8 น ฌี้เละ เว่ง เทเบ้ะ ได้ะ พี่ ช๊างล้าง โอ ลู่ง ที๊งไน กล้อง พ้าไท้ะ นอ โบ่? พี่ โอ ดี๊ ที๊ง วะ เว่ง โอ ดี๊ ปางเล เก ทล่าง โอกดื้ง โอ ดี๊ ที๊งกล้อง เก เว่ง อ กางแป
ฟาโร กจุ้แฆว้ ลู่ง อีไย้ะ, ดี๊ กเย่ กดูก แซย่, ดี๊ ท อคูอแน่, ดี๊ อ โพล้ง เฌงพูฆ๊างพู นอ
กเย่ โพล้ง กุ้ชื้อกุ้ชะ แน่ฌ๊า แบฆ้ะ ดี๊ น ท ฌางแช้ ดี๊ ฌางคูโคล๊งคู นอ, โอ ฆวี้ ดี๊ น ท ฌางล้างย้าล้าง เมะเว๊ ซึ้พู แบท้า โละซ้ะ อ ซื๊งเว๊ ล้างเทะเค้า ซกุ้ น๊างกู่ง ล้อ”
ม เก บ้างมื่ง พี่ อพืออปี๊ ทึ ลู่ง บ้างมื่ง ซีง ลแพ อ แกล้ พ้า, ดี๊ ม โชะทาง อ ซ้ะ โท๊เละ โพล้ง กุ้ชื้อกุ้ชะ ลแพ นอ ล ซี ล้า แบ, ดี๊ ก ม ดึ้ เกม๊า อ ซื๊งเว๊ เก บ้างมื่ง พูปี๊, ท้อง ลู่ง ม โพะคอง โพล้ง กุ้ชื้อกุ้ชะ อ แฌ้แพ ล ซี แบ
เกม๊า น ลี้ ลู่ง เว่ง คางเน, ดี๊ แคว่-อ้ะ แดเทา โอนี่ พี่ นอ, ลี้ ลู่ง ฮามา เว่ง พ้ะดู ฌ้อง ลี้ ล้าง ลู่ง โพล้ง ฟีลีเตีย อ เว่ง กะทา น เว่ง ฌี้เละ บ้างมื่ง ลแพ อี้ง-อ้า? เว่ง ล แพ นอ อ ช๊า เล่ เละ น เว่ง อ ช๊า-อ้า?
