30 ติ้โละไอโละ ซ้ะ พี่ อไฌ่อกย้อง ลโอแบ, ดี๊ โพล้ง น่างแฌ้ ล ฌี้ พี่ อ เว๊ ล นี่ แม้ ซอึ้คูแช๊ แน้ น่างเม้ง แบ นอ
เมะ เย้า น ดึ้ซึ้ แบ เอโดง, ดี๊ น เซิง น ซ้ะ ดึ้ เกม๊า น อางกีทาง โท๊ น ซ้ะ, เกม๊า น เฆว๊ ซ้ะ ดี๊ น ฆี๊ง น แล้ นอ แดเทา, ดี๊ โอ-อ้ะ ลู่ง น กแช่ อ เด้า พ้า นอ, เมะเว๊ แม้ทเล้?, น แม้ ชอง น ซ้ะ เกม๊า ดึ้ เท่อ ดี๊ ล้างเทะเค้า, เลา ดี๊ แน้ ดี๊ ยูดา ปะ”
ท ติ้โละไอโละ โอทาง นอ, บี่ซุ้ดี๊ ทูแพล่ ที๊ง เกม๊า อ ล้างแยว้ ล้อ ทบี่นอ, เกม๊า โอโท๊ไฆวะ วี่ง-อ้ะ, ซลื่อ ท คิ้คุ้ไวะวะ ม กึทาง
โพล้งเซ๊กูเฌ๊ฌ้อง อ นุ้เฌะ นอ, เฌ๊โชะ ท ติ้โละไอไละ ดี๊ อ นุ้ นอ, แท้นี่ ทพลีทท่าง
โพล้ง พี่ อ ลี้ โญ๊ง ดี๊ ท ติ้โละไอโละ อไฌ่อกย้อง, พี่ ล เมะ อ กแช่ อไฌ่อกย้อง แบ นอ บี่ซุ้ดี๊ โพล้ง ทึ้ ทวีง อ แน่ นอ ล้อ
โพล้ง พี่ อ ซ้ะทาง ชอง นอ, แม้ เกทาง ท ติ้โละไอโละ ดี๊ โพล้ง พี่ อ เอ้งโช่งเอ้งไน๊ นอ, ดึ้ เกม๊า ท กไบล้ะ กแบล โอ แอทาง
โพล้ง แม้ กแช่ แยว้ อ เท่อ นอ ล แบ ติ้โละ ไอโละ ซ้ะ แบ, แบเด้าะ แบ เซิง ฌี้ ซ้ะ ช้า ดี๊ โพล้ง กุ้ อ แฌ้, ดี๊ เก คู ซอง เท่อ ฌี้, โอ ดี๊ ท เอ้า เซิง เอ้า ซ้ะ
