มาร้ะกู 13:24 - Northern Pwo Karen Thai Bible

²⁴ ท่อง อ ช๊าง ลู่ง มื่ง นี้ง พี่ ท น้ะ ท โน๊ง ล แพ นอ พ้อง ไฆวะ เย้า, มื่ง ม ไค้ะ, แล้ ล พ้าง ล้าง ล้า แบ

มาร้ะกู 13:24 교차 참조

อีซยา 13:10

เมะเว๊ มุ้คู อ แซย ลแพ นอ, ดี๊ แซย น๊างมู๊ง นอ ล พ้างล้าง แบ มื่ง ม ไค้ะ พี่ อ ช๊า อ โท่ เฌ๊ทาง นอ ดี๊ แล้ ล พ้างล้าง แบ

เยเรมี 4:28

ลู่ง ท ล ไฌ่ อี้ง อกย้อง นอ, ฌางคูโคล๊ง คู ม มองแบม้ะแบ เท่อ ดี๊ ทมุ้คู ลู่ง ท้ะ อู้ง, ม ไค้ะ ซ๊าโนย๊ง อไฌ่บี่อี้ง, ก นี่ โล้ เว้ เย้า, ก นี่ ช๊องมอง เว้ เย้า ก ล เปลงไฆวะ ก ซ้ะ-อ้า, แกยไท้ ก ซ้ะ-อ้า แบ”

เอเซเคียง 32:7

พี่ ก แม้ไฆวะ แน้ นอ, ก ม คลึไบ้ะทะ ทมุ้คู ดี๊ ม ดึ้ เกม๊า แซย ไค้ะไฆวะ ก ม แม้นี่ ทเอิง คลึไบ้ะ มื่ง ดี๊ แล้ ล พ้างล้าง แบ

ดานีเอง 12:1

“ล พ๊า แย๊ นอ, มีคาเอง โพล้ง โพะคอง เท่อ พี่ อดูอโท๊, โพล้ง ยู่ทะแคว่ทะ โพล้ง ล ชื้อฆ่าง ดี๊ แน้, ม เฌ้เทิงทาง, ดี๊ ม โอ ดี๊ อช๊าอโท่ ทน้ะทโน๊ง พี่ ล โอ น่างชู้ ได้ะ แบ, ล โค๊ ลู่ง โอ ดี๊ โพล้ง กุ้ชื้อกุ้ชะ, ท๊อง อ ท้อง ล ชู้ แย๊ นอ แบเด้าะ ล พ๊าแย๊ นอ, โพล้ง ล ชื้อ ฆ่าง ดี๊ แน้ ม นี่แบ ท แม้พ้องพลิ้, เมะเว๊ กุ้แฌ้ พี่ โอ ดี๊ อ เม้ง กวิ้ล้าง ลู่ง ไละ พ้า

ดานีเอง 7:10

มี อ กล้อง ซยุ้ทาง ดี๊ แยว้ล้าง ลู่ง อ เมะแซ พ้า โพล้ง อ แฌ้ ลู่ง อ ล้าง พ้า แม้ เอะ อ เท่อ โพล้ง อ แฌ้ ลู่ง อ ล๊าง พ้า ลี้ฌูง-อ้ะ โพล้ง ต้ะเซ๊ง เท่อ ทาง ชี๊น้าง ล่างชี๊น้าง คู กเย่ ไละ ลแพ นอ เว่พ้ะทาง อ ซ้ะ

โยเอง 2:10

ฌางคูโคล๊งคู ว้ะโทะ ลู่ง อ เมะแซ พ้า ทมุ้คู นอ ว้ะโทะ เทาทื้ง มื่ง ดี๊ แล้ นอ ไค้ะซ๊าไฆวะ แซย ลแพ นอ, ลโฌ่งลพ้าง ล้า แบ

โยเอง 3:15

มื่ง ดี๊ แล้ นอ ไค้ะไฆวะ เว๊ แซย ลแพ นอ ลโฌ่งลพ้าง ล้า แบ

อาโม 5:20

กแช่ยาเว อ มื่งนี้ง เก ทไค้ะซ๊า, ล เมะ ทโฌ่งทพ้าง แบ เก ทไค้ะ ซ๊าโญ๊ง, ล เมะ ทพ้าง เติ้งต้าง แบ เฆาะ

มาร้ะกู 13:23

ปโล่ ล้าง น ซื๊ง ซ้ะ เมะ ฌี้ ไช้ะ, จ โล้ เว้ เอะ น ซื๊ง กุ้ อ เม้ง เย้า นอ ล้อ

2​เปโต 3:10

แบเด้าะ มื่ง นี้ง พี่ กแช่ เยซู คริ้ ม เฌ๊ ไท้ โคะ นอ, อ เว๊ ม เฌ๊ ล ทีง ฆ่าง แบ ด้อง โพล้ง เฌ๊ อางฌูง เท่อ, ล นี้ง แย๊ นอ ท ม เซ๊ พ้ะดู, ล ทีง ฆ่าง นอ มุ้คู ม ล้างบลิ้ ไฆวะ, ดี๊ มุ้คู ฌางละ ม เค้ ทาง, ฌ้อง ฌางคู โคล๊ง คู ดี๊ ท กุ้ อ เม้ง นอ, มี ม อาง ไฆวะ-อ้ะ เลา ปะ

2​เปโต 3:12

โอ แคว่แล่ ดี๊ เฌาโละ เกม๊า กแช่ แยว้ อ มื่ง นี้ง เฌ๊ ท้อง เมะ เพล, ล นี้ง แย๊ นอ มุ้คู ม แบ ท เช้า ไฆวะ-อ้ะ, ฌ้อง มุ้คู ฌางละ ม พลี่ง ไฆวะ เลา ปะ

ท​เน​โพล​ทาง 20:11

ฌ้อง จ แด แบ ท ล่าง ชี๊น้าง ยู่แคว่ เท่อ อ แอว้ พ้ะดู ล ช๊อง, ดี๊ โพล้ง ชี๊น้าง เว๊ อ คู, ฌางคู โคล๊ง คู ดี๊ มุ้คู ล้างแม่ ไฆวะ ลู่ง อ เมะแซ พ้า, โพล้ง ล แด ฌางคู ดี๊ มุ้คู ล้า แบ