มีคา 2:11 - Northern Pwo Karen Thai Bible

¹¹ โพล้ง แฌ้ ฌี้ๆ, เมะ ม ลี้ ไจ ไคล้ ท พี่ อซูงอแซ ล โอ แบ, ดี๊ ไคล้ คีงอูง โล๊ไละล้าง เท่อ ไจ้ะเว๊, “จ ม ซองเท่อซ๊างเท่อ, เกม๊า น คุ้ช๊องแน, แบฆ้ะ ดี๊ ไซ้ะ ซไบ้ะแซ ที๊ง, ดี๊ ไซ้ะที๊งมี้จ้าง อไฌ่อกย้อง” แบซีงลู่ง อ เว๊ ม เก โพล้ง ซองเท่อซ๊างเท่อ ลู่ง โพล้ง ล ชื้อ อี้ง อ ฌ่าง พ้า

มีคา 2:11 교차 참조

1​กจุ้แฆว้ 13:18

อ เว๊ ไคล้ ดี๊-อ้ะ ไจ้ะเว๊, “แย้ จ เก โมไคล้คิ้กแช่แยว้ บี่ซุ้ดี๊ แน้ ปะ ล้อ, ทมุ้คูพู โอ ล แฌ้ เฌ๊ โล้ แบ แย้ ดี๊ กแช่ยาเว อลู่งอแท๊ ไจ้ะเว๊, ‘เกม๊า อ ไท้ ลู่ง เด้า ดี๊ แน้, บี่ซุ้ อ เว๊ ม อาง แบ ทอาง ดี๊ โอ้ แบ ที๊ง’, ”, แบเด้าะ คีงอูง เว๊ นอ ล้อ

1​กจุ้แฆว้ 22:6

ฌ้อง กจุ้แฆว้ ค่าง อีซลาเอง, กุ้นี่ โม ไคล้คิ้ กแช่แยว้ อลู่งอแท๊, ลี่ง แย้ แฌ้ เฌ๊ แพโซง ซยอง, ไคล้ ดี๊ อ ซื๊ง ไจ้ะเว๊, “เกิ้ง พี่ ก ม ลี้ ดึ้ซึ้ ราโมะกีเลอา ชี่-อ้า?, ล เกิ้ง แบ-อ้า?”, อ ซื๊งเว๊ซีง ไคล้ช๊า-อ้ะ ไจ้ะเว๊, “เกม๊า ลี้ทาง แดเทา, เมะเว๊ กแช่แยว้ ม อางกีล้าง-อ้ะ ลู่ง กจุ้แฆว้ อ จูง พ้า”

โยบา 31:5

“จ เมะ ไจ ลี้ฆึ ดี๊ ทลเมะลโต้ แบ ดี๊ จ คาง ปชื่ง ลี้ ลู่ง ทอางโล๊ไละ พ้า นอ

ทอางด้อง 25:14

โพล้ง พี่ อางปฆ้า เท่อ ไจ้ะเว๊ ม เกม๊า ทเกล๊าง แบเด้าะ ล นี่ เกม๊า แบ นอ บี่ซุ้ดี๊ ทเอิง ดี๊ ลี้ง พี่ ล โอ ดี๊ ทเฌ๊ช้า แบ

อีซยา 28:7

อ ซื๊งเว๊ ล แพ อี้ง, ว้างมื่งว้างไร้ะไฆวะ ดี๊ ไซ้ะ ซไบ้ะแซ ที๊ง บี่ซุ้ โละซ้ะ ปะ ดี๊ เด้งเค๊งแดฆ้าง ดี๊ ไซ้ะที๊งมี่จ้าง โพล้งลื่งเท่ออคู ดี๊ โมไคล้คิ้กแช่แยว้ นอ, ว้างไร้ะว้างพาง ดี๊ ไซ้ะที๊งมี่จ้าง อ ซื๊งเว๊ ลแพ นอ, คูเยิ้งแน่เยิ้ง ดี๊ ไซ้ะ ซไบ้ะแซ ที๊ง อ เว๊ เด้งเค๊งแดฆ้าง ดี๊ ไซ้ะที๊งมี่จ้าง อ ซื๊งเว๊ แด ท แด เว้ ลเมะลโต้ แบ อ เว๊ บึ้ทะ ลู่ง ท ต้ะเซ๊ง พ้า

อีซยา 9:15

โพล้งเม้งโพล้งแซย่ ดี๊ โพล้ง อ เม้งดูแซโท๊ นอ, เมะเว๊ คูฆีง แบเด้าะ โมไคล้คิ้กแช่แยว้ ดี๊ โพล้ง ซอง กไบล้ะกแบล เท่อ นอ, เมะเว๊ มี่ก้อง

เยเรมี 14:14

ดี๊ กแช่ยาเว ไคล้ ดี๊ แย้ บี่อี้ง, “โมไคล้คิ้ เท่อ ลแพ นอ, โล้ กไบล้ะกแบล เท่อ ลู่ง กเม้งกแซ พ้า, ก ล นี่ เจ่ อ ซื๊งเว๊ แบ, ดี๊ ก ล นี่ อางแบเลา-อ้ะ-อ้า, ไคล้ ดี๊-อ้ะ-อ้า แบ, อ เว๊ โล้ล้าง ทแดเว้ กไบล้ะกแบล เอะ น ซื๊งเว๊, เก ทโล้เว้ พี่ ล ล้างเปิ่งล้างเอ้ง แบ, เก ทโล๊ไละล้าง อ กแช่ ล้อ

เยเรมี 23:14

แบเด้าะ กเย่ โมไคล้คิ้ เท่อ ลู่ง เยรูซเลง อซุ้อแกล้ นอ ก แด แบ เท่อ พี่ อ ล้าง ซ้ะเมซ้ะไพล้ อ ซื๊งเว๊ กแมมืง กแมแคว๊, ดี๊ โอม๊า ลู่ง ทคีงอูง พ้า อ เว๊ แม้ชองทาง โพล้ง แม้ ทอ้าทซ๊าง อ จูง อกย้องบี่นอ, โพล้ง ล โอ แกยไฆวะ อ ซ้ะ ดี๊ อ ทอ้าทซ๊าง น่างแฌ้ แบ อ เว๊ กุ้แฌ้ เกทางก้ะ บี่ซุ้ดี๊ โซโดง ลู่ง ก ฌ่าง ดี๊ โพล้ง เว่ง นอ, บี่ซุ้ดี๊ เว่ง โกโมรา ล้อ”

เยเรมี 23:17

อ เว๊ ไคล้ ดี๊ โพล้ง พี่ ดึ้เดว กแช่ยาเว อลู่งอแท๊ ไค๊คื๊ง บี่อี้ง, ‘น ม โอมึโอพ้า’, ดี๊ โล้ เอะ โพล้ง กุ้ แฌ้ พี่ ลือค๊างพะ เท่อ, ท๊อง อ กแช่ อ ซ้ะ แด เว๊, อ เว๊ ไจ้ะ บี่อี้ง, ‘ท กึทาง อ ซ้ะ ลู่ง ออ้าอซ๊าง, ล โอ เฌ๊ท้อง แน้ แบ’, ”

เยเรมี 23:25

“ก แน่ฌ๊า โมไคล้คิ้ เท่อ, พี่ โล้ล้าง กไบล้ะกแบล เท่อ ลู่ง กเม้งกแซ พ้า นอ, นี่ โล้ เว๊ บี่อี้ง, ‘จ อางมี๊งม่าง เท่อ, จ อางมี๊งม่าง เท่อ’

เยเรมี 23:32

อี้งเซ้อ, ก ดึ้ โพล้ง ลแพ นอ, พี่ โล้ล้าง กไบล้ะกแบล ท อางมี๊งม่าง”, กแช่ยาเว โล้ เว๊ บี่อี้ง ล้อ, “ดี๊ โพล้ง พี่ โล้ เท่อ, ดี๊ ลี้ฌ้า กพูกลี้ง เกม๊า อ เฌ๊พลุ้ไฆวะ, ลู่ง อ ทไคล้ คีงอูง พี่ ล ช๊องมอง เท่อ แบ, พี่ ก ล นี่ เจ่-อ้ะ-อ้า, อางแบเลา-อ้ะ-อ้า แบ, อกย้องบี่นอ, อ เว๊ ล ล้างเปิ่งล้างเอ้ง ลู่ง โพล้ง ล ชื้อ อี้ง อ ฌ่าง น่างเม้ง แบ เฆาะ”, กแช่ยาเว โล้ เว๊ บี่อี้ง ล้อ

เยเรมี 28:15

ดี๊ โมไคล้คิ้กแช่แยว้ เยเรมี, นี่ ไคล้ ดี๊ ฮานางยา โมไคล้คิ้กแช่แยว้ บี่อี้ง, “ฮานางยา-เอ้อ, อวีงซ้ะชู้ แน้ คุ้ช๊องแน เท่อ, กแช่ยาเว ล นี่ เจ่ แน้ แบ, ดี๊ น นี่ ดึ้ เกม๊า โพล้ง อ ชื้อ อี้ง, อางกีล้าง ซ้ะ ดี๊ ท กไบล้ะกแบล พ้า

เยเรมี 5:31

เมะเว๊ โมไคล้คิ้ เท่อ นอ, นี่ โล้ล้าง กไบล้ะกแบล เท่อ ดี๊ กเย่ โพล้งลื่งเท่ออคู นอ, โพะคอง เท่อ ท๊อง อ กแช่ อดู้งอยาง แด เว๊ ดี๊ กพูกลี้ง นอ, แบ อ ซ้ะ บี่อี้ง แบเด้าะ น ซื๊งเว๊ ม แม้ บี่จะเล้, ท่อง อช๊าอโท่ ไค๊ทึ เฌ๊ท้อง นอ?”

ท​ฌางล้างย้าล้าง 2:14

น โมไคล้คิ้กแช่แยว้ นี่ แด ทแดเว้ โล๊ไละ เท่อ, ดี๊ ทแดเว้ อางโล๊ เท่อ, เฌ๊ โล้ แน้ เกิ้ง ลู่ง อ เว๊ ม โล้ล้าง น ท เด้บ้ะ บี่ซุ้ เกม๊า น โอฌี้โอแอว้ ไท้ อ เว๊ แด ก้ะ ทแดเว้ ลู่ง น ฌ่าง อ เก ท กไบล้ะกแบล ดี๊ อางโล๊ไละ เท่อ

เอเซเคียง 13:22

เป๊งนี่ น ดึ้ เกม๊า โพล้งแบกแช่แยว้อซ้ะ อ ซ้ะ ล้างท่อง, ดี๊ ท อางโล๊ไละ, พี่ ก ล นี่ ดึ้ เกม๊า อ ซ้ะ เฌ๊ฌ้อง แบ, ดี๊ น แม้ชองทาง โพล้งอ้าโพล้งซ๊าง อ ซ้ะ, ล เกม๊า อ แกยไฆวะ อ ซ้ะ ดี๊ อ เกล้อ้าเกล้ซ๊าง แบ, ดึ้ เกม๊า อ เว๊ แฌแซกต้าง ล้าง อ ทม๊า ล ซี แบ

โฮเชยา 7:14

อ เว๊ ล นี่ กุ้ทาง เฆ้อ แบฆ้ะ ดี๊ ทน้ะทโน๊ง ลู่ง ท เซิงเท่งซ้ะโต้ แบ แบเด้าะ อ เว๊ ฌางล้างย้าล้าง โอ ลู่ง ล่างมี๊งคู อ เว๊ เก้าเฌะล้าง อล้องอย่าง, บี่ซุ้ อางท่าง นี่ บืง ดี๊ ไซ้ะ ซไบ้ะแซ ที๊ง อ ซ๊าง อ เว๊ กไบล้ะกแบล ดี๊ เฆ้อ

มีคา 3:11

กเย่ เว่ง อี้ง อคูอแน่ นอ, ต้ะเซ๊ง บ้าคว่าง ดี๊ ท แด ที่ จี้ทไซ้ะไบ้ะนุ้ ดี๊ กเย่ โพล้งลื่งเท่ออคู นอ, ซองเท่อซ๊างเท่อ ดี๊ ท แด ที่ จูงเล้งคางเล๊ เลา ดี๊ กเย่ โมไคล้คิ้กแช่แยว้ นอ, พ้ะเว้ เท่อ ดี๊ ท แด ที่ จี้ ทึเมะ บี่นอ ฌี้ นอ, อ ซื๊งเว๊ เฆว้ง แบ กแช่ยาเว, ดี๊ ไจ้ะเว๊ บี่อี้ง “กแช่ยาเว โอ ลู่ง กซุ้กแกล้ ล เมะ แบ โบ่? ทเซงทื่งเฌ๊ฌ้อง ล โอ กึทาง ดี๊ เฆ้อ ซี น่างเม้ง แบ”

มีคา 3:5

กแช่ยาเว ไคล้ บี่อี้ง, แบฆ้ะ ดี๊ โมไคล้คิ้กแช่แยว้ ลแพ นอ อ ไฌ่ โพล้ง พี่ ลี้ฌ้า กพูกลี้ง เกม๊า เว๊ อ เฌ๊พลุ้ไฆวะ โพล้ง พี่ กุ้ซย้ะ เท่อ ไจ้ะเว๊, “ทฆู๊งทพุ้” ลู่ง อช๊าอโท่ พี่ โอ ดี๊ ทอางทโอ้ อ แค๊ นอ แบเด้าะ โล้ล้าง ทดึ้ทชาง เอะ โพล้ง พี่ ล เนฆ้าง ดึ้อาง เท่อ อ นุ้ พ้า น่างเม้ง แบ

โรมา 16:18

โพล้ง พี่ อ แม้ บี่ อี้ง ล แม้ กแช่ เยซู คริ้ อ เท่อ แบ, แบเด้าะ อซื๊งเว๊ ช๊องมอง ที่ อ โฌ่งโพ๊ง อ ฌ่าง, อซื๊งเว๊ เจ่ ท ไคล้ ลู่ง อ มึ อ พ้า อ เพา อ เบ้, อางโล๊ นี่ โพล้ง พี่ อ ชู่ง โพล้ง อ แฌ้แพ โย๊ น้ะ

ฟีลิ้ปี 3:19

อซื๊งเว๊ ม เซงทื่งเฌ๊ฌ้อง, อ ไฌ่ บี่ อี้ง อ โฌ่งโพ๊ง เก อ กแช่, อ เซิง มึ ซ้ะ มึ ดี๊ เท่อ พี่ เกิ้ง เก ท ฌางแช้ ลู่ง อ ฌ่าง, ดี๊ ช๊องมอง ที่ เท่อ พี่ อ โอ ลู่ง ฌางคู โคล๊ง คู อี้ง ล้อ

1​โยฮาง 4:1

ฌุ้พาง ลู่ง จ เอ-อ้ะ ซีง-เอ้อ, โพล้ง พี่ อ ไจ้ะ ล้าง อ ซ้ะ โอ ดี๊ วีง ฌี้ แล้ แอว้ ล แพ นอ นะ-อ้ะ กุ้ อ แฌ้ ล ฌี้, น แบ แคว่ ล้างที๊ง-อ้ะ เมะ อซื๊งเว๊ โอ ดี๊ กแช่ แยว้ อ วีง ฌี้ แล้ แอว้ เต้ๆ-อ้า, ล เต้ๆ, แบ-อ้า, อ ไฌ่ บี่ อี้ง โม กไบล้ะ โอ ฌ้อง ไจ โล้ ล้าง เท่อ ลู่ง ฌางคู โคล๊ง คู