13 กโพล้ง พี่ อ แด ทโกงซีมองแบ ดี๊ กโพล้ง พี่ นี่แบ ทแนซีโน้งซี นอ, โอมึโอพ้า เต้ๆ, ล้อ
ม แม้นี่ ท๊อง ฆวี้-อ้ะ ล นี่ แบ ดี๊ ม เค๊งทางนี่ จี้ เกม๊า-อ้ะ, ท๊อง เว๊ อลื่งอฆวี้ โอ นอ ลซีแบ
เฆว้ง แบ ท กางลาปางฮา ดี๊ โกย ล้างด้ะ ล ฌี้ เฆาะ ทโกงซีมองแบ นอ, อลื่งอฆวี้ ดูเละ ทแมล่ โฌ้
เพอริโด ลู่ง ค่างคุ้ นอ, อางเพ๊งล้าง ดี๊ ทโกงซีมองแบ ลซีแบ ดี๊ ม ตี๊ง อ ฆวี้ เก ท๊อง ลู่ง อ แย ฌี้ๆ, นอ ลซีแบ
ลู่ง จ ฌ่าง พ้า นอ, ท อางแม้เลา เฌ๊นี่ ลู่ง กแช่แยว้ อ นุ้ นอ ฌี้เละ ท๊อง ดี๊ จี้ อ ลอง, ลู่ง อ ม๊า พ้า นอ ได้ะ
นี่แบ ทโกงซีมองแบ นอ, ฌี้เละ นี่แบ ท๊องบ้าง ชี่แอเล้ ดี๊ นี่แบ ทซีงแฌ๊ กุ้เม้ง นอ, ล้าง แบเซิงแบซ้ะ ฌี้เละ นี่แบ จี้ ได้ะ
โพล้ง พี่ อ โอเจโอพ้ะไฆวะ ดี๊ โพล้ง อ แฌ้แพ นอ, อางฆื๊ง ที่ เท่อ พี่ อ กแช่ แบซ้ะ เว๊ ดี๊ คิ้คุ้ โละซ้ะ ดี๊ ทโกงซีมองแบ กุ้เม้ง ล้อ
น เมะ อางฆื๊ง ทโกงซีมองแบ ด้องซุ้ อางฆื๊ง จี้ ดี๊ อางฆื๊ง อ เว๊, ด้องซุ้ อางฆื๊ง เท่อ อ ลื่งดูฆวี้ดู, พี่ โอคุ้ซูง นอ
ทไคล้ ลแพนอ ล้องท้อง เลาพะ, ลู่ง โพล้ง พี่ อ แน เว๊ ซี อ ฌ่าง ดี๊ แบเมาะ ลู่ง โพล้ง พี่ อ แด ทซีงแฌ๊แน่ฌ๊า อ ฌ่าง
ล เมะ อ โอ ไย้ พะไฆวะ ปางเล แบ, พี่ น ม ไจ้ะ บี่อี้ง, ‘โพล้งเล้ ม ค๊างฌะ ปางเล คิ้ เฆ้อ, ดี๊ เฌ๊ไท้โชะ เอะ เฆ้อ, บี่ซุ้ เกม๊า ก นี่ คุ้ช๊องแน, ดี๊ แม้โพะ อ ไค๊?’
