เกล้​ท​ซ้ะวี่ง 6:18 - Northern Pwo Karen Thai Bible

¹⁸ ฌ้อง โพล้ง เก นาซี ม โล้งไฆวะ อ คู พี่ อ อืงล้าง เว้ อ ซ้ะ เย้า นอ ลู่ง เด้ทโอซยองอล่าง อ เกล้ ป้ะตู๊งไท้ะ, ดี๊ ม แม้นี่ อ คูซู๊ง พี่ อ อืงล้าง เว้ เว๊ นอ ลี้ เช้าพล้าง เว๊ มี อ้า พ้า, พี่ อ โอ ทลื่งทาง แม้ฆู๊งแม้พุ้ เท่อ อ เช๊ละ นอ

เกล้​ท​ซ้ะวี่ง 6:18 교차 참조

เกล้​ท​ซ้ะวี่ง 6:17

ท่องอช๊าง นอ, โพล้งลื่งเท่ออคู ม เทว๊ แกะ แพ๊ เก ทลื่งทาง แม้ฆู๊งแม้พุ้ เท่อ เอะ กแช่ยาเว ล พ๊า ฆ่าง ดี๊ กู พี่ ล แบ ดี๊ อ ซีง แบ, พี่ อ โอ ด้างเพะ พ้า นอ, เลา ดี๊ ทลื่งทาง เทว๊ ทซูงทแซ พี่ อ กู่ง โละซ้ะ ดี๊ ทโอ้ ลื่งทาง เท่อ นอ ปะ

เกล้​ท​ซ้ะวี่ง 6:5

ลู่ง อช๊าอโท่ พี่ ล ว๊าง แย๊ อ เว๊ อืงล้าง อ ซ้ะ เก โพล้ง นาซี นอ, เกม๊า อ โล้งไฆวะ อ คู ล ฌี้, อ เว๊ แบ ฌี้ แบ แอว้ ท้อง ลู่ง อช๊าอโท่ พี่ โอเจไฆวะ เทว๊ล้าง อ ซ้ะ ดี๊ กแช่ยาเว นอ ม ชิ้ทาง, ดี๊ อ เว๊ แบ อางกี อ คูซู๊ง พ้ะ โท๊

เกล้​ท​ซ้ะวี่ง 6:9

“ดี๊ โพล้ง เมะ เฌ๊ ซี๊ง เบ้า ลู่ง อ ฌ๊างไท้ะ ล ทีง ฆ่าง นอ, อ เว๊ อ คู พี่ อางกี ฌี้ เว๊ เกม๊า อฌี้อแอว้ นอ เกทาง ทแบอ้า ล้อ, อ เว๊ แบ ไร้ะ โต้งโล้งไฆวะ อ คู ลู่ง ล นี้ง แย๊ พี่ อ แม้เช๊ง แม้เกล้ง ล้าง อ ซ้ะ นอ, เมะเว๊ มื่ง เนว๊ นี้ง ล นี้ง นอ, อ เว๊ แบ ไร้ะ โต้งโล้ง อ คู

ลูกา 17:10

น ซื๊ง ซีง ปะ, พี่ น แม้ เท่อ ลู่ง อ เกิ้ง แม้ เลา กุ้ อ เม้ง เย้า นอ ไจ้ะ-อ้ะ บี่ อี้ง, ‘ก เก ฆวี๊ ท อ เพล่ นอ ท ล เกิ้ง ไจ้ะ บลึ้ เฆ้อ แบ, ก แม้ ฆวี๊ ก ท ไพ้ะ ท แม้ นอ ล้อ’, ”

ท​แม้ 18:18

เปาโล โอก้ะ ดี๊ ด๊างพื่งวี่ ลู่ง เว่ง โคเรง พ้า แอ นี้ง แอ ซ๊าง ได้ะ, ฌ้อง ไจ แด อซื๊งเว๊, ลี้ ท้อง เฌง เคงครียา, พี่ พ นอ อ เว๊ โล้ง อ คู บี่ ซุ้ อ เอิ้งล้าง เว้ อ ซ้ะ เย้า, ฌ้อง ทาง กบ้าง ที๊ง คู ดี๊ น่าง ปรีซาคา ดี๊ อาคีลา, ลี้ ลู่ง ซีเรีย อ ค่าง ไวะ

ท​แม้ 21:23

ก ช๊องมอง น แบ แม้ บี่ อี้ง, กแคว๊ โอ พี่ อี้ง ลี่ง แฌ้ เอิ้งล้าง อ ซ้ะ ดี๊ กแช่ แยว้ เย้า

ท​แม้ 21:24

เกม๊า น ลี้ แม้ ท ไฌ่ แม้ เช๊ง แม้ เกล้ง ล้าง ซ้ะ ดี๊-อ้ะ, ดี๊ ทึ้ ทาง จี้ ลู่ง อซื๊งเว๊ อ ฌ่าง บี่ ซุ้ อซื๊งเว๊ซีง ม โล้ง ไฆวะ อ คู ซี, ฌ้อง โพล้ง กุ้ อ แฌ้ ม ซีงแฌ๊ โย๊ เว๊ พี่ อ แน่ฌ๊า เว๊ น ซอง เท่อ บี่ นอๆ, ล เมะ ท อ ที๊ง อ โต้ แบ, แบเด้าะ ทอางแม้เลา พี่ โมเซ กวิ้ ล้าง เว๊ นอ แน้ น ทื๊ง-อ้ะ ดี๊ แม้ โพะ อ ไค๊ ปะ

ท​แม้ 21:26

ท บี่ นอ, ล นี้ง เด้าะ เปาโล ลี้ ฌ้า กแคว๊ ลี่ง แฌ้ นอ, แม้ ท ไฌ่ แม้ เช๊ง แม้ เกล้ง ล้าง ซ้ะ ดี๊-อ้ะ, ฌ้อง ลี้ ฌ้า เว๊ ลู่ง เว่งฮ๊าง พ้า, โล้ เอะ โพลง ลื่ง เท่อ อ คู แบฆ้ะ ดี๊ มื่ง นี้ง มื่ง ซ๊าง ลู่ง ท ไฌ่ แม้ เช๊ง แม้ เกล้ง ล้าง ซ้ะ อี้ง ม ชิ้เทา, ดี๊ พี่ ล นี้ง เล้ ม เฌ๊ ลื่ง ทาง เท่อ ลู่ง อซื๊งเว๊ อ ฌ่าง

เอเฟโซ 1:6

เกิ้ง ก ม อางปฆ้า ทาง กแช่ แยว้ อ โก้ง อ โบ้ง อ บลึ้ อ บลาง ลู่ง อ ฌี้ เต้ๆ, ดี๊ อางปฆ้า ทาง กแช่ แยว้ พี่ อ ซ้ะ โพล๊ เกล๊าง เอะ ก เท่อ โปล้ๆ, ลู่ง อ พูแคว๊ พี่ อ เอ เว๊ ฌี้ ทึ นอ อ ท ไพ้ะ ท แม้ อ กย้อง