6 จ เก บี่ซุ้ดี๊ ด้องกอ้อง, ลู่ง แพะคูทเคแกล้ ด้องซุ้ ด้องกอ้องโท๊แน่, ลู่ง ทล่าง โอโปล้ก้ะ อ แกล้
จ ฆีง บึ้เบง ดี๊ จ ไพ้ะ จ แย ดี๊ จ ช๊าเมะ ล พ้องพลิ้ แบ
จ กุ้ซย้ะ บี่ซุ้ดี๊ เบลงบลาง, บี่ซุ้ดี๊ ทูแท้ที๊ง จ ฌาง บี่ซุ้ดี๊ ทูลี่งแอว้ จ เมะคลี๊ง ล้างไปว้ะล้างท้าง ดี๊ ท แคว่ทาง ลู่ง ท้ะโค๊ ทอดูทึโท๊ทึ จ กแช่แยว้-เอ้อ, จ แบ ท แคแนแคแก้, อวีงซ้ะชู้ เก เอะ แย้ ทเฌิ่งทค๊า
ทูโนะโจะพ้ะดู, ด้องกอ้อง, เบลงบลางพ้ะดู, ไละ ทูลี่ง กุ้เม้งกุ้มยู๊
เป๊งนี่ บี่อี้ง นอ, จ ม ฌางอีงฌางเอ้า ดี๊ ฌางซย้ะ จ ม ไจลี้ไจไท้ ล้องย่าง โบลงโกง ดี๊ คาง โปล้ปลิ้ จ ลู่ง ฌางอีงฌางเอ้า นอ, ม เกม๊า อ บี่ซุ้ดี๊ ทวีงเม้ง อ ลู่ง ดี๊ ลู่ง ฌางอื้งฌางโทะ บี่ซุ้ดี๊ ทู โนะโจะ พ้ะดู มู่ พู
ทพูแฆ่ น๊างมู๊ง ม มี๊งน้าง โอ ลู่ง อซุ้อแกล้ พี่ นอ ทพูแฆ่ กุ้เม้งกุ้มยู๊ น๊างมู๊งน๊างโช่ง ด้องกอ้องโท๊แน่ ดี๊ กล้ะ โด้ง ม เปิ่งโอเปิ่งช๊อง ลู่ง เว่ง นอ อ เฌเทิง คูทุ้ กุ้ เซ๊ โอ ลู่ง ป้อง ล้อง กล้ะ ม กุ้ ฆ้าง ดี๊ ป้ะตู๊ง เคิง เป๊งนี่ ท พี่ กล้ะไบ้ะ เว๊ ดี๊ ซย๊องซีดา นอ, แบ ท ท่างเบ้าะไฆวะ
อ เว๊ กุ้ เท่อ ดี๊ อ ลู่ง เซ๊ พ้ะดู ไจ้ะ เว๊, “เว่ง พ้ะดู บาบีโลง ล้างฆ่อง เย้า, ล้างฆ่อง เย้า, เก ทาง ก้ะ ท มื้ง ท แฆ่ อ ล่าง, เก ท มื้งแฆ่ อ้า กุ้ เม้ง อ ล่าง โอ, ดี๊ เก ทู พี่ อ อาง ท อืง ท แกล ล แพ นอ อ ล่าง โอ ล่าง ช๊อง
