34 เป๊งนี่ ท ซ้ะกวี้งล๊องก้อง นอ, ดึ้ เกม๊า แว้ ซ้ะทาง พ้ะดู มื่ง ล นี้ง แย๊ พี่ อ เว๊ แม้แกไท้ เท่อ นอ, อ เว๊ ม ล แม้เพาแม้แช่ อ จูง แบ
เกม๊า จ เก ทแม้ไน โอ ลู่ง น ซ้ะ พ้า เก ทแม้ไน ลู่ง น จูง ล้อง เมะเว๊ ทเอทกวี้ง นอ, ชอง ด้องซุ้ ทซี๊ง ท ล๊องก้อง บี่ซุ้ดี๊ พลื่งค่าง ดี๊ ทเอทกวี้ง อ มีเค้ แล นอ, ชอง บี่ซุ้ดี๊ มี ไพ่ค้ะ
ท ซ้ะทาง พ้ะดู นอ อดู้งอลู่, ดี๊ ท ซ้ะทาง นอ ล้างอวีงล้างพะ แบเด้าะ โพล้งเล้ ม ชี๊เทิง ลู่ง ทไคว๊เซิงไคว๊ซ้ะ อ เมะแซ พ้า ซี?
ฌ้อง อ แว้ โอ ซ้ะ เว๊ อ แม๊ นอ ทแบอ้า โอ ดี๊-อ้ะ เย้า, ดี๊ อ แว้ พี่ โอทาง อ ซ้ะ อ แม๊ นอ เอโบ้ง-อ้ะ, ทึเมะ อ แม๊ ล แม้ ไพ้ะ แบ เท่อ แบ ฌี้ นอ
ก เมะ แม้ บี่ นอ, ก ม เฌา แม้ ฆวี่ง ทาง กแช่ เยซู คริ้ อ ซ้ะ, ก ช๊องมอง ก ไฌ่ ก แบ้ โอ แอ นี่ กแช่ เยซู คริ้-อ้า
“โพล้งลื่งเท่ออคู อาโรง อ พู, เอเลอาซา อ พู ฟีเนฮะ นอ, แม้ ล้างซยืงไฆวะ จ ทซ้ะทาง ดี๊ โพล้ง อีซลาเอง, พี่ อ เว๊ ล๊องก้อง เท่อ ดี๊ จ ทล๊องก้อง ลู่ง อ ซื๊งเว๊ อ แกล้, ทบี่นอ, จ ล เช้าไฆวะ โพล้ง อีซลาเอง ดี๊ จ ทล๊องก้อง แด เว๊ แบ
ท่อง อคูอแน่ คุ้ช๊องแน อ แม๊ อ ท อางโล๊ไท้, ไจ้ะเว๊, “อ ฆ่อง แม้ เอะ-อ้ะ บี่นอ” นอ, อ เว๊ ซ้ะทาง น้ะ มะ ล้อ
อ เว๊ ม นี่แบ พ้าล่างพ้าเกล้, ดี๊ ท ล้าง ฌางแช้ฌางแด ดี๊ อ ท ล้างไช้ะล้างย่อง นอ, อ ม แม้ล้างแม่ไฆวะ เว๊ ลซีแบ ล้อ
อ เว๊ ม ล ฮะนี่ ทฆวี่ง อ ฆวี้ น่างเม้ง แบ ทึเมะ น ม เกม๊า แอทาง ทเกล๊าง ฌี้ นอ, อ เว๊ ม ล ญ่อง ล้างซยืง แบ
ทโอทช๊อง อ ท ล้างเปิ่ง ลโอแบ, ลู่ง มื่งนี้ง กแช่แยว้ ซ้ะทาง พ้ะดู นอ แบเด้าะ ทแบกแช่แยว้อซ้ะ, แม้ช้า เกม๊า พ้องไฆวะ ดี๊ ทซี๊ง ล้อ
อี้งเซ้อ, ก ดึ้ เกม๊า โพล้ง มีเดีย เฌ๊ ดึ้-อ้ะ โพล้ง พี่ ล ควี๊งคูแกยแน่ ดี๊ จี้ อไฌ่อกย้อง แบ ดี๊ ล ช๊องมอง แบ ท๊อง อไฌ่อกย้อง แบ
กมืง นอ ด้าทาง, ฌ้อง โซ๊ง โพล้ง ลี้ โล้ แบ ดาเว เกม๊า อ ซีงแฌ๊ ไจ้ะเว๊, “แย้ จ ด้าทาง เย้า”
