เกล้​ท​ซ้ะวี่ง 7:10 - Northern Pwo Karen Thai Bible

¹⁰ ดี๊ กเย่ กดูกแซย่ ลแพ นอ, เทว๊ เท่อ แบฆ้ะ ดี๊ ทอางกีล้าง ทลื่งล่าง, ลู่ง มื่ง นี้ง แม้ ทไฌ่ เท้าไน ทลื่งล่าง นอ, อ ซื๊งเว๊ ล แฌ้ๆ, นอ เฌ๊ เทว๊ อ กแช่ อ ทลื่งทาง นอ ลู่ง ทลื่งล่าง อ เมะแซ พ้า

เกล้​ท​ซ้ะวี่ง 7:10 교차 참조

1​กจุ้แฆว้ 8:63

ซาโลโม เทว๊ ทพูแฆ่ ลแพอี้ง, เทว๊ เว๊ เก ทลื่งทาง แม้ฆู๊งแม้พุ้ เท่อ เอะ กแช่ยาเว, เมะเว๊ งู้ คี๊ง ไซ คี๊ง ม๊า ดื้ง, ดี๊ แกะ ล ล้าง คี๊ง ไซ ดื้ง, กจุ้แฆว้ ดี๊ โพล้ง อีซลาเอง เลาพะ นอ, แม้ ทไฌ่ เทว๊ กแช่แยว้อล่างโอ เอะ กแช่ยาเว บี่อี้ง นอ ล้อ

2ทกวิ้ไน 7:5

กจุ้แฆว้ ดี๊ โพล้งเฌงพูฆ๊างพู เลาพะ นอ, เทว๊ ทพูแฆ่ ลื่งทาง เท่อ, ลู่ง กแช่ยาเว อ เมะแซ พ้า, เก งู้ คี๊ง ไซ คี๊ง ม๊า ดื้ง, ดี๊ แกะ ล ล้าง คี๊ง ไซ ดื้ง, กจุ้แฆว้ ดี๊ โพล้งเฌงพูฆ๊างพู เลาพะ นอ, นี่ แม้ ท ไฌ่ เทว๊ กแช่แยว้อล่างโอ บี่อี้ง ล้อ

2ทกวิ้ไน 7:9

ดี๊ ลู่ง มื่ง โฆะ นี้ง ล นี้ง พ้า นอ, อ ซื๊งเว๊ แพโซง โละอซ้ะ, เมะเว๊ อ ซื๊ง โอ ดี๊ ทแม้, แบฆ้ะ ดี๊ ทเทว๊ ทลื่งล่าง เนว๊ นี้ง, ดี๊ ทื๊ง ทไฌ่ ลื่ง อาง เท่อ เนว๊ นี้ง เย้า

เนฮะมี 12:27

พี่ แม้ ทไฌ่ อางกีล้าง เทว๊ กางแป เยรูซเลง นอ, อ ซื๊งเว๊ อางฆื๊ง โพล้ง เลวี ลู่ง อ ล่างโอ พ้า เฆ้ง กุ้จอง, บี่ซุ้ ม เฌ๊ฌ้า เว๊ ลู่ง เยรูซเลง พ้า, บี่ซุ้ แม้มึอางอวีง เทว๊ เท่อ ดี๊ ทเซิงมึซ้ะมึ, ดี๊ ท ไจ้ะบลึ้ทาง เท่อ, ดี๊ ทซ้ะอวีง แท๊, ดี๊ แชว, ทแน่ พ้ะดู ดี๊ ทแน่พี่โอดี๊อโน้ง

เนฮะมี 12:43

ดี๊ อ ซื๊งเว๊ ลแพ นอ, นี่ เทว๊ ทพูแฆ่ ลื่งทาง พ้ะดู เท่อ ล นี้ง แย๊ นอ, ทซ้ะอวีงซ้ะโทะ เท่อ, เมะเว๊ กแช่แยว้ ดึ้เกม๊า อ ซ้ะอวีงซ้ะโทะ เท่อ, โอ ดี๊ ทเซิงฆวี๊งซ้ะโย้ ดู มะ, กมืง ซีงลแพ ดี๊ พืงแซ ซีง นอ, ซ้ะอวีงซ้ะโทะ เท่อ ปะ, ดี๊ เยรูซเลง อ ทเซิงฆวี๊งซ้ะโย้ นอ, แน่ฌ๊า ลี้ ไย้ มะ ล้อ

ทอางปฆ้า 30:1

จ กแช่ยาเว-เอ้อ, จ ม อางปฆ้า ทาง แน้ เมะเว๊ น ทึ้ทาง แย้ ดี๊ น ล เกม๊า จดีงจแด้ เซิงมึซ้ะมึ ลู่ง จ กย้อง แบ

เกล้​ท​ซ้ะวี่ง 7:1

มื่ง นี้ง พี่ โมเซ ช๊างล้าง เด้กแช่แยว้อล่างโอ ฌ้อง เย้า นอ, อ เว๊ เท้าไน เด้ นอ ดี๊ กเย่ อ ทฆ้าทโฆ่ กุ้เม้ง, ม๊า เว๊ อ เก เท่อ ลู่ง อฌี้อแอว้, ดี๊ เท้าไน ทลื่งล่าง, เลา ดี๊ อฆ้าอโฆ่ กุ้ อ เม้ง ปะ

เกล้​ท​ซ้ะวี่ง 7:11

กแช่ยาเว ไคล้ ดี๊ โมเซ ไจ้ะเว๊, “เกม๊า กดูกแซย่ นอ เฌ๊ เทว๊ อ ทลื่งทาง, แบฆ้ะ ดี๊ ทเทว๊ อางกีล้าง ทลื่งล่าง อ แค๊ นอ นี้ง แฌ้ๆ”

เกล้​ท​ซ้ะวี่ง 7:84

อ อี้ง นอ เก โพล้ง อีซลาเอง อ กดูกแซย่ อ ทเทว๊ ลื่งทาง เท่อ, แบฆ้ะ ดี๊ ทเทว๊ อางกีล้าง ทลื่งล่าง, ลู่ง มื่ง นี้ง แม้ ทไฌ่ เท้าไน ทลื่งล่าง นอ, อ นอ เมะเว๊ เจเล จี้ ชี๊ง คี๊ง เบง, พ้าที๊ง จี้ พ้ะดู ชี๊ง คี๊ง เบง, โท๊กีง พู ท๊อง ชี๊ง คี๊ง เบง

เกล้​ท​ซ้ะวี่ง 7:88

ทพูแฆ่ เลาพะ, พี่ เจ่ เว๊, เก ทลื่งทาง แม้ฆู๊งแม้พุ้ เท่อ นอ, โอ เว๊ แด งู้ แพ๊ คี๊ง ชี๊ง ลี่ง ดื้ง, แกะ แพ๊ ฆู๊ง ชี๊ง ดื้ง, แมะ แพ๊ ฆู๊ง ชี๊ง ดื้ง, ดี๊ แกะ แพ๊ พู อ โญะ โอ ล เนง นอ ฆู๊ง ชี๊ง ดื้ง, ทลแพ อี้ง นอ เก ทเทว๊ ลื่งทาง เท่อ, แบฆ้ะ ดี๊ ทเทว๊ อางกีล้าง ทลื่งล่าง, พี่ ทลื่งล่าง แบ ทเท้าไน-อ้ะ ฌ้อง เย้า

โล้​ล้างที๊ง​ทอางแม้เลา 20:5

ฌ้อง ซึ้คู ซีง ลแพ, ม ไคล้ ดี๊ โพล้งเฌงพูฆ๊างพู บี่อี้ง, ‘โพล้ง เล้ พี่ ไต้ทาง อ เด้า ซ๊าง, ดี๊ ล นี่ แม้ ทไฌ่ เทว๊ เด้า ได้ะ แบ นอ, เกม๊า โพล้ง ล แฌ้ นอ, ไท้ไท้ ลู่ง อ เด้า, ไค๊ไก้ะ อ เว๊ ม ซี๊ง ลู่ง ทดึ้ทชาง พ้า, ดี๊ โพล้ง อ แฌ้แพ ม เทว๊ก้ะ เด้า นอ ล้อ