6 พ้าล่าง พี่ ฌุ้พาง เท่งซ้ะ แม้ เว๊ นอ, แม้ เว๊ ดี๊ ทช๊องมอง ลู่ง อ ฌี้ แบเด้าะ ดีงแด้ อ ท น๊าม๊า นอ, แอ พะไฆวะ ทเมะทโต้
เกม๊าเต้ โพล้ง ทแบกแช่แยว้อซ้ะ ท่าง ดี๊ โล้ ซีงแฌ๊ แย้ ดี๊ ทย๊างซ้ะ ทซู ฌี้ บี่นอ, เกม๊า จ คู ซม๊า ล ฌี้ เมะเว๊ แย้ จ ชูแพอางท่าง เท่อ, ซู้ง อซื๊งเว๊ ลแพ นอ อ ทอ้าทซ๊าง
โพล้ง พี่ อางกีซูงทะ ท แช๊เมะไฌ๊ซ้ะ นอ, โอ ดี๊ นุ้ คีงอูง เท่อ ดี๊ โพล้ง พี่ อ ไคล้อ้า ซี๊งเค โพล้ง แฌ้แพ นอ, เก โพล้งเซ๊กูเฌ๊ฌ้อง ล้อ
ทพลีทเป้ พี่ เกม๊า เกทาง พ้าล่างพ้าเกล้ นอ, แม้ไฆวะ ทอ้าทซ๊าง ดี๊ ทพลีทท่าง นอ, แม้เช๊งแม้เกล้ง เท่อ ลู่ง แย๊โค๊ ล้อ
โพล้ง พี่ อาง เท่อ กึ้ เย้า นอ, ล ซู๊อางซ้ะ นี๊จ้าง ล้าแบ แบเด้าะ ลู่ง โพล้ง ซู๊อางซ้ะ เท่อ อ ฌ่าง นอ, เท่อ กุ้เม้ง พี่ อ แค นอ เกก้ะ ทช๊า ล้อ
โพล้ง พี่ โล้ซีงแฌ๊ โพล้ง แฌ้แพ นอ, ม นี่แบ ท แบเมะล้างซ้ะ ลู่ง ไค๊ แอเละ โพล้ง พี่ เจ่ อ พลี้ ไคล้มึแน่ ดุ้ เท่อ นอ ได้ะ
ก แพ่ ฌางคู โคล๊ง คู นอ, แม้ เตา แม้ แต๊ เฆ้อ ล ชู่ ล ล่าง ท้อง อ แด เว๊ อ เกิ้ง อ แบ, แบเด้าะ กแช่ แยว้ แม้ เตา แม้ แต๊ เฆ้อ พี่ ม ล้างเปิ่ง ลู่ง ก ฌ่าง, บี่ ซุ้ ก ม นี่ แบ ฆึ อ ท ฌี้ ท แอว้
จ เอ โพล้ง เล้ นอ จ ไจ้ะ จ ไคล้ ดี๊ จ พลี จ ท่าง โพล้ง ล แฌ้ นอ ล้อ, บี่ นอ อางกี ล้าง น ซ้ะ เมาน่าง, เปลง ไท้ น ซ้ะ อ ซ๊าง
