11 เมะเว๊ ทโกงซีมองแบ ฌี้เละ ทแมล่โฌ้ ดี๊ เท่อ กุ้เม้ง พี่ น แบซ้ะ-อ้ะ นอ, อางเพ๊งล้าง ดี๊ ทโกงซีมองแบ ลซีแบ
กแช่แยว้ อ ทไคล้ นอ, จ อางดุ้ เย้า, อ ช๊า เต้ๆ ช๊า ฌี้เละ นี๊จ้าง ได้ะ, พี่ อ ท้อง จ นุ้ นอ
อกย้อง บี่นอ, แย้ จ เอ กแช่แยว้ อ ทซองทซ๊าง ฌี้เละ ท๊อง, ฌี้เละ ท๊อง ลู่ง อ แย ฌี้ นอ ได้ะ
ลู่ง จ ฌ่าง พ้า นอ, ท อางแม้เลา เฌ๊นี่ ลู่ง กแช่แยว้ อ นุ้ นอ ฌี้เละ ท๊อง ดี๊ จี้ อ ลอง, ลู่ง อ ม๊า พ้า นอ ได้ะ
ล้าง แบซ้ะ-อ้ะ แอเละ ท๊อง ได้ะ ดูเละ ท๊อง ลู่ง อ แย ฌี้ทึ ได้ะ ช๊า ฌี้เละ นี๊จ้าง พี่ อ ล้างช้างนี่ ลู่ง อ โด้ง ล้อง
นี่แบ ทโกงซีมองแบ นอ, ฌี้เละ นี่แบ ท๊องบ้าง ชี่แอเล้ ดี๊ นี่แบ ทซีงแฌ๊ กุ้เม้ง นอ, ล้าง แบเซิงแบซ้ะ ฌี้เละ นี่แบ จี้ ได้ะ
โอ ดี๊ ท๊อง ดี๊ โอ ดี๊ ทแมล่ โฌ้ แอฌี่งแอฌ้อง แบเด้าะ นุ้ พี่ โอ ดี๊ ทซีงแฌ๊ นอ, เก เท่อ พี่ อ ลื่งดูฆวี้ดู เต้ๆ
แม๊ พี่ อ ฌี้ทึแอว้ทึ นอ, โพล้งเล้ ม อางฆื๊ง เว๊ แด? อ เว๊ อลื่งอฆวี้ ฌี้เละ ทแมล่ โฌ้ ได้ะ
ทโกงซีมองแบ นอ, ฌี้เละ คองแซย้ ดี๊ เก ท ล้างเปิ่ง เอะ โพล้ง พี่ นี่ แด แบ มื่ง
โพล้ง ล แฌ้ๆ, เมะ นี่ แบ ท กุ้ อ เม้ง ลู่ง ฌางคู โคล๊ง คู อี้ง, แบ เด้าะ, อ กแช่ แบ ซี๊ง นอ, อ นอ, ม ล้างเปิ่ง ลู่ง อ ฌ่าง บี่ จะ เล้, โพล้ง ม แม้ เท่อ ซี ล เม้งๆ, ชี่-อ้า, พี่ ม แม้ ม๊า ทาง ไท้ อ ซ้ะ เด้าะ
ล เมะ อ โอ ไย้ พะไฆวะ ปางเล แบ, พี่ น ม ไจ้ะ บี่อี้ง, ‘โพล้งเล้ ม ค๊างฌะ ปางเล คิ้ เฆ้อ, ดี๊ เฌ๊ไท้โชะ เอะ เฆ้อ, บี่ซุ้ เกม๊า ก นี่ คุ้ช๊องแน, ดี๊ แม้โพะ อ ไค๊?’
