12 น ทล่าง ทุ้กดื้งซ้ะ กุ้จอง นอ, ม เก บี่ซุ้ดี๊ กูงเย้ มื่งเทิง พี่ โอ ดี๊ อ แซ เม๊ง ต้องคู ล ว๊าง พี่ อ แบ ท ทูตรื้ง นอ ม ล้างเทะ ลู่ง โพล้ง อาง เว๊ อ นุ้ พ้า
ดี๊ อ ทโพ๊ ลู่ง อฌี้อแอว้ ดี๊ อฆี๊งอแล้ พี่ อ ดี้งล้างไฆวะ พี่ โอ ทลู่ง อ จ้องคู ลู่ง ทแด้ พ้า พี่ อกู้งอล๊า ม เก บี่ซุ้ดี๊ กูงเย้ เม๊ง อ ต้องคู ล คลึ้ ท้อง ทคู่แค๊ แบ พี่ โพล้ง แด เว๊ นอ, อางไฆวะ เว๊ ลทีงฆ่าง พี่ อ แซ เฌ๊ท้อง อ จูง นอ
ด้างเพะ ล เบง กูงเย้ ลู่ง ฌี้ ทึ โอ เว๊ อ พ้า, บี่ซุ้ดี๊ กูงเย้ เม๊ง อ ต้องคู ล ว๊าง, แบเด้าะ ด้างเพะ ล เบง ได้ะ นอ, กูงเย้- ล ฌี้ แบ น้ะ ทึ โอ เว๊ อ พ้า, ล ฌี้ แบ น้ะ ท๊อง อาง-อ้ะ ล ซี แบ
อ เว๊ ไคล้ ไฌ๊ซ้ะ กจุ้แฆว้ ลแพ นอ กเย่ ท อคูอแน่ ลแพ นอ, ม เก อ ท ล้างนี่ง อ เว๊ นี่งแบพะแล้ ทล่างทุ้กดื้งซ้ะ กุ้จอง ดี๊ อ เว๊ แม้ พลุ้นุ้ ทาง ฌางคู, บี่ซุ้ ม เชาเช๊ง เว๊
แซย ซีง ลู่ง มุ้คู นอ ล้างเทะ ลู่ง ฌางคู คู, บี่ ซุ้ ดี๊ เซง กูงเย้ พี่ ลี้ง พ้ะดู อูง แบ-อ้ะ, ฌ้อง อ แซ พี่ ล คลึ้ เม๊ง ได้ะ แบ นอ ล้างเทะ ไฆวะ เลา ปะ
