ม้ะทู 4:16 - Northern Pwo Karen Thai Bible

¹⁶ โพล้งเฌงพูฆ๊างพู พี่ อ โอ ท ไค้ะ แกล้, ม แด แบ ท พ้าง ลู่ง อ ดู อ เล่ โพล้ง พี่ อ โอ ลู่ง ท ซี๊ง อ กดื้ง แล้ พ้า นอ, ท พ้าง ล้าง แบ-อ้ะ ลี่ง”

ม้ะทู 4:16 교차 참조

โยบา 10:22

ที๊งค่าง ลู่ง ทไค้ะซ๊า, ด้องซุ้ ทไค้ะ อ กแช่ แด เว๊ นอ ล้อ เก ที๊งค่าง ลู่ง ทซี๊ง อ กดื้งแล้ พ้า, ล โอ ดี๊ ทตกีงดีง แบ เก ทล่างทเกล้ พี่ ทพ้าง, เก บี่ซุ้ดี๊ ทไค้ะ นอ ล้อ”

โยบา 3:5

เกม๊า ทไค้ะซ๊า ดี๊ ทซี๊ง กแช่ อ กดื้งแล้, แม้นี่ก้ะ มื่ง ล นี้ง แย๊ นอ เกม๊า ทเอิง คลึไบ้ะ ทะ-อ้ะ เกม๊า มแช๊ แค๊ อ ทไค้ะซ๊า แม้ ซ้ะเมซ้ะไพล้-อ้ะ

โยบา 34:22

ทล่าง ไค้ะเซยา ละฌี้, ทล่าง ไค้ะซ๊าโญ๊ง ฌี้ นอ, ล โอ แบ พี่ โพล้งอ้าโพล้งซ๊าง ม โอคุ้ซูง อ ซ้ะ ซี

ทอางปฆ้า 44:19

กแช่แยว้ ไฌะบลิ้ เฆ้อ, ลู่ง ทวีงเม้ง อ ล่าง พ้า ดี๊ คลึไบ้ะ เฆ้อ, ดี๊ ทซี๊ง กแช่ อ กดื้งแล้

อีซยา 9:1

แบเด้าะ เว่ง พี่ โอ ลู่ง ท เมะมองแน๊อึ้ พ้า นอ, ม ล ซ้ะ เฌ๊ฌ้อง น้ะ ล้า แบ, ลู่ง อไยะอเช้ อู้ง กแช่แยว้ เกม๊า เซบูลู ดี๊ นาทาลี อ ก ว้าง พ้า นอ เก ท ดึ้เดวทื่งแช้, แบเด้าะ ลู่ง ไค๊ ล ว๊าง นอ, กแช่แยว้ ม ดึ้ เกม๊า เกล้ ลู่ง ปางเล พ้าไท้ะ, ดี๊ ทล่างทเกล้ ลู่ง ที๊ง โจเด้ง กล้อง อ มื่งนึ ล โค๊, เมะเว๊ โพล้ง กุ้ชื้อกุ้ชะ อ กาลิ้ลี นอ ดูทางโท๊ทาง

อีซยา 9:2

โพล้ง อ ชื้อ พี่ ไจ ลู่ง ทไค้ะซ๊า พ้า แด ทโฌ่งทพ้าง พ้ะดู กเย่ โพล้ง พี่ เปิ่งโอเปิ่งช๊อง ค่าง ลู่ง ทซี๊ง กแช่ อ กดื้งแล้ พ้า ทโฌ่งทพ้าง เฌ๊ พ้างล้าง แบ อ ซื๊งเว๊ ลแพ นอ

เยเรมี 13:16

เกม๊า เทว๊ ทโฌ่งทพ้าง เอะ กแช่ยาเว, น ซื๊งเว๊ ซีง ลแพ อ กแช่แยว้ ซลื่อ กแช่แยว้ ม ดึ้ เกม๊า ทไค้ะซ๊า เฌ๊ ซลื่อ น คาง ม แบท้า ลู่ง ทลู่ง คู พี่ โอ ดี๊ ทพ้าง ซู๊งเล๊ ดี๊ พี่ น ซื๊ง อางฆื๊ง แคว่ ทโฌ่งทพ้าง อ แค๊ นอ กแช่แยว้ ดึ้ เกม๊า เว๊ เกก้ะ ทไค้ะ เซยา ดี๊ ดึ้ เกม๊า เว๊ เกก้ะ ทไค้ะ ซ๊าโนย๊ง

อาโม 5:8

กแช่แยว้ พี่ ไต้ล้าง แซยโด้งมื่ง, ดี๊ แซย เท๊ พี่ เก โพล้ง เปลง ทไค้ะซ๊า, เกม๊า อ เก ทพ้างทาง โฌ้โค๊ ดี๊ ดึ้ เกม๊า มแช๊แค๊, ไค้ะซ๊า ด้องซุ้ ลู่ง มแน้แค๊ พี่ เก โพล้ง กุ้นี่ ที๊ง ปางเล เฌ๊ ดี๊ ลู๊งล้าง ที๊ง นอ, ลู่ง ฌางคูโคล๊งคู กแช่ยาเว, เมะเว๊ กแช่แยว้ อ เม้ง ล้อ

มีคา 7:8

จดีงจแด้-เอ้อ, ซ้ะอวีงซ้ะโทะ แม้ไฌ๊ซ้ะ แย้ ล ฌี้ พี่ จ ล้างเทะเค้า นอ, จ ม เฌ้เทิงทาง ได้ะ พี่ จ ชี๊น้าง โอ ลู่ง ทไค้ะซ๊า พ้า นอ กแช่ยาเว ม เก ทโฌ่งทพ้าง เอะ แย้

ลูกา 2:32

เก ท โฌ่ง ท พ้าง พี่ อ พ้าง ล้าง แบ โพล้ง ล ชื้อ แด ดี๊ เก ฆี๊ง เก แล้ แบ โพล้ง อีซลาเอง”