10 ทโล้ทละ นึฆ้าง ลู่ง โพล้ง, พี่ โอ ดี๊ ทแนซีโน้งซี อ ซ้ะ พ้า โยะเละ ทพลีทท่าง โพล้งเซ๊กูเฌ๊ฌ้อง อ ทีง ล แย้ นอ ได้ะ
เกม๊าเต้ โพล้ง ทแบกแช่แยว้อซ้ะ ท่าง ดี๊ โล้ ซีงแฌ๊ แย้ ดี๊ ทย๊างซ้ะ ทซู ฌี้ บี่นอ, เกม๊า จ คู ซม๊า ล ฌี้ เมะเว๊ แย้ จ ชูแพอางท่าง เท่อ, ซู้ง อซื๊งเว๊ ลแพ นอ อ ทอ้าทซ๊าง
พูแคว๊ พี่ โอ ดี๊ ทโกงซีมองแบ นอ, คุ้ช๊องแน อ แพ่ อ ทซองทซ๊าง แบเด้าะ โพล้ง พี่ อ เฌา แม้ไฌ๊ซ้ะ เท่อ นอ, ล คุ้ช๊องแน ทโล้ทละ แบ
โพล้งเซ๊กูเฌ๊ฌ้อง นอ, ดึ้เดว อ แพ่ อ ทซองทซ๊าง แบเด้าะ โพล้ง พี่ ควี๊งคูแกยแน่ ดี๊ ท โล้ซีงแฌ๊ นอ, เก โพล้ง พี่ อรู้งอแซย๊
โพล้งอ้าโพล้งซ๊าง นอ, อางฆื๊ง นี่ ที่ ท กไบล้ะกแบล ทบี่นอ, โพล้งโล้คิ้ไคล้คิ้ เท่อ ลู่ง อดู้งอลู่, ม แบ ท โซ๊งทาง ลี้ ดึ้-อ้ะ ล้อ
โพล้ง พี่ แพล่ไฆวะ ท ลือค๊างพะ นอ, เฌา แม้ ทฆู๊งทพุ้ แบเด้าะ โพล้ง พี่ อ เฌา เฆว้ง ทไพ้ะทแม นอ, ม ดึ้ เกม๊า ฌุ้พางเท่งซ้ะ ที่มื่งที่พ้ะ โละซ้ะ ล้อ
เกม๊า ท่าง โพล้ง พี่ เฌา แม้ไฌ๊ซ้ะ เท่อ, ฌ้อง นอ โพล้ง ซีงแฌ๊ เท่อ แซย้, ม เกทางก้ะ โพล้ง พี่ อรู้งอแซย๊ เกม๊า โล้ซีงแฌ๊ โพล้ง พี่ โอ ดี๊ ท แนซีโน้งซี, ดี๊ อ เว๊ ม นี่ ทซีงแฌ๊แน่ฌ๊า ล้อ
แม้นี่ โพล้ง เซ๊กูเฌ๊ฌ้อง, ชวี๊งล้าง เชิงพู พ้า, อางชื๊ง ดี๊ เชิงพู ที ล พ๊าฆ่าง ดี๊ บืงแซ นอ โพล้ง เซ๊กูเฌ๊ฌ้อง นอ, อ เซ๊กูเฌ๊ฌ้อง เว๊ ได้ะ นอ ล้อ
เจ่ ที่ ทไคล้ ล เม้ง นอ, ม ซอง ท อเพล่อบาง ล ซี แบ อไฌ่บี่อี้ง, ทึเมะ อ เว๊ ม แนซี ฌี้ นอ, แบเด้าะ อ เว๊ ล ชู่ง เท่อ แบ
จ เอ โพล้ง เล้ นอ จ ไจ้ะ จ ไคล้ ดี๊ จ พลี จ ท่าง โพล้ง ล แฌ้ นอ ล้อ, บี่ นอ อางกี ล้าง น ซ้ะ เมาน่าง, เปลง ไท้ น ซ้ะ อ ซ๊าง
