เนฮะมี 9:35 - Northern Pwo Karen Thai Bible

³⁵ เป๊งนี่ อ ซื๊งเว๊ ล นี่ แม้ เอะ กแช่แยว้ อ เท่อ ลู่ง อ มื่ง อ บ้าง พ้า แบ, ทึเมะ กแช่แยว้ อบลึ้อบลาง ดู, กแช่แยว้ เกล๊าง เอะ-อ้ะ, ดี๊ ที๊งล่างค่างพ้า พ้ะดู พี่ อ กู้ง อ ล๊า นอ, กแช่แยว้ เกล๊าง เอะ-อ้ะ, แบเด้าะ อ เว๊ ล แกยไฆวะ อ ซ้ะ ดี๊ อ ทอ้าทซ๊าง แบ

เนฮะมี 9:35 교차 참조

เนฮะมี 9:25

ดี๊ อ เว๊ นึฆ้าง ยึนี่ ก้ะ เว่ง พี่ โอ ดี๊ ทล่างคุ้แคว่ เท่อ, ดี๊ ที๊งล่างค่างพ้า พี่ อโอกู้งโอล๊า, ดี๊ แม้นี่ก้ะ เด้าล่าง พี่ โอ ฆวี้ ดี๊ ทอฌี้ กุ้เม้ง นอ เก อ เท่อ, เลา ดี๊ ทล่าง เด้าทะ ที๊ง พี่ แพล้ นี่ เว๊, โซ๊ง ซไบ้ะแซ, โซ๊ง ไพ, ดี๊ เซง พี่ อ แซ โอ นอ แอฌี่งแอฌ้อง, อ เว๊ อาง แบ เท่อ บลิ้อาง บลิ้โอ้ ล๊าๆ, ฆวี้ๆ, ดี๊ ซ้ะอวีงซ้ะโทะ ลู่ง กแช่แยว้ อบลึ้อบลาง ดู ทึ พ้า นอ ล้อ

เนฮะมี 9:34

กเย่ กจุ้แฆว้, กดูกแซย่, โพล้งลื่งเท่ออคู ดี๊ กพี๊งกพู๊งลู่งแย๊ อู้ง นอ, ล นี่ แฌแซกต้าง กแช่แยว้ อ ทอางแม้เลา แบ, ล ชู่ง กแช่แยว้ อ ทซองทซ๊าง ดี๊ กแช่แยว้ อลู่งอแท๊, พี่ กแช่แยว้ โล้ ซีงแฌ๊-อ้ะ นอ แบ

อีซยา 63:7

จ ม โล้ เท่อ, เกม๊า ช๊องมอง แบ กแช่ยาเว อ ทเอทกวี้ง พี่ อเฌิ่งอค๊า ดี๊ กแช่ยาเว อ ทไพ้ะทแม้ พี่ ล้าง อางปฆ้า ทาง บี่ซุ้ดี๊ ท กุ้เม้ง พี่ กแช่ยาเว เกล๊าง เอะ ก ซื๊งเว๊ ดี๊ บี่ซุ้ดี๊ ท อ ฌี้ ดูทึโท๊ทึ, พี่ โอ ดี๊ อีซลาเอง อชื้ออชะ พี่ กแช่แยว้ เกล๊าง เว๊, บี่ซุ้ดี๊ อ ท ย๊างเซิงย๊างซ้ะ ดี๊ บี่ซุ้ดี๊ กแช่แยว้ อ ทเอทกวี้ง พี่ อล๊าอฆวี้

เยเรมี 5:19

ดี๊ พี่ น ซื๊ง ไจ้ะ บี่อี้ง, ‘ แบทเล้, กแช่ยาเว, ก กแช่แยว้, แม้ ท ลแพ อี้ง เอะ เฆ้อ?’, เกม๊า น โล้ เอะ-อ้ะ บี่อี้ง, ‘เป๊งนี่ น ญ๊องไฆวะ เฆ้อ, ลี้ โบงทางแบ้ทาง โพล้ง ล ค่าง แด อ ท กโช้งกแช่, ลู่ง น ที๊งล่างค่างพ้า, อกย้องบี่นอ, น ม แบ ลี้ แม้ เอะ โพล้ง ล ค่าง แด อ เท่อ, ลู่ง ที๊งล่างค่างพ้า พี่ ล เมะ น เท่อ แบ’, ”

เอเซเคียง 5:6

แบเด้าะ เยรูซเลง นี่ กไบล้ะกแบล แบ ก ทอางกีล้าง ลู่ง ออ้าอซ๊าง, อ้า น้ะเละ โพล้ง ลู่ง ค่าง พ้า อ แฌ้แพ นอ ได้ะ, ดี๊ กไบล้ะ แบ ก ท อเค้อะอต้าง น้ะเละ ค่าง พี่ อ โอ วะชวะ นอ ได้ะ, เมะเว๊ แด อ ซื๊งเว๊ ซม๊า ก ทอางกีล้าง, ดี๊ ล แม้โพะ ก ท อเค้อะอต้าง อ ไค๊ แบ

โล้​ล้างที๊ง​ทอางแม้เลา 28:47

“เมะเว๊ น ล นี่ แม้ เอะ กแช่ยาเว น กแช่แยว้ อ เท่อ, ดี๊ ท เซิงมึซ้ะมึ, ดี๊ ทเซิงฆวี๊งซ้ะโย้ แบ, เป๊งนี่ น ทโอทช๊อง กู้ง กุ้เม้ง เย้า

โล้​ล้างที๊ง​ทอางแม้เลา 28:48

อกย้องบี่นอ, น แบ แม้ เอะ นดีงนแด้ อ เท่อ, พี่ กแช่ยาเว ม เจ่ เว๊ เกม๊า อ เฌ๊ ดึ้ แน้, ดี๊ ท ซู๊อางซู๊โอ้ ซ้ะ เท่อ, ท โอ โบลงโอโช้ง, ดี๊ ทไว้ะทว๊าง กุ้ เม้ง, ดี๊ กแช่แยว้ ม อางกีล้าง แอะ ท้ะ ลู่ง น โคะบ้อง ล้อง, ท้อง ลู่ง อ เว๊ ม แม้ ซี๊งทู่งอูงเล้งไฆวะ แน้ เลา เกล้งเน้ง นอ ล้อ

โล้​ล้างที๊ง​ทอางแม้เลา 31:21

ดี๊ พี่ อ เว๊ ต้องนอง ทอ้าทซ๊าง, ดี๊ ทน้ะทโน๊ง แอฌ้อง เย้า นอ, แท๊ซ้ะอวีง ล โพลง อี้ง, ม เก พีงญาง ลู่ง อ เมะแซ พ้า, (เมะเว๊ แท๊ อี้ง ม บึ้เบง อ พู อ ลี้ง อ นุ้, ล ซีงแฌ๊ ซ้ะนาง แบ), เมะเว๊ ก ซีงแฌ๊ แบฆ้ะ ดี๊ อ ท ช๊องมอง, พี่ อ ม แม้ เว๊, ลู่ง ก ล ลี้ นึฆ้าง ฌ้า-อ้ะ ที๊งล่างค่างพ้า, พี่ ก อืงล้าง เว้-อ้ะ นอ ได้ะ แบ เย้า