6 โพล้ง พี่ อ โซ๊ง ทโล้โค, ดี๊ โพล้งเซ๊กูเฌ๊ฌ้อง อ จูง นอ บี่ซุ้ดี๊ กล้างเทะไฆวะ อ คาง คี๊งแพ้, ดี๊ โอ้ ท แม้ชองแม้จุ้
ทไช ที๊ง ดี๊ แซว๊, ดี๊ ท อ คูง ดี๊ เมะคลี๊ง, แม้ อ ซ้ะ บี่จะเล้ นอ โพล้ง เกิง ดี๊ โพล้ง พี่ อ เจ่-อ้ะ นอ, แม้ อ ซ้ะ บี่นอ ล้อ
โพล้ง ไคล้เดิง เท่อ พี่ ออ้าอซ๊าง นอ, ลี้ฌ้า เท่อ ลู่ง ทน้ะทโน๊ง พ้า แบเด้าะ โพล้ง ไคล้คิ้ เท่อ พี่ อโต้อล้อง นอ, เฌ๊โชะ ทแฌแซกต้าง
แน๊วะ เกม๊า ทเคลง ลู่ง ท เก้านี่ดิ้นี่ อ แค๊ บี่จะเล้ นอ โพล้งโล้คิ้ไคล้คิ้ เท่อ พี่ อโต้อล้อง ดี๊ โพล้ง พี่ เจ่ทาง-อ้ะ นอ, แม้มึแม้พ้า อ เซงคู อวีงอแล้ บี่นอ ล้อ
เกม๊า ไคล้ช๊า โพล้งเซ๊กูเฌ๊ฌ้อง, บี่ซุ้ดี๊ อ ท เซ๊กูเฌ๊ฌ้อง นอ ไค๊ไก้ะ อ เว๊ ม ช๊องมองล้าง อ ซ้ะ, โอ ดี๊ ทโกงซีมองแบ
ทอางด้อง โอ ลู่ง โพล้งเซ๊กูเฌ๊ฌ้อง อ นุ้ พ้า นอ บี่ซุ้ดี๊ โพล้ง อ คาง เฌ๊ฌ้อง, พี่ ล้างเช้ ล ล้างเปิ่งล้างเอ้ง แบ นอ ล้อ
แบเด้าะ โพล้ง แอ แฌ้ พี่ อ ลี้ แคว่ฌูง เท่อ ปะ นอ ไจ้ะเว๊, “ก ลี้ นึฆ้าง ดี๊ แม้ น้า โพล้ง ลแพ นอ ล น้า แบ, เมะเว๊ อ ซื๊งเว๊ อ ไฌ่ อ แบ้ โอ แอเละ เฆ้อ ได้ะ”
