7 แบ เด้าะ กแช่ เยซู เฌ๊ ทุ้ แบ-อ้ะ ดี๊ ไจ้ะ เอะ เว๊, “เฌ้เทิง เซ้อ, ซ้ะเม ล ฌี้”
อี้งเซ้อ, โอ ดี๊ จูง เฌ๊ ต้อง แบ แย้, ดึ้ เกม๊า จ จูง ดี๊ จ คางมโล่ง ว้ะโทะ
โพล้ง พี่ โอ ดี๊ เค่งฌ้าง ด้องซุ้ กโพล้ง นอ, นี่ ต้องแบ แย้ ล พ๊า เด้าะ, ดี๊ เกม๊า แย้ ไฌ่แบ้
พี่ อ เว๊ ไคล้ ดี๊ แย้ นอ, จ ซย๊องล้าง เมะ ท้อง ล้าง ฌางคูคู, ดี๊ ซ้ะนาง จ ซ้ะ ไชวะ, แบเด้าะ อ เว๊ พองแบต้องแบ แย้ เกม๊า จ ชี๊เทิงทาง
พี่ จ ชูแพอางท่าง เท่อ อ แค๊ นอ, กแคว๊ พี่ อ เม้ง กาบีเอง พี่ จ แด -อ้ะ ลู่ง ทแดเว้ พ้า อ ต้องคู ล พ๊า นอ, เฌ๊ฆ้าง ยู้ง เบ้า ดี๊ แย้ เพล มะ, ลู่ง อช๊าอโท่ เทว๊ ทลื่งทาง ลู่ง มแฌล้าง โค๊
ล ทีง ฆ่าง นอ กแช่ เยซู ไคล้ ดี๊-อ้ะ ไจ้ะ เว๊, “ซ้ะเม เท่อ ล ฌี้, แย้ ล้อ, เกม๊า น เซิง ฆวี๊ง ซ้ะ ฆวี๊ง ทาง แด เทา”
ท่อง อ พู อ ลี้ง ซีง แน่ฌ๊า แบ ท อ ลู่ง นอ, ซ้ะเม เว๊ น้ะ มะ, ฌ้อง คะด้ะ ล้าง อ ซ้ะ ฌางคู คู
อซื๊งเว๊ซีง บุ้ ทาง อ คู, แด ที่ กแช่ เยซู ล แฌ้ ล้อ
โพล้ง มืง ล แพ นอ ซยึ้ เว๊, ซย๊อง ล้าง อ คู ท้อง ล้าง ฌางคู คู, แบ เด้าะ กแคว๊ คี๊ง แฌ้ นอ โล้ เอะ อซื๊งเว๊, “น ซื๊ง อางฆื๊ง โพล้ง ม๊า ลู่ง โพล้ง ซี๊ง อ แกล้ แม้ ท เล้
ค๊องเนง อี้ง เฌ้เทิง ทาง, ลี้ นึ ลู่ง เว่ง พ้า ไวะ, น แบ แม้ ท เล้ นอ โพล้ง ม โล้ แบ แน้ ล้อ”
พี่ จ แด แบ อ เว๊ นอ จ คะด้ะ ล้าง จ ซ้ะ ลู่ง อ คางไท้ะ แบ ด้อง จ ซี๊ง เย้า, แบ เด้าะ อ เว๊ ทุ้ แบ แย้ ดี๊ อ จูง ฆุ้ ล โค๊ ฌ้อง ไจ้ะ เว๊, “ซ้ะเม ล ฌี้, แย้ จ เก ท อ วี่งคู ดี๊ ท อ ไค๊ ทึ ล้อ
