10 พี่ อ แด แบ แซย นอ, อซื๊งเว๊ ซ้ะอวีง ซ้ะโทะ เว๊ ดู มะ ล้อ
เกม๊า อางปฆ้าทาง, กแช่แยว้ อเม้งอแซ, พี่ อฌี้อแอว้ นอ กเย่ โพล้ง, พี่ อางฆื๊ง กแช่แยว้ นอ, เกม๊า อ เซิงมึซ้ะมึ
เกม๊า กโพล้ง กุ้ที๊งกุ้ค่าง ลแพ นอ, เซิงมึซ้ะมึ เท่อ, ดี๊ ซ้ะอวีงแท๊ ดี๊ ทเซิงฆวี๊งซ้ะโย้ เมะเว๊ กแช่แยว้ ต้ะเซ๊ง โพล้ง กุ้ที๊งกุ้ค่าง, ดี๊ ทอโต้อล้อง อเกิ้งอแบ ดี๊ ลี้ฌ้า โพล้ง กุ้ที๊งกุ้ค่าง, ลู่ง ฌางคูโคล๊งคู อี้งเซ่-ลา
อซื๊งเว๊ซีง ลี้ ท้อง นึ ฆ้าง เด้า พ้า, แด แบ พืงแซ ดี๊ อ มู่ เมะ เว๊ น่าง มารียา, อ ซื๊ง เว๊ ไคล้ะ ล้าง อ คาง แบ้ ทาง พืงแซ, แม้ นี่ อ ท๊อง ดี๊ กางยาง ดี๊ โม๊เย้าะ ลู่ง อ ฆวี้ แค้ๆ, นอ, เทว๊ เอะ พืงแซ นอ ล้อ
กจุ้แฆว้ โล้ เท่อ บี่ นอ ฌ้อง, อซื๊งเว๊ซีง ล แพ นอ แค๊ ล้าง ทาง อ คาง ลี้ เว๊, แซย พี่ อซื๊งเว๊ แด เว๊ อ เท่อ เนโพล ทาง อ ซ้ะ ดี๊-อ้ะ เด้าะ นอ, อ เท่อ ลี้ วี่ง-อ้ะ ท่อง ท๊อง อ ลี้ โอ โท๊ ฆ้าง ดี๊ พืงแซ อ ล่าง โอ
แบ เด้าะ ท มุ้คู พู โล้ แบ-อ้ะ, “ซ้ะเม เท่อ ล ฌี้, จ เฌ๊ โล้ ล้าง ท ฌี้ อ ไฌ่ เอะ น ซื๊ง, เมะ เว๊ ท ซ้ะอวีง ซ้ะโทะ พี่ ม เฌ๊ ท้อง โพล้ง กุ้ อ แฌ้
โพล้ง ลื่ง แกะ ล มู๊ง นอ, ไท้ อางปฆ้า ทาง กแช่ แยว้ ลู่ง ท ล แพ อี้ง อ กย้อง, พี่ อ แน่ฌ๊า ดี๊ แด แบ เว๊ นอ, บี่ ซุ้ ดี๊ ท มุ้คู พู โล้ เว้ เอะ-อ้ะ เย้า
กแช่แยว้ เกม๊า อ เว๊ ลี้ เทา เท่อ, ลู่ง ฌางคูโคล๊งคู อ ท พ้ะโท๊ คู เกม๊า เว๊ อ อาง แบ ทซูงทแซ, ทดุ้ทแล, พี่ นี่ แบ-อ้ะ ลู่ง ไชะ พ้า กแช่แยว้ เกม๊า เว๊ อ ช่องไซว้ะนี่ นี๊จ้าง ลู่ง ไล๊ พ้า ดี๊ ทซู ลู่ง โล่ง ล้างเล๊เก้ พ้า
