29 พี่ อ แซ แซย่ ทาง โฌ้ ทาง เย้า นอ, อ เว๊ นอ โชะ ทาง ท้ะเฌะ, ปชื่ง ลี้ เก้า เว๊ แด ล ทีง ฆ่าง, เมะ เว๊ ท้อง อ มื่ง แบ เก้า เย้า นอ ล้อ”
น ม เฌ๊ ท้อง น แซวคู พ้า, ลู่ง น ซ้ะแซย่กิ้ อ แค๊ โฆะ ด้องซุ้ บืงโด พี่ เฌ๊โชะ ลู่ง อ ล่าง, บี่ซุ้ดี๊ อ ว๊าง อ แค๊
เกม๊า แม้นี่ ท้ะเฌะ เก้า แดเทา เมะเว๊ ท้อง ท เก้า อาง อว๊างอแค๊ เย้า เกม๊า ลี้ฆ้าง ไย่ เซ้อ เมะเว๊ ทล่าง ไย่ ซไบ้ะแซ นอ ฆวี้ เย้า ทล่าง อางกี ซไบ้ะแซ ที๊ง ล้างพะ เย้า อไฌ่บี่อี้ง, อ ซื๊งเว๊ อ ทอ้าทซ๊าง โอ แอฌี่งแอฌ้อง ล้อ
เกม๊า คี๊ง เม้ง นอ ดู ทาง ฆึ แด เว๊, ท้อง อ แค๊ แบ เก้า โคะ, ล พ๊า แย๊ นอ จ ม อางแม้เลา โพล้ง เก้า ล แพ นอ บี่ อี้ง, เก้า ไฆวะ วี่ง นาง บืง นอ, ก้ะ ซยอง-อ้ะ ฌ้อง เช้า ไฆวะ-อ้ะ นอ ไช้ะ, แบ เด้าะ บืง พี่ อ ฌี้ นอ, อางกี-อ้ะ ลู่ง จ พ๊าง พ้า นอ ล้อ’, ”
ฌางคู เกม๊า อ ดู ทาง แซ ทาง แด เว๊ ล้อ, อ ซ๊างคู นอ เก ทาง อ เทิง, ลู่ง ไค๊ นอ เก ทาง อ เชา อ เฆว๊, ฌ้อง อ แซ ช้ะ ทาง อ ซ้ะ, อ เชา ล้อง เฆว๊ ล้อง ฆวี้ ทะ ล้อ
ฌ้อง ท มุ้คู พู ล แฌ้ เด้าะ, พี่ อ โอ คุ้แคว่ มี นอ โอ ลู่ง ท แบ้ ทาง อ ล่าง ไจ ทาง, อ เว๊ กุ้ ซย้ะ ทาง เท่อ โล้ แบ ท มุ้คู พู พี่ อ โชะ ท้ะเฌะ นอ ไจ้ะ เว๊, “เจ่ น ท้ะเฌะ นอ เก้า ไฆวะ ซไบ้ะ อ เชา พี่ อ โอ ฌางคู โคล๊ง คู นอ เซ้อ, อ ไฌ่ บี่ อี้ง ซไบ้ะ แซ นอ เม๊ง ฌี้ เย้า”
