14 แย้ จ โอ ดี๊ ท โล้ฌ้าละฌ้า ดี๊ ทโกงซีมองแบ แย้ อี้ง ล้อ, เก ทซีงแฌ๊แน่ฌ๊า กุ้ เม้ง, จ โอ ดี๊ ไฌ่แบ้
“ทโกงซีมองแบ ดี๊ ไฌ่แบ้ นอ, โอ ดี๊ กแช่แยว้ ทไคล้ เนฌ้าโล้ฌ้า เท่อ, ดี๊ ทแน เท่อ ซี นอ, เก กแช่แยว้ อ เท่อ
นซื๊ง ล ดุ้โน้งดุ้แน่ ดี๊ จ ท โล้ฌ้าละฌ้า น่างเม้ง แบ ดี๊ ล ญ่อง ฮะนี่ จ ท โล้ซีงแฌ๊ แบ เฆาะ
โพล้ง พี่ อ โอเจโอพ้ะไฆวะ ดี๊ โพล้ง อ แฌ้แพ นอ, อางฆื๊ง ที่ เท่อ พี่ อ กแช่ แบซ้ะ เว๊ ดี๊ คิ้คุ้ โละซ้ะ ดี๊ ทโกงซีมองแบ กุ้เม้ง ล้อ
เกม๊า คุ้ช๊องแน ทโล้ฌ้าละฌ้า, ดี๊ ฮะนี่ ทซองทซ๊าง บี่ซุ้ น ม นี่แบ ทโกงซีมองแบ ลู่ง ไค๊ ล้อ
โพล้ง โอ ดี๊ ทโกงซีมองแบ นอ, โอ ดี๊ อดู้งอยาง แอ ดี๊ โพล้ง โอ ดี๊ ทซีงแฌ๊ นอ, อไฌ่อแบ้ โอ แอทาง
พู-เอ้อ, เกม๊า เท่อ ลแพ อี้ง ล้างแม่แดไฆวะ น เมะคลี๊ง ล ฌี้ แบเด้าะ เกม๊า โอคุ้ แฌแซกต้าง ทะ-อ้ะ, เมะเว๊ ทโกงซีมองแบ, ดี๊ ทไพ่ทแซย๊
ทโกงซีมองแบ เกม๊า ไฌ่ เกม๊า แบ้ เอะ โพล้ง, พี่ โอ ดี๊ ทโกงซีมองแบ, แอเละ โพล้ง โพะคอง โพล้ง อ แฌ้ ล ชี๊ง, พี่ โอ เว่ง พ้า นอ ได้ะ
ท ล ไฌ่ อี้ง นอ, เฌ๊นี่ ดี๊ กแช่ยา ซึ้คู ดูทึชองทึ ปะ กแช่แยว้ อล้ะอเล่ เต้ๆ, ลู่ง ท เนฌ้าโล้ฌ้า พ้า ดี๊ ฌี้ทึแอว้ทึ ลู่ง ทโกงซีมองแบ อ ไฌ่ พ้า
โพล้งเล้ พี่ กแช่แยว้ แบ อางจ้ะ ท เนฌ้าโล้ฌ้า, บี่ซุ้ ม ซีงแฌ๊ ล้างที๊ง เท่อ? ดี๊ โพล้งเล้ ซอง เอะ กแช่แยว้ อ เกล้ ลู่ง ท อเกิ้งอแบ? โพล้งเล้ ซอง ท ซีงแฌ๊ เอะ กแช่แยว้ ดี๊ เนโพลทาง เท่อ เกม๊า กแช่แยว้ ซีงแฌ๊ เกล้ ลู่ง ท แนซีโน้งซี?
เมะเว๊ พืงแซ โอ ล แฌ้ เฌ๊ กึทาง ลู่ง ก ฌ่าง พูแคว๊ โอ ล แฌ้, แบ ท เกล๊าง เอะ เฆ้อ ดี๊ ท โพะคอง ม โอ ลู่ง อ จู๊งแบ คู ดี๊ โพล้ง ม กุ้ เว๊ อ เม้ง บี่อี้ง “โพล้ง เนฌ้าโล้ฌ้า เท่อ ลู่ง อล้ะอเล่, กแช่แยว้ พี่ โอ ดี๊ อดู้งอยาง อซยื๊งอซย้อง แอทึ แพ่ กแช่แยว้ ล้างชู้ล้างแกย ดี๊ กแช่แยว้ ทมึทพ้า”
กแช่แยว้ อดูอโท๊ ลู่ง ท เนฌ้าโล้ฌ้า พ้า, อดู้งอยางอซยื๊งอซย้องแอทึ ลู่ง ทไพ้ะทแม้ พ้า, กแช่แยว้ อ เมะคลี๊ง แด กโพล้ง อเกล้อพ้า กุ้ บ้อง, เกล๊าง รางวาง เอะ โพล้ง กุ้แฌ้, บี่ซุ้ดี๊ อ กแช่ อ เกล้, ดี๊ บี่ซุ้ดี๊ อ ทไพ้ะทแม้ อซูงอแซ นอ ล้อ
ท พ้าง อ อี้ง นอ เมะ ท โฌ่ง ท พ้าง ล้างเท่ง ล้างชิ้ เต้ๆ, ล้อ, พี่ อ เฌ๊ ล้าง โอ ฌางคู คู พ้าง ล้าง แบ กโพล้ง กุ้ อ แฌ้
อซื๊งเว๊ ไจ้ะ ล้าง อ ซ้ะ เก โพล้ง โอ ดี๊ ท โกง ซี มอง แบ, เต้ๆ, นอ อ ซื๊ง เว๊ เก โพล้ง ล กลุ้ ล จ้ะ แบ
แบ เด้าะ โพล้ง พี่ กแช่ แยว้ ลึ นี่-อ้ะ, เก อ พู อ ลี้ง ล แพ นอ, โพล้ง ยู ฌี้ โพล้ง กรี ฌี้ ซีงแฌ๊ เว๊ ก โล้ ล้าง กแช่ เยซู คริ้ อ ไฌะ อ ไฌ่, พี่ เนโพล ทาง กแช่ แยว้ อ ดู้ง อ ยาง, ดี๊ อ ท โกง ซี มอง แบ
กแช่ แยว้ ล้อ เกม๊า น ซื๊ง โอ ลู่ง กแช่ เยซู คริ้ อ ซุ้, ดี๊ อ เว๊ ดึ้ เกม๊า กแช่ เยซู คริ้ เนโพล ทาง เอะ เฆ้อ อ ท โกง ท มอง, อ เว๊ เกม๊า ก แบ กแช่ แยว้ อ ซ้ะ, ดี๊ เก ก้ะ โพล้ง ฌี้ โพล้ง แอว้, ฌ้อง แม้ พ้อง แม้ พลิ้ เฆ้อ ดี๊ ท เด้เทา เด้บ้ะ ล้อ
อ เว๊ เนโพล ทาง กแช่ แยว้ อ ท โกง ท มอง ดี๊ ท ซีงแฌ๊ แน่ฌ๊า, พี่ อ ล้างโฌ่ ท ลื่อ ดู ฆวี้ ดู ลู่ง อ โอ คิ้ซูง เว๊ นอ
