16 โอ ดี๊ คองแซย้ ลปี๊ลคี่, แบเด้าะ โอ ดี๊ ท ดู้งแบยางแบ กแช่ยาเว นอ ฌี้เละ โอ ดี๊ คองแซย้ แอฌี่งแอฌ้อง, แบเด้าะ โอ ดี๊ ท แบคู่แบโฌ้ ปะ
ท ลปี๊ลคี่, พี่ โพล้ง ทแบกแช่แยว้อซ้ะ อ เท่อ โอ นอ, ฌี้ ล โค๊ โพล้งอ้าโพล้งซ๊าง, อ ทกู้งทล๊า โอ แอฌี่งแอฌ้อง
กแช่ยาเว อ ทชูฌี้ นอ, ดึ้ เกม๊า ทโอทช๊อง ดี๊ กแช่แยว้ ล แม้ แอทาง ท เมะมองแน๊อึ้, นึซยอง ดี๊ ทชูฌี้ แบ
โพล้ง พี่ อ น้ะเซิงน้ะซ้ะ อ มื่งนี้ง กุ้นี้ง นอ, ออ้าอซ๊าง ล้อ แบเด้าะ เซิงฆวี๊งซ้ะโย้ นอ, โอ ดี๊ ทลื่งอาง โละซ้ะ ไค๊คื๊ง
เท่อ ลปี๊ลคี่ โอ พ๊าฆ่าง ดี๊ ทแบกแช่แยว้อซ้ะ นอ ฌี้เละ ท นี่แบอางแบ แอฌี่งแอฌ้อง, โอ ดี๊ ท ลเกิ้งลแบ แบ นอ ได้ะ
ทอางทโอ้ ลปี๊ลคี่ โอ ดี๊ ทฆู๊งทพุ้ นอ ฌี้เละ เด้าคูล่างพ้า, พี่ โอฆวี้ ดี๊ ทลื่งอางลื่งโอ้, โอ ดี๊ ทติ้โละไอโละ นอ ได้ะ
โพล้งซยางโพล้งน้ะ พี่ โอม๊า ลู่ง อ ทโต้ทล้อง พ้า นอ ฌี้เละ โพล้ง พี่ โกงกไบล้ะ เท่อ, ลู่ง อ กแช่ อเกล้อพ้า, ฌ้อง ทโอทช๊อง นอ ได้ะ
ทฆ้าทโฆ่ ล ช้องจูง, พี่ นี่แบ-อ้ะ ดี๊ ทซยืงทบ้ะ นอ ฌี้เละ ทฆ้าทโฆ่ คี๊ง ช้องจูง, พี่ นี่แบ-อ้ะ ดี๊ ทไพ้ะทแม้ น้ะ ดี๊ ท ล ล้างเปิ่งล้างเอ้ง แบ
เต้ๆ, นอ, ท ทื๊ง ท นะ เกม๊า โพล้ง อ ท โอ ท ช๊อง, เมะ ลู่ง อ เว๊ เฆว๊ อ ซ้ะ ดี๊ เท่อ พี่ อ กแช่ เว๊ โอ เย้า นอ
