16 โพล้งเซ๊กูเฌ๊ฌ้อง นอ, เนโพลทาง อ ท เอ้งโช่งเอ้งไน๊ ลทีงฆ่าง แบเด้าะ โพล้ง พี่ อรู้งอแซย๊ นอ, ล ควี๊งกูแกยแน่ ดี๊ ทดึ้เดวทื่งแช้ แบ
เมะ เต้ๆ, ล้อ, ทเซิงทางซ้ะไฌ๊ แม้ซี๊ง โพล้ง เซ๊กูเฌ๊ฌ้อง ดี๊ ท ไคว๊เท่อโญ้ง เท่อ นอ, แม้ซี๊ง โพล้ง พี่ อ ทซีงแฌ๊แน่ฌ๊า โอ แซย้
ท แช๊เมะไฌ๊ ซ้ะ นอ, ดึ้ เกทาง ท ติ้โละไอโละ แบเด้าะ ทเอทกวี้ง นอ, แพล่ไฆวะ ท ลือค๊างพะ กุ้เม้ง
โพล้ง พี่ อ ไคล้ ทเมะทโต้ นอ, โล้ เท่อ ลู่ง อโต้อล้อง ล้อ แบเด้าะ พีงญาง กไบล้ะกแบล นอ, ไคล้ ทไคล้ อางโล๊ไละ เท่อ
ทโกงซีมองแบ เปิ่งโอเปิ่งช๊อง, ลู่ง โพล้ง พี่ โอ ดี๊ ทแนซีโน้งซี อ ซ้ะ พ้า ดี๊ ทโกงซีมองแบ เก ท ปล้ะล้าง เติ้งต้าง, ทึเมะ ลู่ง โพล้งเซ๊กูเฌ๊ฌ้อง อ ท ช๊องมอง พ้า เมะฌี้
ทโกงซีมองแบ นอ, เก ที๊ง ทางชุ้ ทม๊า เอะ โพล้ง พี่ เก เว๊ อ กแช่ แบเด้าะ ทเซ๊กูเฌ๊ฌ้อง นอ, เก ท แม้เตาแม้แต๊ เอะ โพล้งเซ๊กูเฌ๊ฌ้อง ล้อ
โพล้ง พี่ แพล่ไฆวะ ท ลือค๊างพะ นอ, เฌา แม้ ทฆู๊งทพุ้ แบเด้าะ โพล้ง พี่ อ เฌา เฆว้ง ทไพ้ะทแม นอ, ม ดึ้ เกม๊า ฌุ้พางเท่งซ้ะ ที่มื่งที่พ้ะ โละซ้ะ ล้อ
โพล้ง พี่ แคแนล้าง อ ซ้ะ ลซีแบ นอ บี่ซุ้ดี๊ เว่ง พี่ อ แบ ทแม้เฌ๊ฌ้อง ดี๊ กางแป ลโอแบ นอ ล้อ
โล่ง นอ ฆ๊า, ดี๊ มิ้ นอ โอ ดี๊ อ ฆ๊า ปะ แบเด้าะ โพล้ง เซ๊กูเฌ๊ฌ้อง อ ท เชิ่งเชะ นอ, อ ฆ๊า น้ะเละ เท่อ คี๊งเม้ง นอ ได้ะ
โพล้ง เซ๊กูเฌ๊ฌ้อง นอ, ทูแพล่ ทาง อ ท ซ้ะทาง เลาพะ แบเด้าะ โพล้ง โอ ดี๊ ทโกงซีมองแบ นอ, โอโก้ง กโช้ ทะ เว๊ ล้อ
ด๊างพื่งวี่ ลู่ง จ เอ-อ้ะ ซีง-เอ้อ, นาง แบ-อ้ะ บี่ อี้ง, กุ้ อ แฌ้ แบ เพล ลู่ง ท ช๊องแน เท่อ, แบเด้าะ แบ โกย้ ลู่ง ท ไคล้ทาง เท่อ, ดี๊ โกย้ ลู่ง ท ซ้ะทาง เท่อ
