊า แม้ชองทาง น กแช่ อ ซ้ะ เกม๊า ชี๊เทิงทาง แดเทา, เยรูซเลง-เอ้อ แน้ โพล้ง พี่ นี่ โอ้ แบ เท่อ ดี๊ กแช่ยาเว อ จูง เมะเว๊ โล๊ง ลู่ง กแช่แยว้ อ ท ซ้ะทาง พ้ะดู น นี่ โอ้ แบ เท่อ ลู่ง โล๊ง ท เด้งเค๊งแดฆ้าง ท้องล้าง ลู่ง ท อ ไค๊ ล้างด้ะ
น ทอดูทึโท๊ทึ กแช่, เมะเว๊ กแช่ยาเว น กแช่แยว้ พี่ อ ดึ้ เอะ อพูอลี้ง อบ้าอคว่าง, ไจ้ะเว๊ บี่อี้ง “อี้งเซ้อ, ก แม้ นี่ โล๊ง ลู่ง ท เด้งเค๊งแดฆ้าง ลู่ง น จูง ล้อง เย้า โล๊ง ลู่ง ก ท ซ้ะทาง พ้ะดู น ล แบ โอ้ ล้า แบ
อ อี้ง เก น เท่อ เก ท ล น้าง พี่ ก โตงทาง นี่ เอะ แน้ กแช่ยาเว โล้ เว๊ บี่อี้ง ล้อ เป๊งนี่ น ซ้ะนางไฆวะ เฆ้อ ดี๊ อางกีล้าง ซ้ะ ดี๊ ท คีงอูงคีงตู๊ง
อกย้องบี่นอ, ทอดูทึโท๊ทึกแช่ยาเว ไจ้ะเว๊ บี่อี้ง, ก ม ดึ้ เกม๊า ลี้งเฌ๊ พ้ะดู กึทาง ดี๊ ก ท ซ้ะทาง, ดี๊ เกม๊า ทเฌ๊ช้า กลึ้ไบ้ะ เท่อ ดี๊ ก ท ซ้ะทาง, ดี๊ ม โอ ดี๊ มื่งแซ พ้ะดู แม้ เฌ๊ฌ้อง เท่อ ดี๊ ก ท ซ้ะทาง
ก ม ต้ะเซ๊ง แม้เตาแม้แต๊-อ้ะ ดี๊ ทแช๊ แบฌะ, ดี๊ ท ซวีง ล้าง, ก ม เกม๊า ทเฌ๊ช้า พ้ะดู, มื่งแซ คู่ลอง, มี ดี๊ มีอ้าแพลแช๊ อี, แบ ท ลู๊งล้าง ดุ้-อ้ะ ดี๊ อ ซึ้พูมู๊ง, เลา ดี๊ โพล้ง อ ชื้อ แอฌี่งแอฌ้อง พี่ โอ ดี๊-อ้ะ นอ
น ม โอ ฆวี้ ดี๊ ท ฌางแช้ฌางเด, ล เมะ ดี๊ ทฆี๊งทแล้ แบ เกม๊า น โอ้ แด กแช่ เว๊ เซ้อ, ฌ้อง นอ โอ โบลงโกง โท๊กีง พี่ โอ กแช่ยาเว อ จูง ฆุ้ พ้า นอ ม เฌ๊ ว้าง ท้อง แน้ ฌ้อง ท ฌางแช้ฌางเด ม คลึไบ้ะ นฆี๊งนแล้
แบ เด้าะ ล นี้ง แย๊ พี่ โล้ะ ไจ ทาง แด ไฆวะ เฌง โซโดง นอ, มี ดี๊ โล่ง คู่ โอ ลู่ง มุ้คู ล้างเทะ แม้ เฌ๊ฌ้อง ไฆวะ เฌง เลา ปะ
กแช่ เยซู โล้ แบ เปโต ไจ้ะ เว๊, “ลอง ล้าง ไท้ น น้ะ อ กยุ้ พ้า นอ, โล๊ง ท น้ะ ท โน๊ง พี่ จ แพ่ เกม๊า จ โอ้-อ้ะ นอ, น ช๊องมอง จ ล โอ้ แบ-อ้า”
พี่ ล นี้ง แย๊ เองคานา เทว๊ ทพูแฆ่ ลื่งทาง เท่อ นอ, อ เว๊ เกม๊า ทอางน้าง เอะ อ แม๊ น่าง เปนีนา, ดี๊ อ พูมืง พูแคว๊ กุ้ อ แฌ้
ซามูเอง ไคล้ ดี๊ โพล้ง เฌ๊ อาง เท่อ นอ ไจ้ะเว๊, “แม้นี่ ทอาง ล โป้ง แย๊ พี่ จ โล้ เอะ แน้, ‘อางกี เจ-อ้ะ’, นอ, เฌ๊ โชะ แดเทา”
