12 ท แช๊เมะไฌ๊ ซ้ะ นอ, ดึ้ เกทาง ท ติ้โละไอโละ แบเด้าะ ทเอทกวี้ง นอ, แพล่ไฆวะ ท ลือค๊างพะ กุ้เม้ง
โพล้ง พี่ อ ซ้ะคู่ นอ, ดึ้ เกทาง ท ติ้โละไอโละ แบเด้าะ โพล้ง พี่ ซ้ะทาง โกย้ นอ, แม้ โอโท๊ไฆวะ ท คิ้คุ้ไวะวะ
โพล้งอ้าโพล้งซ๊าง นอ, ช๊องมองเว้ ทแม้อ้าแม้ซ๊าง โพล้ง อ แฌ้แพ ทไคล้ เฌ๊นี่ลู่ง อ นุ้ นอ, บี่ซุ้ดี๊ มีอาง เท่อ นอ ล้อ
โพล้ง พี่ แพล่ไฆวะ ท ลือค๊างพะ นอ, เฌา แม้ ทฆู๊งทพุ้ แบเด้าะ โพล้ง พี่ อ เฌา เฆว้ง ทไพ้ะทแม นอ, ม ดึ้ เกม๊า ฌุ้พางเท่งซ้ะ ที่มื่งที่พ้ะ โละซ้ะ ล้อ
โพล้ง แน่แฌ่ ดึ้ เกทาง ท ติ้โละไอโละ แบเด้าะ โพล้ง พี่ อางกีล้าง อ ซ้ะ ดี๊ กแช่ยาเว นอ, ม เกทางเกโท๊
โพล้ง พี่ อ ซ้ะทาง ชอง นอ, แม้ เกทาง ท ติ้โละไอโละ ดี๊ โพล้ง พี่ อ เอ้งโช่งเอ้งไน๊ นอ, ดึ้ เกม๊า ท กไบล้ะ กแบล โอ แอทาง
เมะเว๊ พี่ ควิ้คว้ะ นู่ง ที๊ง นอ, นี่แบ อซูอไย้ พี่ ชี่ง ไบ้ะ แน๊พู๊ง นอ, นี่แบ ทซวีง ดี๊ พี่ แม้ ซ้ะทาง เท่อ นอ, นี่แบ ทติ้โละไอโละ ล้อ
แบ ท เล้, ท ดึ้ โละ ชาง โละ ดี๊ ท ไอ โละ จุ้ไคล้ โละ ซ้ะ โอ ทาง ลู่ง น ซื๊ง แกล้, เป๊งนี่ ท ซ้ะกวี้ง ล๊องก้อง นอ ล้อ, พี่ อ ดึ้ โละ อ ซ้ะ ลู่ง น ซ้ะ พ้า เมะ-อ้า
เกม๊า อ ซีงแฌ๊ บี่ อี้ง, โพล้ง พี่ อ แม้ช้า แบ โพล้ง ท เด้บ้ะ ล แฌ้ นอ, เกม๊า อ ทุ้พลุ้ ล้า แบ, อ นอ, อ เว๊ แม้ช้า แบ โพล้ง ท เด้บ้ะ ล แฌ้ นอ, ล เกม๊า อ ซี๊ง ล้างชู้ ล้างแกย แบ, ดี๊ กแช่ แยว้ ม แม้ ไฆวะ เอะ อ ท เด้บ้ะ แอ ฌ้อง นอ ล้อ
เท่อ พี่ อ ล้างเปิ่ง ดู นี่ ท กุ้ อ เม้ง นอ, เมะ เว๊ แบ เอ โละ กวี้ง โละ ซ้ะ เต้ๆ, อ ไฌ่ บี่ อี้ง, ท เอ ท กวี้ง นอ ล ทื๊ง นี่ นะ นี่ โพล้ง อ ท ไพ้ะ ท แม แบ
