22 กมืง ฌี้ พี่ ล โอ ดี๊ ท ช๊องมองแคว่ที๊ง แบ นอ บี่ซุ้ดี๊ ท๊องคว้าง ลู่ง ทุ้ อ แน๊พู๊ง ล้อง ล้อ
ฌ้อง จ อางจ้ะ-อ้ะ บี่อี้ง, ‘น เก โพล้งเล้ อ พูมืง’, อ เว๊ ไจ้ะเว๊, ‘เก นาโฮ ดี๊ น่าง มีงคา อ พูแคว๊ เบทูเอง อ พูมืง’, ฌ้อง จ ได้ะทาง แน๊ได้ะ ลู่ง อ แน๊ ล้อง, ดี๊ ซุ้ทาง ไท๊ ลู่ง อ จูงเด้ง ล้อง
โพล้งอ้าโพล้งซ๊าง ม แบ ท แม้เตาแม้แต๊ เต้ๆ, ล้อ แบเด้าะ โพล้งแบกแช่แยว้อซ้ะ, ม นี่แบ ท แม้พ้องพลิ้
แม๊ พี่ อฌี้อแอว้ นอ, เก อ แว้ อ คูคล้าง แบเด้าะ แม๊ พี่ แม้แช้แม้เด เท่อ นอ, บี่ซุ้ดี๊ ทอืงทอ้อง ลู่ง แว้ อฆีงอเกว้ พ้า
ท ล้างเอล้างกวี้ง นอ, เก ท อางโล๊ไละ, ดี๊ ท เค่งแบฌ้างฌี้ นอ ลเฌิ่งลค๊า แบ แบเด้าะ โพล้ง มืง พี่ อ ดู้งแบยางแบ กแช่ยาเว นอ, เกิ้ง นี่แบ ทอางปฆ้า
ดี๊ แคว่เซ้อ, กมืง ล แฌ้ เฌ๊ฌูง-อ้ะ ไต้ อ ซ้ะ ด้องซุ้ เค๊เซ๊มืง, ดี๊ โอ ดี๊ อ ซ้ะ แซย๊กไบล้ะ
กมืง เซ๊กูเฌ๊ฌ้อง นอ กุ้ซย้ะ เท่อ เซ๊ ล้างลื่ง อ ท โกงซีมองแบ โอ แซย้, ดี๊ ล ซีงแฌ๊ เท่อ น่างเม้ง แบ
เท่อ พี่ อ เก ทาง อ ซ้ะ ดี๊ อซื๊งเว๊ บี่ อี้ง นอ, บี่ ซุ้ ดี๊ ท ไคล้ คี๊ง ทีง พี่ อ ไจ้ะ เว๊, “ทวีง อาง ล้าง ไท้ เท่อ พี่ อ โคละ ทาง เว๊” ดี๊, “ทุ้ พี่ โพล้ง อางซฌ้ะ ไฆวะ เว๊ อ ล้อง เมาน่าง เย้า นอ, โละ ไท้ กไพ้ะ บี่ อ ล่าง ล้อ”
