7 โพล้งอ้าโพล้งซ๊าง อ ท แม้ชองแม้จุ้ นอ, ม กว้ะไฆวะ อ ซื๊งเว๊ ล้อ เป๊งนี่ อ ซื๊งเว๊ ล ญ่อง แม้ เท่อ พี่ อเกิ้งอแบ แบ
อ ทอ้าทซ๊าง, ม เฌ๊ไท้ เชาบองไท้ อ กแช่ คู ดี๊ อ ทแม้ชองแม้จุ้, ม เฌ๊ล้างแบ อ กแช่ อ คูล้อง
กแช่ยาเว เนโพลทาง อ ซ้ะ, เกม๊า โพล้ง ซีงแฌ๊-อ้ะ, พี่ อ ต้ะเซ๊ง เท่อ นอ โพล้งอ้าโพล้งซ๊าง แบ ทดุ้ทเช, ดี๊ ทไพ้ะทแม้, พี่ เฌ๊นี่ ดี๊ อ กแช่ อ จูงล่างคางคู นอฮิ้กาโยง เซ่-ลา
ทชูฌี้ กุ้เม้ง นอ, โอ ลู่ง โพล้งแบกแช่แยว้อซ้ะ อ คูล้อง แบเด้าะ โพล้งอ้าโพล้งซ๊าง อ นุ้ นอ, อางกีซูง ทดู้งทลู่
โพล้ง พี่ อ โพะ ทแบกแช่แยว้อซ้ะ, ดี๊ ท ย๊างเซิงย๊างซ้ะ อ ไค๊ นอ ม แด ทม๊า, ทแบกแช่แยว้อซ้ะ, ดี๊ ทฆี๊งทแล้
ดี๊ ก ม เว่งว๊าง ญ๊องไฆวะ แน้ พ้องไฆวะ กเมะกแน้, บี่ซุ้ดี๊ พี่ ก นี่ ญ๊องไฆวะ กเย่ น น๊างพื่งวี่ ลแพ นอ, เมะเว๊ กเย่ เอฟาอีง อชื้ออชะ เลาพะ นอ
แบเด้าะ อ แพ่ อางฆื๊ง จี้ ดี๊ ท แคแนแคแก้, ดี๊ ตมละ นี่ อพื่งอวี่ อคองอแซย้, แม้ ที่ ท ล ฌี้ แบ ลู่ง โพล้ง ล ชื้อ ฆ่าง ดี๊-อ้ะ อซุ้อแกล้, อี้งเซ้อ, อ แพ่ นอ ม แบ ซี๊ง ลู่ง อ กแช่ อ ท เด้เทาเด้บ้ะ อกย้อง ล้อ
โอ้, น ซื๊งเว๊ ซีง ลแพ, พี่ เปลงไฆวะ ท อเกิ้งอแบ ดี๊ ไย่เละค๊างพะ ทแบกแช่แยว้อซ้ะ
เกม๊า โพล้ง อางโล๊ นี่ น ซื๊ง ดี๊ ท ไคล้ ล กลุ้ ล จ้ะ แบ ล ฌี้, ท ล แพ อี้ง นอ เกม๊า กแช่ แยว้ อ ซ้ะทาง ดี๊ โพล้ง ลู่ง อ ล ชู่ง-อ้ะ แบ
