21 เกม๊า อ ล้างแม่แดไฆวะ น เมะแคว่ ล ฌี้ เกม๊า แฌแซกต้าง ทะ-อ้ะ ลู่ง น ซ้ะ พ้า
จ กแช่แยว้-เอ้อ, จ ซ้ะมึ พี่ ม แม้ เท่อ ท๊อง ทแบ น ซ้ะ น ทอางแม้เลา, โอ ลู่ง จเซิงจซ้ะพ้า”
พู-เอ้อ, น เมะ ฮะนี่ จ ทไคล้ ดี๊ อางกีซยอง นี่ จ ทอางแม้เลา โอ ดี๊ แน้ นอ
อไฌ่บี่อี้ง, อ ล้าง เซิงมึซ้ะมึ ล้อ, น เมะ นางแบเย้แบ เท่อ ลแพนอ ดี๊ ม ไคล้ทาง ซี กุ้ อ พ๊า ล้อ
พู-เอ้อ, ซ้ะนาง จ ทซองทซ๊าง ล ฌี้ แบเด้าะ เกม๊า น ซ้ะ, โอคุ้ แฌแซกต้าง จ ทอางแม้เลา
พู-เอ้อ, เกม๊า เท่อ ลแพ อี้ง ล้างแม่แดไฆวะ น เมะคลี๊ง ล ฌี้ แบเด้าะ เกม๊า โอคุ้ แฌแซกต้าง ทะ-อ้ะ, เมะเว๊ ทโกงซีมองแบ, ดี๊ ทไพ่ทแซย๊
เกม๊า ท เซิงเท่งซ้ะโต้ ดี๊ ทโต้ทล้อง ญ๊องไฆวะ แน้ ล ฌี้ เกม๊า ไบ้ทาง-อ้ะ วะชวะ น โคะบ้อง ล้อง เกม๊า กวิ้ล้าง-อ้ะ ลู่ง น ซ้ะ พ้า
เกม๊า ไบ้บ้างทาง-อ้ะ ลู่ง น ซ้ะ พ้า ครึๆ เกม๊า จ้าทาง-อ้ะ ลู่ง น โคะ ล้อง วะชวะ
เกม๊า ไบ้ทาง-อ้ะ ลู่ง น จูงโน้ง ล้อง เกม๊า กวิ้ล้าง-อ้ะ ลู่ง น ซ้ะ พ้า
“แบเด้าะ เกม๊า ปโล่ ล้าง น ซ้ะ, ดี๊ แฌแซกต้าง นวีงนแล้ เมะ ฌี้, ไค๊ไก้ะ น ซื๊ง ม ซ้ะนาง เท่อ, พี่ น เมะคลี๊ง แด แบ-อ้ะ นอ, ดี๊ ไค๊ไก้ะ ท ลแพ นอ, ม ล้างแม่ไฆวะ ลู่ง น ซ้ะ พ้า เพล้า น ชู้, เกม๊า น ดึ้ ซีงแฌ๊ น พู ดี๊ น ลี้ง, ซีงแฌ๊ ทไฌ่ ลแพ อี้ง
