23 เกม๊า ปโล่ปด้าง น ซ้ะ แอเละ เท่อ อ แฌ้แพ เมะเว๊ เท่อ กุ้เม้ง พี่ น แม้ นอ, ไจทางนี่ ลู่ง ซ้ะ พ้า ล้อ
แบเด้าะ เยฮู ล ปโล่ ล้าง อ ซ้ะ, พี่ ม แม้โพะ กแช่ยาเว โพล้ง อีซลาเอง อ กแช่แยว้ อ ทอางแม้เลา อ ไค๊ กุ้เม้ง เลาเซิงเลาซ้ะ แบ, อ เว๊ ล วีงแซยไฆวะ อ ซ้ะ ดี๊ เยโรโบอาง อ ทเด้บ้ะ, พี่ อ แม้ เว๊ ดี๊ เกม๊า โพล้ง อีซลาเอง แม้ เว๊ ปะ นอ แบ
กมืง พี่ โอ ดี๊ ท ย๊างเซิงย๊างซ้ะ นอ, นี่แบ ทฆี๊งทแล้ แบเด้าะ กแคว๊ เซิงอ้าซ้ะอ้า นอ ทโอทช๊อง
โพล้ง พี่ ปโล่ล้าง อ นุ้ นอ, แฌแซกต้าง อ กแช่ อ ทโอม๊า แบเด้าะ โพล้ง พี่ อุ้พ้ะ อ นุ้เฌะ เล่ นอ, เฌ๊ท้อง ทเซงทื่งเฌ๊ฌ้อง ล้อ
โพล้งโต้โพล้งล้อง อ เกล้มื่ง นอ, ได้แท่ไฆวะ ดี๊ ทอ้าทซ๊าง โพล้ง พี่ ปโล่ล้าง อ กแช่ อ เกล้ นอ, แฌแซกต้างทะ อ กแช่ อ ทโอม๊า ล้อ
ทชูง ดี๊ พลี้งบล้ะ, โอ ลู่ง โพล้ง คีงอูงคีงตู๊ง เท่อ อ เกล้ โพล้ง พี่ ปโล่ ล้าง อ ซ้ะ นอ, ม โอช้างชื้ง ดี๊ เท่อ ลแพ อี้ง
พู-เอ้อ, เกม๊า น คุ้ช๊องแน เท่อ, ดี๊ เกม๊า โอ ดี๊ ทโกงซีมองแบ ดี๊ เกม๊า น ซ้ะ ลี้โพะ เกล้ ล บ้อง แย๊ นอ
โพล้ง พี่ นะ ล้าง อ กแช่ อ ซ้ะ นอ, เก โพล้ง เซ๊กูเฌ๊ฌ้อง แบเด้าะ โพล้ง พี่ โอม๊า, ดี๊ ทโกงซีมองแบ นอ, ม โอมึโอพ้า
พู-เอ้อ, เกม๊า เท่อ ลแพ อี้ง ล้างแม่แดไฆวะ น เมะคลี๊ง ล ฌี้ แบเด้าะ เกม๊า โอคุ้ แฌแซกต้าง ทะ-อ้ะ, เมะเว๊ ทโกงซีมองแบ, ดี๊ ทไพ่ทแซย๊
ทโกงซีมองแบ อ คางไท้ะ นอ เก บี่อี้ง, เมะเว๊ เกม๊า แม้นี่ ทโกงซีมองแบ ทึเมะ น นี่แบ ท เม้งฌี้เม้งฌี้ นอ, เกม๊า แม้นี่ ทซีงแฌ๊แน่ฌ๊า กุ้ เม้ง ไช้ะ
ท ออ้าอซ๊าง น้ะ, พี่ อ ล้าง ซ้ะ เฌ๊ฌ้อง โอ ล เม้ง ได้ะ, พี่ จ แด -อ้ะ ลู่ง มื่ง เช๊ละ อี้ง, เมะเว๊ คองแซย้ พี่ อ กแช่ อางกี นี่ เว๊, ท๊อง เก ทาง ก้ะ ทอ้าทซ๊าง ลู่ง อ กแช่ อ ฌ่าง พ้า
ซ้ะ นอ เก ทอางโล๊ไละ ดูเละ ท กุ้เม้ง เลาพะ อ อ้าทางซ๊างทาง น้ะ มะ ล้อ โพล้งเล้ ม ซีงแฌ๊ ซ้ะ นอ?
แบ เด้าะ เท่อ พี่ อ โอ นุ้ พ้า ไจ ทาง นอ, เฌ๊ ทาง ลู่ง ซ้ะ พ้า, ท ล เม้ง แย๊ นอ, แม้ แบ อ้า แบ ซ๊าง โพล้ง ล้อ
เมะ เว๊ แด ท ช๊องมอง อ้า, ท แม้ ซี๊ง อางแช๊ โพล้ง, ท เอโบ้ง เอพะ, ท แม้ กแม มืง กแม แคว๊, ทอางฌูง อางแบล เท่อ, ท ไคล้ กไบล้ะ กแบล, ท ไคล้ แช๊คู ดูซ้ะ เท่อ
โอ คุ้ เท่อ นอ, ชูแพ อางท่าง เท่อ บี่ ซุ้ น ซื๊ง ล แบ ม้างโค้ไล่ อ ท โก้ไละ แบ, น อางกี ล้าง น เซิง น ซ้ะ เมาน่าง เย้า ฌี้ๆ, แบ เด้าะ น ล้อง น ย่าง ล้างป้ะ ล้างเป้ นอ ล้อ”
โพล้ง ฌี้ นอ เนโพล ทาง ท อ ฌี้, พี่ อ อางกี ซยอง เว๊ ลู่ง อ ซ้ะ พ้า, โพล้ง อ้า นอ เนโพล ทาง ท อ้า พี่ อ อางกี ซยอง เว๊ ลู่ง อ ซ้ะ พ้า, เมะ เว๊ โพล้ง ไคล้ เท่อ พี่ อ โอ ฆวี้ ทะ ลู่ง อ ซ้ะ พ้า ไจ ทาง นอ ล้อ
“แบเด้าะ เกม๊า ปโล่ ล้าง น ซ้ะ, ดี๊ แฌแซกต้าง นวีงนแล้ เมะ ฌี้, ไค๊ไก้ะ น ซื๊ง ม ซ้ะนาง เท่อ, พี่ น เมะคลี๊ง แด แบ-อ้ะ นอ, ดี๊ ไค๊ไก้ะ ท ลแพ นอ, ม ล้างแม่ไฆวะ ลู่ง น ซ้ะ พ้า เพล้า น ชู้, เกม๊า น ดึ้ ซีงแฌ๊ น พู ดี๊ น ลี้ง, ซีงแฌ๊ ทไฌ่ ลแพ อี้ง
แคว่ เมะ ฌี้ ไช้ะ เกม๊า โพล้ง โอ น่าง แฌ้ ล ฌี้, พี่ ม วีงแซย ไฆวะ อ ซ้ะ ดี๊ กแช่ แยว้ อ โก้ง อ โบ้ง อ บลึ้ อ บลาง, เกม๊า โพล้ง โอ น่าง แฌ้ ล ฌี้ เก บี่ ซุ้ แล้แช๊, พี่ อ ดุ้ ทาง ฌ้อง เกม๊า ท แก ท เฌ้ โอ ทาง แม้ แช๊ โพล้ง แอ แฌ้
