6 โพล้งเซ๊กูเฌ๊ฌ้อง อ นุ้เฌะ นอ, เฌ๊โชะ ท ติ้โละไอไละ ดี๊ อ นุ้ นอ, แท้นี่ ทพลีทท่าง
โพล้งเซ๊กูเฌ๊ฌ้อง นอ, เนโพลทาง อ ท เอ้งโช่งเอ้งไน๊ ลทีงฆ่าง แบเด้าะ โพล้ง พี่ อรู้งอแซย๊ นอ, ล ควี๊งกูแกยแน่ ดี๊ ทดึ้เดวทื่งแช้ แบ
ท ทื่งดูล้างซ้ะ นอ, โอ เว๊ ที่ ดึ้ เกทาง ท ติ้โละไอโละ แบเด้าะ ทโกงซีมองแบ โอ ดี๊ โพล้ง, พี่ ฮะนี่ ท โล้ฌ้าละฌ้า
โพล้ง โอ ดี๊ ทโกงซีมองแบ นอ, ปโล่ล้าง อ ซ้ะ ดี๊ แกยไฆวะ ซ้ะ ดี๊ ทแกทเฌ้ แบเด้าะ โพล้งเซ๊กูเฌ๊ฌ้อง นอ, ล โอ ดี๊ ท แคแน ล้างซ้ะ แบ, ดี๊ ล ปโล่ ล้างซ้ะ แบ
โพล้งเซ๊กูเฌ๊ฌ้อง อ นุ้ พ้า นอ, โอ ดี๊ นางพลี พี่ ม แม้เตาแม้แต๊ อ ท ทื่งดูล้างซ้ะ แบเด้าะ โพล้ง โอ ดี๊ ทโกงซีมองแบ อ นุ้เฌะ นอ, ม ยู่ทะแคว่ทะ อ กแช่
ท ติ้โละไอโละ โอทาง นอ, บี่ซุ้ดี๊ ทูแพล่ ที๊ง เกม๊า อ ล้างแยว้ ล้อ ทบี่นอ, เกม๊า โอโท๊ไฆวะ วี่ง-อ้ะ, ซลื่อ ท คิ้คุ้ไวะวะ ม กึทาง
โพล้ง พี่ อ ซ้ะทาง เอ้งไน๊ นอ, ม แบ นี่แบ อเตาอแต๊ อไฌ่บี่อี้ง, น เมะ แม้ช้า-อ้ะ เย้า นอ, น แบ แม้ช้า-อ้ะ ได้ะ
ท ต้ะเซ๊ง โอ เว้ เมาน่าง, ลู่ง โพล้ง พี่ เฌา แม้ไฌ๊ซ้ะ เท่อ อ ฌ่าง ดี๊ ทพลีทท่าง นอ, โอ เว๊ ลู่ง โพล้งเซ๊กูเฌ๊ฌ้อง อ โคล๊ง อ ฌ่าง ล้อ
พี่ ม เฌ๊ฆิ้ไฆวะ ท ติ้โละไอโละ นอ, เก ทฆี๊งทแล้ ลู่ง กโพล้ง อ ฌ่าง แบเด้าะ โพล้งเซ๊กูเฌ๊ฌ้อง กุ้แฌ้ นอ, ม ติ้โละไอโละ ซ้ะ ล้อ
เกม๊า โฌ๊ ไจทางไฆวะ โพล้ง เฌา แม้ไฌ๊ซ้ะ เท่อ นอ, ฌ้องอ ท ติ้โละไอโละ ม เลาไฆวะ ท ไอโละชุ้ไคล้ ดี๊ ท ดึ้เดวทื่งแช้ นอ, ม โอโท๊ไฆวะ เว๊ ล้อ
โอ ทโนง ลู่ง เด้าคู นอ ฌี้เละ โอซยอง เด้า พ้า ดี๊ กมืง ติ้โละไอโละ ชอง นอ ได้ะ
โล่ง นอ ฆ๊า, ดี๊ มิ้ นอ โอ ดี๊ อ ฆ๊า ปะ แบเด้าะ โพล้ง เซ๊กูเฌ๊ฌ้อง อ ท เชิ่งเชะ นอ, อ ฆ๊า น้ะเละ เท่อ คี๊งเม้ง นอ ได้ะ
โพล้ง โอ ดี๊ ทโกงซีมองแบ, เมะ โอ ดี๊ อไฌ่อกย้อง ติ้ โละซ้ะ ดี๊ โพล้ง เซ๊กูเฌ๊ฌ้อง นอ โพล้ง เซ๊กูเฌ๊ฌ้อง นอ, แม้ดู้งแม้ลู่ อ ซ้ะ, เลา ดี๊ อ นี่งควี, ดี๊ ล โอ ดี๊ ท โอซยืงโอบ้ะ แบ
