เนฮะมี 10:35 - Northern Pwo Karen Thai Bible

³⁵ ก อืงล้าง เว้ ก ซ้ะ, พี่ ม เฌ๊โชะ ทซูงทแซ อ ต้องคู ล ว๊าง ลู่ง ก ฌางคู ล่าง พ้า, ดี๊ เซง กุ้เม้ง อซูงอแซ อ ต้องคู กุ้ อ เนง, เฌ๊โชะ ลู่ง กแช่ยาเวอล่างโอ พ้า

เนฮะมี 10:35 교차 참조

เนฮะมี 13:31

จ อางกีล้างนี่ เอะ-อ้ะ, เกม๊า อ อางฆื๊ง นี่ เซงมื่ง เทว๊ เท่อ, ต๊าง ทช๊าทโท่ อางกีล้าง เว้ เว๊ นอ, ดี๊ ลู่ง ทซูงทแซ อ ต้องคู ล ว๊าง อ ฌ่าง ปะ, จ กแช่แยว้-เอ้อ, เกม๊าเต้ น นางแบทางไท้ แย้, เกม๊า เกทาง อซูงอแซ ลู่ง อ ฌี้ ไช้ะ

ทไจทางไฆวะ 23:19

“ทซูงทแซ ลู่ง อ ฌี้ ทึ, พี่ น ดิ้นี่-อ้ะ ลู่ง น ฌางคู ล่าง พ้า อ วี่งคู ล พ๊า นอ, น แบ เฌ๊ เทว๊-อ้ะ ลู่ง กแช่ยาเว น กแช่แยว้อล่างโอ พ้า นอ ล้อ “อางฆวี่ง แมะ พู ดี๊ อ มื้งแซย่ อ นู่ง ที๊ง ล ฌี้

ทไจทางไฆวะ 34:26

เกม๊า น แม้นี่ ทซูงทแซ พี่ อ แซทาง วี่ง ลู่ง อ ฌี้ ทึ, พี่ น นี่ แบ-อ้ะ ลู่ง น ฌางคู ล่าง พ้า นอ, เฌ๊ เทว๊-อ้ะ ลู่ง กแช่ยาเว น กแช่แยว้อล่างโอ พ้า นอ อางฆวี่ง แมะ พู อ แย ดี๊ อ มื้งแซย่ อ นู่ง ที๊ง ล ฌี้”

เอเซเคียง 44:30

ดี๊ ทซูงทแซ กุ้เม้งกุ้มยู๊ อ แซ ต้องคู ลู่ง อ ฌี้ ทึ, ดี๊ ท เทว๊ กุ้เม้ง พี่ เฌ๊นี่ ลู่ง น ซื๊ง อ ท เทว๊ เลาพะ นอ, ม เก โพล้งลื่งเท่ออคู ลแพ นอ อ เท่อ, น ฌื๊งไน้ะ ลู่ง อ ฌี้ ทึ นอ, เกม๊า น อางกีล้าง เอะ โพล้งลื่งเท่ออคู, บี่ซุ้ ทชูฌี้ ม โอ ลู่ง น เด้าคูล่างพ้า ล้อ

เลวี​อ​ไฌ่ 6:5

เมะ แบ โค๊, ท เม้งฌี้ๆ, พี่ อ เว๊ นี่ ชูล้าง กไบล้ะกแบล อ ซ้ะฌี้ นอ, เกม๊า อ เว๊ เกม๊า ไท้ ฆวี๊ซุ้ดี๊ อแออแซย้ นอ, ดี๊ เย่ โป้ง นอ, เกม๊า แอทางไท้ ล โป้ง, ดี๊ อางกีล้าง เอะ อ กแช่ นอ, ลู่ง มื่งนี้ง พี่ อ เว๊ เทว๊ ทลื่งทางแพล่ไฆวะทไพ้ะทแม นอ ล้อ

เลวี​อ​ไฌ่ 6:6

เกม๊า โพล้ง ล แฌ้ นอ, แม้นี่ แกะ แพ๊ ลู่ง อ ฌี้ ทึ, ลู่ง อ ฌุ้พาง น๊างมู๊ง พ้า, เก ทลื่งทางแพล่ไฆวะทไพ้ะทแม, เทว๊ เอะ กแช่ยาเว, เฌ๊ อางกีล้าง เอะ โพล้งลื่งเท่ออคู, เมะ แบ โค๊, แม้นี่ จี้ พี่ อ ฆวี้ โอ ที๊ซุ้ดี๊ แกะ แพ๊ อ ฆวี้, บี่ซุ้ดี๊ ท กุ้ เว๊ อ ฆวี้ นอ, บี่ซุ้ เก ท แพล่ไฆวะ ทไพ้ะทแม อ ฆวี้

เกล้​ท​ซ้ะวี่ง 18:12

ทซู พี่ อ ฌี้ ทึ เลาพะ, ไซ้ะ ซไบ้ะ แซ ที๊ง พี่ อ ฌี้ ทึ, ดี๊ ทคลี๊งทโพ๊ เลาพะ, ดี๊ ทซูงทแซ อ วี่งคู ล ว๊าง, พี่ โพล้ง กุ้ แฌ้ เทว๊ เอะ กแช่ยาเว นอ จ เกล๊าง เอะ แน้ ล้อ

เกล้​ท​ซ้ะวี่ง 18:2

ล ก้ะ ได้ะ แบ นอ, เกม๊า น พื่ง น วี่, เมะเว๊ เลวี อ ชื้อ, พี่ อ เก น แพ่ อ ชื้อ นอ เฌ๊ฆ้าง, บี่ซุ้ อซื๊งเว๊ซีง ม โอซยอง ดี๊ แน้, ดี๊ แม้ช้า แน้, พี่ แน้ ดี๊ กเย่ น พู แม้ เท่อ โอ ลู่ง เด้ทล่างแม้ไนทอืงล้าง อ เมะแซ พ้า อ แค๊ นอ

โล้​ล้างที๊ง​ทอางแม้เลา 26:2

เกม๊า น แม้นี่ ฌางคู เลาพะ อซูงอแซ, พี่ น เก้านี่ ฆี๊นี่-อ้ะ ลู่ง น ที๊งล่างค่างพ้า, พี่ กแช่ยาเว น กแช่แยว้ เกล๊าง เอะ แน้ นอ, เกม๊า น แม้นี่ ทซูงทแซ นอ, ชวี๊งล้าง-อ้ะ ด้างเพะ พ้า, ลี้ โชะ ลู่ง ทล่าง พี่ กแช่ยาเว น กแช่แยว้ อางลึนี่ เว๊, บี่ซุ้ เกม๊า อเม้งอแซ โอ พี่ นอ