10 ทไคล้ พี่ โอ ดี๊ อฌ้องอเก อดู้งอยาง นอ, โอ ลู่ง กจุ้แฆว้ อ นุ้เฌะ ล้อ อ เว๊ อ นุ้ โต้ล้อง ลู่ง ท ต้ะเซ๊ง พ้า
โยซิ้ อางจ้ะ อซื๊งเว๊ ไจ้ะเว๊, “น ซื๊ง แม้ ทเม้งเล้ บี่อี้ง?, น ซื๊ง ล ซีงแฌ๊ แบ-อ้า?, โพล้ง ด้องซุ้ เฆ้อ นอ, พ้ะเว้ เท่อ ซี เต้ๆ, ล้อ”
เจาะ จี้ นอ, เก เจาะ พี่ จ เซงคู อางกี เจ่ โอ้ เท่อ, ดี๊ อางกี เจ่ พ้ะเว้ เท่อ ล เมะ แบ-อ้า?, น ซื๊ง แม้ เท่อ บี่อี้ง นอ, อไพ้ะอแม เต้ๆ, ล้อ’, ”
เมะเว๊ กจุ้แฆว้ ม ช๊องแน เว๊, ดี๊ ม แม้ช้า อ เพล่ มืง, พ้องไฆวะ ดี๊ โพล้ง, พี่ ม แม้เฌ๊ฌ้องไฆวะ เลา ดี๊ แย้ ดี๊ จ พู ปะ, ล เกม๊า เว๊, อ นี่แบ กแช่แยว้ อคองอแซย๊ ล้าแบ, ลแพ นอ อ จูง พ้า
ท่อง โพล้ง อีซลาเอง กุ้ แฌ้ ซีงแฌ๊ ทต้ะเซ๊ง อ ไฌ่, พี่ กจุ้แฆว้ ไคล้ล้าง เว๊ นอ, อ ซื๊งเว๊ซีง ล แฌ้ๆ, นอ, ยางแบซ้ะเม กจุ้แฆว้, เมะเว๊ อ ซื๊ง แด เว๊ กแช่แยว้ อ ทโกงซีมองแบ โอ ดี๊-อ้ะ, พี่ ม ต้ะเซ๊ง เท่อ เกม๊า ทอเกิ้งอแบ
แบเด้าะ ท่อง อ เว๊ ชองทางไคล๊ทาง เย้า นอ, อ เว๊ อางกีทาง โท๊ ล้าง อ ซ้ะ ท๊อง อ น้ะทาง ล โค๊, อ เว๊ ลโต้ลล้อง ดี๊ กแช่ยาเว เมะเว๊ อ กแช่แยว้ นอ แบ, ดี๊ ลี้ นึฆ้าง เช้า ทน๊าม๊า ลู่ง ทลื่งล่าง คู ลู่ง กแช่ยาเว อ เว่งฮ๊าง พ้า
จ กจุ้แฆว้ พี่ โอ ดี๊ อดู้งยางซยื๊งซย้องแอทึ, พี่ อ เอ ทอเกิ้งอแบ-เอ้อ น ไต้ทางต๊างทาง, ทโต้ทล้อง น แม้ ทอเกิ้งอแบ ดี๊ แม้ ทแบกแช่แยว้อซ้ะ ลู่ง ยาคุ้ อ ซุ้
กจุ้แฆว้ ดึ้ เกม๊า เฌงฆ๊าง โอฆู๊งโอพุ้ ดี๊ ท อเกิ้งอแบ แบเด้าะ โพล้ง พี่ ฮะนี่ จี้ทไซ้ะไบ้ะนุ้ แม้ เซงทื่งเฌ๊ฌ้อง เว๊ ล้อ
อ เว๊ ไคล้ซยุ้ไคล้ซย้าง เท่อ อ เว๊ แม้ ทเอิ้งล้าง ดี๊ ท ชูล้างซ้ะ กไบล้ะกแบล ท อเกิ้งอแบ เกทางก้ะ บี่ซุ้ดี๊ นาง อ จืง โอ, พี่ อ เมทาง โพะ เท๊ อ ล่าง ลู่ง ไชะ พ้า
โอ้, น ซื๊งเว๊ ซีง ลแพ, พี่ เปลงไฆวะ ท อเกิ้งอแบ ดี๊ ไย่เละค๊างพะ ทแบกแช่แยว้อซ้ะ
กซี ซยู๊ ลู่ง โล่งคู โบ่? โพล้ง โอ ล แฌ้ๆ, ชี่-อ้า, เจ่ งู้ เท๊ ปางเล ซี ชี่-อ้า? แบเด้าะ น ซื๊งเว๊ ซีง ลแพ, นี่ เปลงไฆวะ ท อเกิ้งอแบ, เกม๊า อ เก ทจืงทแพล่ ดี๊ เปลงไฆวะ ทฌี้ทแอว้ อซูงอแซ, เกม๊า อ แค
