71 เปโต ชู ล้าง ทื๊ง ล้าง อ ซ้ะ ไจ้ะ เว๊ แด, “โพล้ง แคว๊ พี่ น ซื๊ง ไจ้ะ ล แฌ้ อี้ง นอ, จ ล ซีงแฌ๊-อ้ะ แบ เซ๊ เฆาะ ล้อ”
ล ว๊าง แย๊ นอ, กแช่ยาเว แม้ ล้างเองไฆวะ โพล้ง อีซลาเอง อ ฌางคู ล่าง, เมะ ฮาซาเอง นอ, ดึ้ซึ้ น้า เท่อ เฆ้ง ค่าง อีซลาเอง อ ค่าง พ้า
ซ้ะ นอ เก ทอางโล๊ไละ ดูเละ ท กุ้เม้ง เลาพะ อ อ้าทางซ๊างทาง น้ะ มะ ล้อ โพล้งเล้ ม ซีงแฌ๊ ซ้ะ นอ?
แบ เด้าะ เปโต ซม๊า เว๊ ล พ๊า เด้าะ ไจ้ะ เว๊ แด, “เมะ เอะ” โอๆ, โพล้ง ลู่ง อ ชี๊เทิง เบ้า-อ้ะ ล มู๊ง นอ ไจ้ะ เอะ เปโต ล พ๊า เด้าะ, “เมะ เต้ๆ, เย้า, แน้ น เก โพล้ง ล แฌ้ ลู่ง อ ซื๊ง เว๊ อ แกล้, น ซม๊า ซี ล้า เอะ, น เก โพล้ง กาเลลี้ เต้ๆ, ปะ ล้อ”
ล ทีง ฆ่าง นอ ช๊าง อ้องอู ทาง ล พ๊า เด้าะ, อ เว๊ นาง แบ ไท้ กแช่ เยซู อ ท ไคล้ พี่ อ ไจ้ะ เว๊, “ช๊าง ล คลึ้ อ้องอู ทาง คี๊ง พ๊า ได้ะ แบ นอ น ม ซม๊า แย้ ชิ้ทาง ซ๊า พ๊า”, ฌ้อง เปโต ฌาง แบ มอง แบ ม้ะ เท่อ ล้อ
ท บี่ นอ, โพล้ง พี่ อ ช๊องมอง ล้าง อ ซ้ะ ลู่ง อ ชี๊เทิง เฌิ่งๆ, ค๊าๆ, นอ, แบ ปโล่ ล้าง อ ซ้ะ, บี่ ซุ้ อ เว๊ ล ล้างเทะเค้า แบ
