3 ซึ้พู กซี ลี้ฆ้าง ดึ้ เท่อ น้ะ โฌ่งค้ะ, ดี๊ พ้าง โฌ่งกลี โพล้ง แบ ท แม้ซี๊ง แอฌี่งแอฌ้อง ทจู อ โป้ง พ้ะดู โพล้ง อเค่งอฌ้าง ซี๊ง แอฌี่งแอฌ้อง ลทึลจุ้ แบ อ ซื๊งเว๊ ม แบท้า เค่งฌ้าง ลแพ นอ
กแช่แยว้ โฌ๊ไจทางไฆวะ โพล้ง แคว๊ นอ, ดี๊ ต๊างทาง เครุ้ ลแพ นอ ลู่ง โซ๊ง เอเดง อ มื่งทาง ล โค๊, ช๊างล้าง น้ะ มี ล เบง, พี่ อ ไร้ะ ซี, โอคุ้ทะ เกล้ พี่ ม ลี้ ฆ้าง ฌูง เซง ทม๊า นอ ล้อ
ดี๊ โอก้ะ ลู่ง ไค๊ ล แน้ แย๊ นอ, กแช่ยาเว อ ทมุ้คูพู ไจทาง, ดี๊ แม้ซี๊ง โพล้ง อะซีเรีย ลู่ง ทล่างโอซยอง พ้า นอ, ล ล้าง โฆะ ไซ เย่ ม๊า แฌ้, ดี๊ ท่อง โพล้ง เฌ้เทิงทาง ลู่ง โฌ้ ล คึ นอ, แคว่เซ้อ, โพล้ง ลแพ อี้ง เกทางก้ะ ทจู เลาพะ
อ โพล้ง พี่ แบ ท แม้ซี๊ง ลแพ นอ, ม แบ ท เว่งว๊าง ไจทาง ดี๊ กลื่ง น๊าอืง เฌ๊นี่ ดี๊ อ ซื๊งเว๊ อ จู นอ, ม น๊าอืงน๊าอ้อง อ ซื๊งเว๊ อซวีงอเซ๊ง ม แยว้ล้าง แบ ทลู่ง ลแพ นอ ล้อ
กแช่ยาเว อ เพล่ มุ้คู พู ไจทาง, ดี๊ แม้ซี๊ง โพล้ง ลู่ง อะซีเรีย อ ล่าง โอซยอง พ้า, ล ล้าง โฆะไซ เย่ม๊า แฌ้, ดี๊ ท้อง อช๊าอโท่ ลู่ง โฌ้ ล้างคึ, ท่อง โพล้ง นางทาง อ ซ้ะ นอ, แคว่เซ้อ, อ ซื๊งเว๊ ลแพ นอ, เกทางก้ะ ทจู เลาพะ
เมะเว๊ กแช่ยาเว ม ต้ะเซ๊ง เท่อ ดี๊ มี เลา ดี๊ อ น้ะ ลู่ง กโพล้ง กุ้แฌ้ อ เช๊คู ดี๊ โพล้ง พี่ กแช่ยาเว แม้ซี๊ง เว๊ นอ, ม โอ แอฌี่งแอฌ้อง ล้อ
น ม ล้างเทะเค้า ลู่ง อีซลาเอง อ ทลู่ง คู ลแพ นอ, เลา ดี๊ แน้, ดี๊ น ซึ้พูมู๊ง เลาพะ, ดี๊ โพล้ง กุ้ชื้อกุ้ชะ พี่ โอ ดี๊ แน้ ลแพ นอ, ก ม อางกีล้าง แน้, เกม๊า เก ไละ กุ้เม้งกุ้มยู๊ อ แชอาง, เกม๊า เก ทพูแฆ่ เม้ง ลู่ง ไชะคูแน้พ้า อ ทอาง
อ ซื๊งเว๊ ม แบท้า ตือแบ โละอซ้ะ, บี่ซุ้ดี๊ โพล้ง ไจคุ้ซูงไฆวะ น้ะ, พี่ โพล้ง ล โอ เฌ๊ช่อง-อ้ะ น่างแฌ้ แบ นอ ล้อ, ดี๊ อ ซื๊งเว๊ อไฌ่อแบ้ ด้างทะ อดีงอแด้ ล โอ แบ
เลาะ ดึ้ซึ้ ลี้ฆ้าง ลู่ง เกล้, ด้องซุ้ อพลื่งอมวี๊ง อ ลี้ๆ, ไท้ๆ, ลู่ง เว่ง คว้าง พ้า แคว่-อ้ะ ด้องซุ้ โซย๊เค้ ดี๊ ลี้ซยุ้ ด้องซุ้ ล๊างแว่ได้ะ
มื่ง ดี๊ แล้ โอโท๊ เฌิ่งเพิ่ง ลู่ง ทล่าง พ้ะโท๊ พี่ กแช่แยว้ อ คลีงแช ซีง ลแพ พ้าง ลี้ซยุ้ แพ๊ฆ้าง พี่ กแช่แยว้ อ พ้าง โฌ่งค้ะ ลี้ ซยุ้ ฆ้าง นอ
