38 อ เว๊ แด ไจ้ะ ช๊า อซื๊งเว๊ซีง, “ก แบ ลี้ ลู่ง แย๊ ได้ะ, ลู่ง เฌง อ เบ้า อ เท่ง แบๆ, จ แบ ลี้ โล้ ล้าง ละ ล้าง เท่อ ลู่ง อู้ ปะ ล้อ, อ กย้อง นอ จ เฌ๊ ลู่ง อี้ง ล้อ”
ท่อง อ แด เว๊ ฌ้อง อซื๊งเว๊ซีง โล้ แบ-อ้ะ ไจ้ะ เว๊, “โพล้ง อางฆื๊ง แน้ กุ้ อ แฌ้ ล้อ”
ท บี่ นอ, อ เว๊ แด ไจ เฆ้ง กาเลลี้ อ ค่าง พ้า, ลี้ โล้ ล้าง ละ ล้าง เท่อ ลู่ง ท แพโซง อ ล่าง พ้า ล จองๆ, ดี๊ โฌ๊ ไจ ทาง ไฆวะ ท มื้งแฆ่, พี่ อ ทาง โพล้ง อ ล้อง ล แพ นอ ล้อ
พืงแซ เยซู ไคล้ ช๊า-อ้ะ บี่ อี้ง, “น ซื๊ง อางฆื๊ง แย้ แม้ ท ล้อ, น ล ซีงแฌ๊ แบ-อ้า, จ แบ โอ ลู่ง จ แพ่ อ ล่าง โอ พ้า นอ ล้อ”
แบ เด้าะ กแช่ เยซู ไจ้ะ เว๊, “จ แบ โล้ ล้าง ท ฌี้ อ ไฌ่ แบฆ้ะ ดี๊ กแช่ แยว้ อ มื่ง อ บ้าง ลู่ง เฌง อ แฌ้แพ ปะ, เมะ เว๊ กแช่ แยว้ โซ๊ง ล้าง แย้ เกม๊า จ แม้ เท่อ บี่ นอ”
จ โอ ลู่ง จ แพ่ อ โอ, จ เฌ๊ ล้าง โอ ฌางคู โคล๊ง คู, ค๊องเนง โย้ นอ จ ม ไท้ แด ฌางคู โคล๊ง คู, ไท้ โอ ไท้ ดี๊ จ แพ่ นอ ล้อ”
จ ปล้ะ ล้าง น ฆี๊ง น แล้ น โฌ่ง น พ้าง ลู่ง ฌางคู โคล๊ง คู เย้า, ท แม้ พี่ น เกม๊า จ แม้ นอ จ แม้ ฌ้อง เย้า
พี่ น เกม๊า จ โล้ เท่อ นอ จ โล้ แบ อซื๊งเว๊ ฌ้อง เย้า, อซื๊งเว๊ ดุ้ อ แน่ ดี๊-อ้ะ กุ้อเม้ง, ฌ้อง ซีงแฌ๊ เว๊ ล้างที๊ง แย้ จ โอ ลู่ง น โอ เฌ๊, ดี๊ นะ เว๊ น เกม๊า จ เฌ๊ ล้อ
ลู่ง มแช๊ แค๊ นอ ก แบ แม้ เอะ โพล้ง พี่ อ เกม๊า จ เฌ๊ ล้าง ล แฌ้ นอ อ เท่อ, ม ท้อง มแน้ แค๊ โคะ นอ, โพล้ง แม้ เท่อ ล ซี น่าง แฌ้ ล้า แบ ล้อ
