5 โพล้ง โอ ดี๊ ทโกงซีมองแบ นอ, โอ ดี๊ อดู้งอยาง แอ ดี๊ โพล้ง โอ ดี๊ ทซีงแฌ๊ นอ, อไฌ่อแบ้ โอ แอทาง
อซื๊งเว๊ ลี้ ดี๊ ไฌ่แบ้, พี่ แอทาง ครึๆ อเว๊ ม ลี้ฆ้าง โอ กแช่แยว้, พี่ เก ทกโช้งกแช่ ซีงลแพ นอ, อ กแช่แยว้
กแช่ยาเว อ เกล้ เก ทล่าง ทุ้กดื้งซ้ะ, พี่ อเฌิ่งอค๊า เอะ โพล้งโต้โพล้งล้อง แบเด้าะ เก ท เซงทื่งเฌ๊ฌ้อง เอะ โพล้ง, พี่ แม้ ทอ้าทซ๊าง นอ ล้อ
โพล้ง โอ ดี๊ ทโกงซีมองแบ, ทาง นึฆ้าง โพล้ง โอ ดี๊ อไฌ่อแบ้ อ เว่ง พ้า ดี๊ แม้ ล้างฆ่อง ทล่าง อเฌิ่งอค๊า, พี่ อ เว๊ อางกีล้างซ้ะ นอ ล้อ
เมะเว๊ ลู่ง ทโล้ฌ้าละฌ้า อกย้องนอ, น ม แม้ ทดึ้ซึ้ ซี ดี๊ ลู่ง โอ ดี๊ ท เนฌ้าโล้ฌ้า แอ แฌ้ นอ, โอ ดี๊ ทน้าทฆ่าง ล้อ
แย้ จ โอ ดี๊ ท โล้ฌ้าละฌ้า ดี๊ ทโกงซีมองแบ แย้ อี้ง ล้อ, เก ทซีงแฌ๊แน่ฌ๊า กุ้ เม้ง, จ โอ ดี๊ ไฌ่แบ้
ทโกงซีมองแบ เกม๊า ไฌ่ เกม๊า แบ้ เอะ โพล้ง, พี่ โอ ดี๊ ทโกงซีมองแบ, แอเละ โพล้ง โพะคอง โพล้ง อ แฌ้ ล ชี๊ง, พี่ โอ เว่ง พ้า นอ ได้ะ
น ช๊องมอง-อ้ะ, ฆวี๊ ทไคล้ ลู่ง นุ้ เฆาะ นอ, เก ทดึ้ทชาง อเค้อะอต้าง, ดี๊ ทชองทไคล๊ ลู่ง ทดึ้ซึ้ พ้า ซี ชี่-อ้า?, ค๊องเนงอี้ง, น คื๊งเซิงแล้ซ้ะ ดี๊ โพล้ง เล้, น กไบล้ะกแบล ดี๊ เฆ้อ?
แบเด้าะ อ ซื๊งเว๊ ซีง ลแพ, พี่ โอคุ้แท๊ กแช่ยาเว นอ, ม นี่แบ ไฌ่แบ้ อ ซ๊าง ล้อ อ เว๊ ม ยู้งทาง ดี๊ ได้ะ บี่ซุ้ดี๊ ไละ พ้ะดู อ เว๊ ม ซยู๊ ดี๊ ล ล้างเพาล้างแช่ แบ อ เว๊ ม ไจ ดี๊ ท ล ไปว้ะ อ ซ้ะ แบ
จ อางท่าง เกม๊า กแช่ แยว้ ดึ้ ชอง ทาง ไคล๊ ทาง น ซื๊ง ลู่ง ท กุ้ อ เม้ง เฌ๊ เว๊ ลู่ง อ ฆี๊ง อ แล้ อ ดู้ง อ ยาง, บี่ ซุ้ น ซื๊ง ม โท่ง ท กุ้ อ เม้ง เก ลู่ง ท เอ้า เซิง เอ้า ซ้ะ
