มีคา 6:12 - Northern Pwo Karen Thai Bible

¹² กเย่ เว่ง อ โพล้ง ทโอทช๊อง นอ, โอ ฆวี้ ดี๊ ทดู้งทลู่ ดี๊ โพล้ง ลู่ง เว่ง พ้า นอ, ไคล้ คีงอูง เท่อ ดี๊ พลี้ ลู่ง ท อางโล๊ไละ นอ, โอ ลู่ง อ ซื๊งเว๊ อ นุ้ พ้า

มีคา 6:12 교차 참조

ทอางปฆ้า 120:2

“จ กแช่ยาเว-เอ้อ, เกม๊าเต้ แม้ช้า แย้, เกม๊า พ้องไฆวะ ดี๊ นุ้เฌะ คีงอูง เท่อ เกม๊า พ้องไฆวะ ดี๊ พลี้ พี่ อางโล๊ไละ เท่อ”

ทอางปฆ้า 35:20

เป๊งนี่ อซื๊ง ล ไคล้ ด้องซุ้, เก ฌุ้เม้งฌุ้พาง แบ แบเด้าะ อ ช๊องมองทาง ทไคล้ อางโล๊ไละ โพล้ง พี่ โอฆู๊งโอพุ้, ลู่ง ที๊งล่างค่างพ้า

ทอางปฆ้า 78:36

แบเด้าะ อซื๊งเว๊, อางโล๊ดุ้ กแช่แยว้ ดี๊ นุ้ ดี๊ อ พลี้ นอ, อซื๊งเว๊ คีงอูงแบ กแช่แยว้

อีซยา 1:23

น เซงคู นอ, เก โพล้ง ล มู๊ง พี่ อ กไบล้ะกแบล ดี๊ เก ฌุ้พาง โละซ้ะ ดี๊ โพล้ง ตมละตเช เท่อ กุ้แฌ้ เอ จี้ ทไซ้ะไบ้ะนุ้ ดี๊ ล้องช่อง ทเกล๊าง อ เว๊ ล นี่ ไจ้ะช้าไคล้ช้า เอะ พูฆวี แพ่ แบ ดี๊ โพล้ง มืงเม๊ อ เตา นอ เฌ๊ ล ท้อง อ ซื๊งเว๊ แบ

อีซยา 3:8

เมะเว๊ เยรูซเลง นอ แบท้า เท่อ ดี๊ ยูดา นอ ล้างเทะเค้า เป๊งนี่ อ ซื๊งเว๊ อ ทไคล้ ดี๊ อ ทแม้ นอ, โอ ที่ อ ดึ้ กแช่ยาเว กไบล้ะ ดี๊ กแช่แยว้ อ ล่างโอ พี่ อโฌ่งอพ้าง

อีซยา 5:7

เมะเว๊ กแช่ยาเว ซึ้คู ดูทึชองทึ อ โซ๊ง ซไบ้ะแซ เมะเว๊ อีซลาเอง อชื้ออชะ ดี๊ โพล้ง ยูดา เก เซง มื่งเทิง พี่ กแช่แยว้ แบ อ ซ้ะ ดี๊ กแช่แยว้ มื้งแล่ ท อเกิ้งอแบ แบเด้าะ แคว่เซ้อ โอ ดี๊ ท ซวีงล้างบุ้ล้าง มื้งแล่ ทฌี้ทแอว้ แบเด้าะ แคว่เซ้อ โอ ดี๊ ท อ ลู่ง กุ้ซย้ะ เกม๊า แม้ช้า-อ้ะ

เยเรมี 9:8

อ เว๊ อ พลี้ เก คลีงแช แม้ซี๊ง เท่อ อ ไคล้ อางโล๊ เท่อ อ เว๊ อ นุ้ ไคล้มึไคล้พ้า ดี๊ ฌุ้พาง แบเด้าะ อ ซ้ะ พ้า นอ, อ เว๊ โอคุ้ซูง ดึ้ซึ้ เท่อ”

โฮเชยา 7:1

พี่ ก ม แม้ก้องแย่ ไท้ อีซลาเอง นอ เอฟาอีง อ ทไพ้ะทแม โพลทาง ล พ๊าฆ่าง ดี๊ ซมาเรีย อ ทอ้าทซ๊าง ล เม้ง แบ ล เม้ง อ ซื๊งเว๊ แม้ ท อางโล๊ไละ โพล้ง อางฌูง เท่อ นึฆ้าง เด้า พ้า ดี๊ โพล้ง ตมละตเช เท่อ นอ, ตมละ เท่อ โอ ลู่ง ค๊องโค๊

โฮเชยา 7:13

ท เซงทื่งเฌ๊ฌ้อง แบ-อ้ะ, เป๊งนี่ อ เว๊ เฌ๊พลุ้ ไจแดไฆวะ เฆ้อ ท เซงทื่งเฌ๊ฌ้อง โอ ดี๊-อ้ะ, เป๊งนี่ อ เว๊ กไบล้ะกแบล ดี๊ เฆ้อ ก ม เทะนี่ไท้-อ้ะ แบเด้าะ อ เว๊ ไคล้ คีงอูง แบฆ้ะ ดี๊ กไฌะกไฌ่

อาโม 2:4

กแช่ยาเว ไจ้ะเว๊ บี่อี้ง “ลู่ง ยูดา อ ท ลือค๊างพะ พ๊าๆ, เย้า พ๊าๆ, เด้าะ อกย้องนอ ก ล ญ่อง ไบล้ะกแด้ไท้ ท แม้เตาแม้แต๊ แบ เป๊งนี่ อ ซื๊งเว๊ ซม๊า กแช่ยาเว อ ทอางแม้เลา ดี๊ ล นี่ แฌแซกต้าง กแช่แยว้ อ ท อเค้อะอต้าง แบ ดี๊ กเย่ อ ท กโช้งกแช่ ลเมะลโต้ แบ นอ, นี่ ลี้ฌ้า-อ้ะ บี่ซุ้ดี๊ อ ซื๊งเว๊ อ พี๊งชู้พู๊งชู้ ลู่ง แย๊ อู้ง, นี่ แม้โพะ เว๊ อ ไค๊ เย้า นอ ล้อ

อาโม 6:4

“ท เซงทื่งเฌ๊ฌ้อง แบ โพล้ง พี่ อ มี๊งน้าง ล่างมี๊ง กช๊างเม คู ดี๊ โพล้ง พี่ จองเละ อ ซ้ะ โอ ลู่ง คะ มี๊งน้าง คู ดี๊ อาง แกะพู พี่ นี่ แบ ลู่ง แกะ น๊างมู๊ง พ้า ดี๊ งู้พู ลู่ง งู้ อ ร้อง พ้า

เซฟางยา 1:9

ล นี้ง แย๊ นอ, ก ม แม้เตาแม้แต๊ โพล้ง กุ้แฌ้ พี่ พื๊งซยุ้ ค๊างพะ ป้ะตู๊ง เคิง ดี๊ โพล้ง ลแพ นอ, พี่ ดึ้ เกม๊า อคูอแน่ อ เด้า โอ ฆวี้ ดี๊ ท แม้ชองแม้จุ้, ดี๊ ท อางโล๊ไละ”

เซฟางยา 3:3

ท อคูอแน่ ซีง ลแพ, พี่ โอ เว่ง พ้า อี้ง นอ เก บี่ซุ้ดี๊ คี๊ยื่ง พี่ กุ้ซย้ะ อ โคะ อ โพล้งต้ะเซ๊งเท่อ นอ, เก บี่ซุ้ดี๊ ทวีงเม้ง ลู่ง มื่งแฌล้างโค๊ พี่ ล ญ่อง เกม๊า ท โอ ล้างลื๊อ ท้อง ลู่ง โฌ้โค๊ น่างเม้ง แบ

ท​แม้ 24:9

โพล้ง ยู ล มู๊ง นอ ไคล้ทาง เท่อ ล เอ้า ฆ่าง ไจ้ะ เว๊, “เมะ เต้ๆ, แบ กุ้ อ ทีง ล้อ”

โรมา 3:13

อ นุ้ นอ เก บี่ ซุ้ ท แซวคู พ้า พี่ อุ้พ้ะ ทาง อ ซ้ะ เจ่ อ พลี้ ไคล้ อางโล๊ อางเว้ง เท่อ ท ไคล้ พี่ อ แช๊ บี่ ซุ้ ฌู่ง อ จืง โอ ลู่ง อ นุ้ พ้า ไจ ทาง