28 ฌางคู เกม๊า อ ดู ทาง แซ ทาง แด เว๊ ล้อ, อ ซ๊างคู นอ เก ทาง อ เทิง, ลู่ง ไค๊ นอ เก ทาง อ เชา อ เฆว๊, ฌ้อง อ แซ ช้ะ ทาง อ ซ้ะ, อ เชา ล้อง เฆว๊ ล้อง ฆวี้ ทะ ล้อ
ฌ้อง กแช่ยาเว กแช่แยว้ เกม๊า เซง มื่งเทิง กุ้เม้งกุ้มยู๊ พี่ แคว่-อ้ะ ฌี้, ดี๊ ล้างอาง นอ, เกทาง นี่ ลู่ง ฌางคู คู, โอ ดี๊ เซง ทม๊า ล เทิง ลู่ง โซ๊ง อ คี่ง แกล้ พ้า, โอ ดี๊ เซง ซีงแฌ๊ แบฆ้ะ ดี๊ ท อ ฌี้ ดี๊ ท อ อ้า ล เทิง ปะ
อ เว๊ เก บี่ซุ้ดี๊ เซง มื่งเทิง, พี่ เซิงล้าง ลู่ง ที๊ง พ้าไท้ะ พี่ ซูงทางแซทาง แบ อมื่งอแค๊ ดี๊ อ แล ล ล้างไย้ะล้างไฆ๊ แบ ทกุ้เม้ง พี่ อ แม้ เว๊ นอ, เกทางเกโท๊ เว๊ แด ล้อ
แบเด้าะ โพล้งแบกแช่แยว้อซ้ะ นอ, บี่ซุ้ดี๊ ทพ้าง ลู่ง โฌ้โค๊ พี่ อ พ้าง ฆีงฆอง ดูทางๆ, ท้อง อ พ้าง เติ้งต้าง เมาน่าง นอ ล้อ
ทกุ้เม้ง โอ ดี๊ อว๊างอแค๊, ดี๊ ท อไฌ่อกย้อง กุ้เม้ง ลู่ง มุ้คู เช๊ละ โอ ดี๊ อช๊าอโท่
กแช่แยว้ ดึ้ เกม๊า ทกุ้เม้ง ฌี้ ท้อง อช๊าอโท่, กแช่แยว้ ชวี๊งล้าง ท ล้างชู้ล้างแกย ลู่ง กโพล้ง อ ซ้ะ พ้า ปะ, แบเด้าะ กโพล้ง อางฆื๊ง เว๊ ล แด ได้ะ แบ บี่อี้ง, กแช่แยว้ แม้ เว้ ทเม้งเล้ ลโค๊ลู่ง อ คางไท้ะคางพ๊าง ท้อง ลู่ง อช๊าอโท่ ไค๊ ทึ
เมะเว๊ ที๊งล่างค่างพ้า ดึ้ เกม๊า อ บาง เมทาง ดี๊ โซ๊ง ดึ้ เกม๊า ท พี่ ฆวีงล้าง เว๊ ลู่ง อ พ้า นอ, เมทาง บี่จะเล้ นอ ทอดูทึโท๊ทึกแช่ยาเว, ม ดึ้ เกม๊า ทแบอซ้ะ, ดี๊ ทอางปฆ้า เมทาง ลู่ง โพล้งกุ้ชื้อกุ้ชะ อ เมะแซ พ้า บี่นอ ล้อ
เกม๊า ก ซีงแฌ๊, เกม๊า ก เฌา ซีงแฌ๊ กแช่ยาเว กแช่แยว้ อ ท เนโพลทาง อ ซ้ะ นอ, ล้างเท่งล้างเม๊ง บี่ซุ้ดี๊ ทพ้างทาง ลู่ง โฌ้โค๊ กแช่แยว้ ม เฌ๊ฌูง เฆ้อ ด้องซุ้ ทเฌ๊ช้า ด้องซุ้ ทเฌ๊ช้า แอ ลู่ง อว๊างอแค๊ ม เลา, พี่ ช้าล้าง แบโจ ฌางคู คู”
ท่อง บืง โพละ ทาง ฌ้อง, นาง บืง โพละ ทาง ฆึ ลู่ง อ ซุ้ ชี่
ฌ้อง ไท้ มี๊ง ลู่ง มแน้, เฌ้เทิง แม้ เท่อ ลู่ง มแช๊ กุ้ อ นี้ง ครึๆ, ท คลี๊ง นอ เก ทาง ฌ้อง ดู ทาง โท๊ ทาง ครึๆ, ล้อ, อ เท่อ ดู ทาง บี่ จะ เล้ นอ อ เว๊ แด ล ซีงแฌ๊ เว๊ น่าง เม้ง แบ
พี่ อ แซ แซย่ ทาง โฌ้ ทาง เย้า นอ, อ เว๊ นอ โชะ ทาง ท้ะเฌะ, ปชื่ง ลี้ เก้า เว๊ แด ล ทีง ฆ่าง, เมะ เว๊ ท้อง อ มื่ง แบ เก้า เย้า นอ ล้อ”
ท บี่ นอ, จ ซีงแฌ๊ เต้ๆ, เย้า, กแช่ แยว้ พี่ อ เตะล้าง แม้ ทาง ท อ ฌี้ ลู่ง น ซื๊ง ซ้ะ พ้า นอ, ม แม้ เว๊ ครึๆ, ท้อง อ ฌ้อง ลู่ง มื่ง นี้ง พี่ กแช่ เยซู คริ้ ม เฌ๊ ไท้ โคะ ล้อ
บี่ ซุ้ น ซื๊ง ม แม้ ซ้ะ เกิ้ง ดี๊ กแช่ แยว้ ดี๊ แม้ เท่อ พี่ อ แบ กแช่ แยว้ อ ซ้ะ ครึๆ, พี่ น ซื๊ง แม้ ซ้ะ บี่ นอ, น ม แม้ ท ฌี้ กุ้ เม้ง กุ้ เจ้ง, ดี๊ ม ซีงแฌ๊ กแช่ แยว้ แอ ทาง โฌ่ ทาง ล้อ
