10 โพล้งแบกแช่แยว้อซ้ะ นอ, ซ้ะอึ้ อ ทพูแฆ่ อ ทโอม๊า แบเด้าะ โพล้งอ้าโพล้งซ๊าง อ ท ย๊างซ้ะ นอ, เมะเว๊ ทดู้งทลู่
ท เก โพล้ง แด เท่อ, แบเด้าะ โอ ดี๊ ฆ่อง ล แฌ้ แม้ เอะ อ เท่อ นอ นอ ฌี้เละ ทแม้ ดุ้ ซ้ะ ลู่ง อดูอโท๊, แบเด้าะ ทอางทโอ้ ลโอแบ
ท้อง ลู่ง ก ม เฌ๊, ดี๊ ม ลี้ฌ้า น ซื๊ง ซีง ลแพ, ลี้ ลู่ง ที๊งล่างค่างพ้า, พี่ อ บี่ซุ้ดี๊ น กแช่ อ ที๊งล่างค่างพ้า แด เว๊, เมะเว๊ ที๊งล่างค่างพ้า พี่ โอ ดี๊ บืง, ดี๊ ไซ้ะ ซไบ้ะแซ ที๊ง, ที๊งล่างค่างพ้า พี่ โอ ดี๊ กู ดี๊ โซ๊ง ซไบ้ะแซ
กมืง ไคล้ ดี๊-อ้ะ ไจ้ะ เว๊, “แคว๊ โจ้-เอ้อ, น นางโตง อางดุ้ นี่ ที๊ง ล โอ แบ, ที๊ง น่างโบ้ โยะ มะ ล้อ, น ม แม้ นี่ ที๊ง ลู่ง อ ดึ้ เกล๊าง ท ม๊า นอ พี่ จอง เล้
ก พ้ะ แบ โมเซ อ ทอางแม้เลา ไจ้ะ เว๊ “พี่ งู้ ไย่ บืง อ แค๊ นอ, คลึไบ้ะ ทะ อ นุ้ ดี๊ ตโฆะ ล ฌี้”, เมะ กแช่ แยว้ ย๊างเซิง ย๊างซ้ะ แบ ที่ งู้-อ้า
“พี่ งู้ ไย่ล้าง บืง อ แค๊ นอ, แม้นี่ ทโฆะ พลางไบ้ะทะ อ นุ้ ล ฌี้
แบเด้าะ โพล้ง พี่ อ ท โอ ท ช๊อง เมะ แด อ ด๊างพื่งวี่ พี่ อ ซยาง อ ยะ, แบเด้าะ ล ย๊างซ้ะ เว๊ แบ, อ นอ ม ไจ้ะ กแช่ แยว้ อ ท เอ ท กวี้ง โอ อ ซ้ะ พ้า ซี บี่ จะ เล้
อาโดนีเบเซะ ไจ้ะเว๊, “กจุ้แฆว้ โอ เนว๊ ชี๊ง แฌ้ พี่ อ จูงมื่ง ดี๊ อ คางมื่ง เทา, อ ซื๊งเว๊ ฆี๊นี่ก้ะ ทอาง พี่ อ ล้างเทะ ลู่ง จ คะ พ๊างละ, จ แม้ เอะ โพล้ง บี่จะเล้ นอ กแช่แยว้ แม้ เอะ แย้ บี่นอ ล้อ”, อ ซื๊งเว๊ ลี้ฌ้า อาโดนีเบเซ ลี้ ลู่ง เว่ง เยรูซเลง พ้า, ฌ้อง อ เว๊ ซี๊ง โย๊ เว๊ พี่ นอ ล้อ
แบเด้าะ นาฮ้ะ โพล้ง อางโมง, ไคล้ ดี๊ อ ซื๊งเว๊ ไจ้ะเว๊, “จ ม แม้ ทเอิ้งล้าง โละซ้ะ ดี๊ น ซื๊ง บี่อี้ง ซี นอ โอ ล เม้ง ล้อ, เมะเว๊ จ ม ควีทางไฆวะ น ซื๊ง เมะคลี๊ง อ ฆุ้ ล โค๊ กุ้ อ แฌ้, ม๊า เก ทล้าง ฌางแช้ฌางเด ลู่ง โพล้ง อีซลาเอง กุ้ แฌ้ อ แกล้”
