2 แคว่ แดเทา, ก ม ดึ้ เกม๊า น ปี๊ ลู่ง กเย่ กโพล้ง กุ้ชื้อกุ้ชะ อซุ้อแกล้ เกม๊า น เก ท ดึ้เดว น้ะมะ
กแช่ยาเว ซึ้คู ดูทึชองทึ ช๊องมองเว้ทแม้ บี่ซุ้ ม แม้ไฆวะ ท ทื่งดู ล้างซ้ะ ลู่ง ทฆี๊งทแล้ พ้า เลาพะ ดี๊ บี่ซุ้ ม ดึ้เดวทื่งแช้ โพล้ง โอ ดี๊ อฆี๊งอแล้ กุ้แฌ้, ลู่ง ฌางคูโคล๊งคู
เมะเว๊ อี้งเซ้อ, ก ม ดึ้ เกม๊า น ปี๊ ลู่ง โพล้งกุ้ชื้อกุ้ชะ อซุ้อแกล้ พ้า เกม๊า น เก ท ดึ้เดวทื่งแช้ ลู่ง กโพล้ง อซุ้อแกล้ พ้า
ม เก บ้างมื่ง พี่ อพืออปี๊ ทึ ลู่ง บ้างมื่ง ซีง ลแพ อ แกล้ พ้า, ดี๊ ม โชะทาง อ ซ้ะ โท๊เละ โพล้ง กุ้ชื้อกุ้ชะ ลแพ นอ ล ซี ล้า แบ, ดี๊ ก ม ดึ้ เกม๊า อ ซื๊งเว๊ เก บ้างมื่ง พูปี๊, ท้อง ลู่ง ม โพะคอง โพล้ง กุ้ชื้อกุ้ชะ อ แฌ้แพ ล ซี แบ
ฌ้อง จดีงจแด้ ม แด เว๊ ดี๊ ท ฌางแช้ฌางเด ม จึ้ไบ้ะ-อ้ะ, พี่ อ ไจ้ะ เอะ แย้ บี่อี้ง “กแช่ยาเว น กแช่แยว้ โอ พี่จองเล้?” จ เมะคลี๊ง ม แคว่เจ้ท๊าง-อ้ะ ล พ๊า แย๊ อี้ง นอ, อ เว๊ ม แบ ท ไย่เละค๊างพะ, บี่ซุ้ดี๊ กไพะ ลู่ง เกล้
เอโดง ม ล้างเทะแบ เกก้ะ คองแซย้ เซอี ม ล้างเทะแบ เกก้ะ อดีงอแด้ อคองอแซย้ ปะ แบเด้าะ อีซลาเอง นอ, นี่ ปล้ะล้าง อ ไฌ่ อ แบ้, ลู่ง อชองอไคล๊ นอ เย้า
