12 อซื๊งเว๊ ทางแซย่ ดี๊ โพล้ง มานาเซ อ ชื้อ, โยซิ้ อ พู, ดี๊ อคองอแซย้ นอ โอ ลู่ง อ พู๊ง อ ชื้อ ลู่ง แย๊ ล ดองๆ, อ พ้า ได้ะ นอ ล้อ
ดี๊ กเย่ เซโลเฟฮะ อ พูมืง, เมะเว๊ มาลา, ทีราซา, โฮะลา, มีงคา, ดี๊ นูอา นอ, ทางแซย่ ดี๊ กเย่ อ ม้าง อ พูแคว๊ ซีงลแพ นอ ล้อ
ทลแพ อี้ง นอ, เก ทอางแม้เลา, ดี๊ ทอางกีล้าง พี่ กแช่ยาเว อางแบเลา โพล้ง อีซลาเอง, เฌ๊นี่ ดี๊ โมเซ ลู่ง ทแด้คู โมอา, ลู่ง ที๊ง โจเด้ง กล้อง พ้าไท้ะ, พี่ โอ กแท้ โละซ้ะ ดี๊ เว่ง เยรีโค นอ ล้อ
อ อี้ง นอ เก เท่อ พี่ กแช่ยาเว อางแบเลา แบฆ้ะ ดี๊ เซโลเฟฮะ อ พูมืง, พี่ อ ไจ้ะเว๊, ‘เกม๊า กมืงซีง นอ ทางแซย่ ดี๊ โพล้ง แฌ้ ฌี้ๆ, พี่ แบ อ ซ้ะ, แบเด้าะ อ เว๊ แบ ทางแซย่ ดี๊ โพล้ง ลู่ง อ พี๊ง อ พู๊ง ลู่ง แย๊ อ ชื้อ ล ดองๆ อ แกล้ นอ ล้อ
โพล้ง โยซิ้ อ ชื้อ ไคล้ ดี๊ โยชูวา ไจ้ะเว๊, “แบทเล้, คองแซย้ พี่ อ ล้างเทะแบ เก ก เว๊ ลู่ง ทพอง ไละพู อ กย้อง นอ, น เกล๊าง เอะ เฆ้อ ล โทะ เฆาะ?, เมะเว๊ เฆ้อ ล มู๊ง อี้ง นอ ก โอ แอ เต้ๆ, อ ไฌ่ บี่อี้ง กแช่ยาเว ชูฌี้ แบ เฆ้อ ท้อง ค๊องเนงอี้ง”
